GAU Tbilisi PR School

PR სკოლა, რომელიც Gepra-სა და GAU-ს თანამრომლობის შედეგია, ყველა დაინტერესებულ პირს უტარებს ინტეგრირებული მარკეტინგული კომუნიკაციების კურს, რომელიც  მარკეტინგს, პიარს, ივენთ-მენეჯმენტს, მედია დაგეგმარებას და ყველა იმ პუნქტს მოიცავს, რაც სამომავლოდ პიარ მენეჯერს დასჭირდება.

კურსი 3 თვის მანძილზე გრძელდება და ამ ხნის განმავლობაში ყოველი ლექცია იმდენად დატვირთულია ინფორმაციით, რომ თითეულ მათგანზე გამოყოფილი დრო შესაძლოა მცირედ მოგეჩვენოს.

აღსანიშნავია ლექციების ჩატარების დრო/განრიგი და უშუალოდ პროცესიც, რომელიც საღამოს (6-ის მერე) ტარდება და ხელს უწყობს ნებისმიერ პიროვნებას, რომელიც დღის განმავლობაში მუშაობს, ან სწავლობს სხვა დაწესებულებაში. თვით პროცესში კი ძალიან საინტერესოა ჯგუფური მუშაობის მეთოდი, რომლის დროსაც გარკვეულ წილად პრაქტიკულ ცოდნას ვიღებთ.

რაღა დაგიმალოთ და ვერ წარმოვიდგნედი თუ კი პრეს-კონფერენციაზე მელ გიბსონის ამპლუაში აღვმოჩნდებოდი .

სწავლების პროცესი გასაგებია, თუმცა არ შეიძლება 1-2 სიტყვით მაინც არ ვთქვა იმ ადამიანებზეც არაფერი, რომლებიც ამ ყველაფერს გვასწავლიან. ტრენერების თანამედროვე მიდგომა სტუდენტებთან მიმართებაში ძალიან განსხვავებულია იმ სწავლების მეთოდისგან, რომელსაც დღესდღეობით თბილისის ნებისმიერ (განსაკუთრებით სახელმწიფო) უნივერსიტეტში გადიან.

ხანდაზმული (:D) ლექტორებისგან განსხვავებით აქ ბევრად ახალგაზრდა, თუმცა საკმაოდ გამოცდილი პიარ მენეჯერები ატარებენ ტრეინინგებს, რომლებმაც თავიანთი საქმე კარგად იციან.

კურსი, რომლის გავლის შემდეგ თქვენ გეცოდინებათ თუ რა არის პიარი, მარკეტინგი? რა განსხვავებაა რეკლამასა და პიარს შორის? როგორ ვმართოთ ორგანიზაცია კრიზისის დროს? როგორ შევქმნათ კარგი პრეს-რელიზი და გავმართოთ პრეს-კონფერენეცია და სხვ. დაგეხმარებათ მომავალში უამრავი პრობლემის გადაჭრაში, თუ კი თქვენ ამ სფეროში აპირებთ მოღვაწეობას. აქ მიღებული ცოდნა თქვენ პრაქტიკაში აუცილებლად გამოგადგებათ.

რა თქმა უნდა, ამ ყველაფრის წარმატებით გავლის შემთხვევაში თქვენ გადმოგეცემათ სერტიფიკატი.

სერტიფიკატი

სამწუხაროა კურსის მთლიანად გავლას ვერ ვახერხებ, რომლის იმედებსაც სამომავლოდ ვიტოვებ. ეს სულ მცირეა იმის შესახებ, რაც ამ სკოლის შესახებ შემიძლია ვთქვა.

დამატებითი ინფრომაცია შეგიძლიათ იხილოთ PR სკოლის ვებ-გვერდზე და მათ ბლოგზე.

აბიტურიენტი გოგონა

პირველი რაც გავიფიქრე იყო, აი სად გავასწარი მეთქი, მეორე – საწყალი აბიტურიენტები თქო, მესამე კი, ნუ მესამეს ალბათ ყველანი ხვდებით . ეს რეფორმა 2011 წლიდან ამოქმედდება და მასზე ექსპერტები უკვე მუშაობენ.

მოდით ვეცადოთ ზედმეტი გინებისა და ლანძღვის გარეშე ობიექტურად შევაფასოთ სიტუაცია. ჩვენი განათლების სამინისტრო ბოლო წლებია აქტიურად ცვლის სასწავლო რეფორმებს. დამეთანხმებით, რომ უმეტესობა მათგანი მოსახლეობის (მოსწავლეებისა და მასწავლებლების) მიერაა დაწუნებული. 

რეფორმების ჩამოთვლას და გახსნებას არ დავიწყებ, თუმცა ერთ-ერთი სასწავლო კანონთან დაკავშირებით, რომ მოსწავლეები, რომლებიც სკოლაში მოვიდოდნენ, გაკვეთილების დამთავრებამდე არ უნდა დაეტოვებინათ შენობა (თუ რაღაც ამდაგვარი, ვერ ვიხსნებ ზუსტად). ამის გამო სკოლებში დაცვაც კი აიყვანეს, რათა ბავშვები არ გაპარულიყვნენ, თუმცა მოსწავლეები სხვადასხვა ხერხს მაინც პოულობდნენ, რომ გაპარულიყვნენ. ამის დასადასტურებლად ერთი ვიდეო მინდა გაჩვენოთ. უყურეთ, იხალისებთ

ეს მცირე ლირიული გადახვევა, ახლა კი კვლავინდებურად მთავარ თემას დავუბრუნდეთ. ამ ახალი რეფორმის მთავარი მიზანი მდგომარეობს იმაში, რომ მოსწავლეებმა ყოველგვარი რეპეტიტორის გარეშე სკოლაში მიიღონ ის განათლება, რომელიც დაეხმარება მათ ეროვნული გამოცდების ჩაბარებაში.

არ ვიცი მომავალ წელს როგორ იყო, მარა წელს და წინა წლებიც, გამოცდები იყო სამ დღიანი ინტერვალით, თუ კი 10 გამოცდის ჩაბარება მოუწევთ მომავალ სტუდენტებს, ე.ი. მინიმუმ 1 თვე იქნება ერთიანი ეროვნული გამოცდები. შეუძლებელია, რომ ყოველდღე ჰქონდეთ მათ რაიმე საგანში წერითი გამოცდა, დღეში რამდენიმეზე ხომ საუაბარიც ზედმეტია. ნებისმიერ ვარიანტში ეს ყოველივე მათ ფსიქიკაზე საშინლად იმოქმედებს, და გადამწყვეტ მომენტში დიდია შანსი, რომ მათ მთელი ეს 11/12 წლის ნასწავლი ერთ მომენტში დაავიწყდეთ.

მაგას რომ თავი დავანებოთ, მე პირადად არ მეგულება ისეთი პიროვნება, რომელიც ყველა საგანში ძლიერია. თუ ასეთი პიროვნება არსებობს ე.ი. ის ყველა საგანში სუსტია. იმის გამო რო ვიღაცა ფიზიკაშია ძლიერი, ხოლო ვიღაცას ქართული ენა და ლიტერატურა გადამეტებით უყვარს, ხოლო შრომასა და ხატვაში მოიკოჭლებენ, არ უნდა გახდეს იმის საბაბი, რომ ეს ბავშვები დარჩნენ ქუჩაში.

სიმართლე თუ გითხრათ, კარგს ვერაფერს ვხედავ ამ რეფორმაში, როგორც თითქმის ყველა წინამდებარეში. ამ მთავრობამ მთავარია რამე შეცვალოს, რომ ხალხს დაანახოს, ჩვენ აი რაღაცას ვაკეთებთ და “საქმით” ვართ დაკავებულნიო, ხოლო რას სჩადიან თვითონაც კი არ იციან მგონი.

სამხედრო დისციპლინა

სამხედრო განათლება

გარდა იმისა, რომ 2011 წლისთვის მოსწავლეებს მეტი ყურადღება მართებთ გაკვეთილებზე, მათ კიდევ ერთი საგანი დაემატებათ – სამხედრო დისციპლინა, რომელსაც როგორც ვაჟები, ასევე გოგონები გაივლიან. მე თუ მკითხავ, ზოგიერთი საგანი სრულიად უნდა ამოიღო ცხრილიდან და ეს ჩასვა. “სამხედროს” სწავლა ყოველთვის მინდოდა, რომ სკოლაში მაინც ყოფილიყო და იქ მიმეღო მცირედი განათლება. მიმაჩნია რომ ეს ბიჭისთვის აუცილებელია. კონკრეტულად რას შეასწავლიან სამომავლოდ არ ვიცი, მაგრამ იმედი მაქვს კარგი საგანმანათლებლო გეგმისა და შესაბამისი პედაგოგების მეშვეობით ეს მეცადინეობები უშედეგოდ არ ჩაივლის.

სექსოლოგია

სექსოლოგია სკოლაში

კიდევ ერთი საგანი, რომელიც ნამდვილად ჩასამატებელია ჩვენი სკოლის საგნების სიაში, ეს არის სექსოლოგია. ბავშვები არ უნდა იყვნენ ყოველი ორშაბათის მოლოდინში, მხოლოდ იმიტომ რომ წინა შაბათის გადაცემა – “ღამე შორენასთან” განიხილონ. თუ რა ეცვა მას, უხდებოდა თუ არა, დააფიქსირეს თუ არა აუზში ცურვისას მისი მკერდის თავი და სხვა. ამ საგანს თინეიჯერები არც ქუჩაში უნდა ეცნობოდნენ და არც ინტერნეტში პორნო საიტებზე ძრომიალისას. ყველაფერს ნორმალური სახე რომ მიეცეს, თეორიული ცოდნა მაინც უნდა იცოდნენ ბავშვებმა. დარწმუნებული ვარ ბევრ ქალიშვილს უცოდინრობის გამო მისი უბიწობის დაკარგვის შიში აქვს, კერძოდ თუ რა ხდება პროცესის დროს და მის შემდგომ. თუმცა ქალიშვილობაზე აღარ გავაგრძელებ.

სექსი სკოლაში

საერთოდაც აქვე დავამთავრებ ჩემს სათქმელს. მხოლოდ და მხოლოდ თქვენი აზრი დამიფიქსირეთ ყოველივე ზემოხსენებულთან, როგორი იყო თქვენ დროს სასწავლო რეფორმები, ისწავლებოდა თუ არა სამხედრო დისციპლინა და/ან სექსოლოგია? გაშინებთ თუ არა ის ფაქტი, რომ 10 საგნის ჩაბარება მოგიწევთ და ხართ თუ არა მზად რომ ეს ყველაფერი გადალახოთ?