Next Level VS. New Style

დღევანდელი გადაცემა, ჯგუფმა “Next Level”-მა გახსნა, რომელიც “Hip-Hop”-სა და “Breakdance”-ს ცეკვავს. იგი ჯერ კიდევ წინა გადაცემაში აიღარეს ჯგუფ “New Style”-ს კონკურენტად, თუმცა მე თუ მკითხავ კონკურენციამდე ბევრი უკლიათ. არა, უდაოდ კარგად ცეკვავდნენ, თუმცა ამ ორიდან ჩემთვის პირველ გადაცემაში მყოფი ჯგუფი ფავორიტია.

ასე რომ დავას, “Next Level”  ჯობია, თუ “New Style”, არ დავიწყებ.

შემდეგი საინტერესო მომენტი ალბათ შიშველი ბიჭის, არმან ერემიანის, გამოსვლა იყო, რომელმაც თავი ძვლების “მოძრაობით” დაგვამახსოვრა და მეორე ტურში გადასულს ემოციისგან სცენაზე დარჩენილი ფეხსაცმელიც კი დაავიწყდა და სახლში ფეხშიშველი მოუწევდა წასვლა, რომ არა მაიას: “Арман! ты туфли забыл!!”.

არმან ერემიანი

შემდეგ თავი კახელმა და-ძმამ დაგვამახსოვრა, რომლებიც მიხოსა და მაროს ფორმაში იყვნენ გამოწყობილნი. ჯერ იყო რაღაც “სკეჩი” მოგვიმზადეს, ხოლო შემდეგ ცეკვა, რომელსაც “მაროსგან” სულაც არ ველოდი. მე პირადად ამ ცეკვამ მხოლოდ იმის გამო მომხიბლა, რადგან ძალიან სასაცილოდ გამოიყურებოდა 15 წლის “ბებო” მაგ მოძრაობისას.

ელენე და გიორგი ჭამიაშვილები

ეს ცეკვა მხოლოდ მე როდი მომეწონა, კმაყოფილი თვით ვანო თარხნიშვილიც დარჩა, რომელიც “მიდი, ბებოს!” შეძახილებით ამხნევებდა დედმამიშივილებს.

ძალიან ცუდია, როცა ადამიანი სიგარეტს ეწევა, მითუმეტეს ბავშვობიდან, თუმცა ისეთი მომენტების სანახავად, როგორიც ნოდარ ვარშალომიძეს გამოსვლა იყო, რომელმაც სიგატერის კვამლი ყურებიდან გამოუშვა, ნამდვილად ღირს. ჟიურს და მაყურებლებს იმდენად მოეწონათ, რომ ამის გაკეთება ხელმეორედ სთხოვეს. რაღაც მომენტში დაეჭვდნენ კიდეც და გაიფიქრეს “ხან ატარებს, ხან არაო”, რის გამოც მეორე ტურში იგივე ნომრის ხილვა არ გვეღირსა.

ნოდარ ვაშალომიძე

ჯერი შოუს ყველაზე ასაკოვანი მონაწილისთვის, 86 წლის გივი გვესელიანისთვისაც დადგა. არ ვიცი ახალგაზრდობის და სტუდენტობის წლებში, მეოცე საუკუნის 20-იან წლებში ბატონი გივი, როგორ მღეროდა, თუმცა ვერც ჟიური და ვერც მე ვერ გამაკვირვა ვერაფრით, გარდა მისი სივაჟკაცისა, რომ ამ ასაკში შეძლო და ამხელა ნაბიჯი გადადგა.

გივი გველესიანი

მისი გამოსვლისას ნაწილს გული აუჩუყდა, ნაწილმა იტირა კიდეც, თუმცა მე სად მეტირებოდა, როცა ვხედავდი, როგორ იყურებოდა სხვა მიმართულებით, როცა დარბაზს და ჟიურის, ზურგს, არა უკაცრავად, გვერდს აქცევდა. ძალიან ცუდი ბავშვი ვარ, არ უნდა დავცინოდე მოხუცებს, მეც ხომ დავბერდები ოდესმე არა? თუმცა მემგონი ცუდი არაფერია, იმაში, რომ რაღაცაზე გამეცინოს (?).

დღევანდელი გადაცემის ყველაზე “ნათელი” წერტილი, უფრო სწორად წერტილები, პატარა ტყუბი დები, ელენე და ეკა თორიები აღმოჩნდნენ, რომლებმაც პირღია დამტოვეს მთელი მათი ნომრის მსვლელობისას. მათი ასაკის, ტანვაჯრიშისა და ცეკვის ილეთების შერწყმით უდაოდ 6 კის მფლობელები გახდნენ, რომელსაც 7-ე დადებითი ხმა მე დავუწერე.

ელენე და ეკა თორიები

ნათელი წერტილ(ებ)იდან ბნელ წერტილზე, რომ გადავინაცვლო, დაუფიქრებლივ მიხვდებით ვისზე მაქვს საუბარი. დიახ, ეს გოგი შონიაა, ზუგდიდიდან, რომელმაც “ნიჭიერის” და საერთოდ ტელესივრცის განმავლობაში მსგავსი სახალხო შოუების ყველაზე უცნაური ნომერი – 40 სართულიანი მეგრული წყევლა – შემოგვთავაზა.

გოგი შონია

მის გამოსვლას დიდი ინტერესით ველოდი, როდესაც მოსაცდელში ტელემაყურებელი დააინტრიგა თავისი უჩვეულო ნომრით. მეგონა აქამდე მხოლოდ ქალები იწყევლებოდნენ, თუმცა “კაცური” წყევლა სხვა ყველა წყევლაზე უარესი ყოფილა, მითუმეტეს მეგრული, რომელიც ქართულად გარითმულიყო.

იმედი მაქვს მეორე ტურში არ გადაყვანის გამო იგი ჟიურის წევრებს არ დაწყევლის, მე კი მისი ამ პოსტში ხსნების გულისთვის .

ცრუწმენები გვერდზე იყოს და არაერთ ილუზიონისტს ნომერი კი ჩაუვარდა, მანამ სცენაზე დათო რობაქიძე არ გამოვიდა თავისი კარტებით. “კაცი ტუზი”, რომელსაც პირობითად ასე შევარქვი ძალზედ საინტერესო ნომერი გვაჩვენა, რომელშიც მცირე იუმორი ჩააქსოვა. ვანიკოს დაშინებით და “ტუზია, ტუზი,სად უყურებთ?”-ით მეორე ტურში უფრო საინტერესო ფოკუსების ჩვენებას დაგვპირდა და “3 კი”-თ დაგვემშვიდობა.

დათო რობაქიძე

არ შემიძლია არ ვახსენო 9 წლის ბიჭი, რომელმაც თავის მეგობრებთან ერთად და პარკურის ტექნიკით ნამდვილი შოუ დადგა სცენაზე. მათი შემხედვარე ჩემი ბავშვობა, მსგავსი მცდელობები და ფილმი Yamakasi გამახსენა.

გივი მაღრაძე

ქორწილი შეყვარებული ადამიანებისთვის ერთ-ერთი ბედნიერი და მნიშვნელოვანი დღეა, მისი გადადება ცუდის მანიშნებელია (ციკლიდან “ცრურწმენები” ), თუმცა გვანცასთვის და აკასთვის იგი მეორე ტურში გადასვლის და შესაბამისად წარმატების ნიშანი აღმოჩნდა. მათმა სამეჯლისო ცეკვამ ოპერის სცენას ცეცხლი აუკიდა, რომელსაც თიკასა და ვანოს აცეკვებაც მოყვა. მე კი მხოლოდ ერთი მომენტის გამო გადავიყვანდი მათ მეორე ტურში.

გვანცა ციხელაშვილი და აკა მოდებაძე

წინა ნომერში შესრულებული ცეკვის შემდეგ ვანიკომ თავი მოცეკვავედ სცნო და გადაწყვიტა (ნუ მთლად მისი გადაწყვეტილება არ იყო, მაგრამ ) უპარტნიოროდ დარჩენილ შორენა ბერელიძესთვის ანგარიში გაეწია.

გადაცემა დასასრულს უახლოვდებოდა, როცა ერთ-ერთმა მონაწილემ განაცხადა, რომ სცენაზე კონიაკს დალევდა და ისაუზმებდა. ერთი წარბი უმალვ ავწიე და დავფიქრდი, ამას მისამართი ხომ არ შეეშალა თქო, მარა როდესაც მისი ნომერი ვიხილე, დავრწმუნდი, რომ იგი სწორედაც რომ იქ მივიდა, სადაც უნდა მისულიყო.

ვაჟა ნატროშვილი

ყოველდღე ვერ ნახავ ადამიანს, რომელიც ფეხით პროფილს დახატავს და იარაღს საკმაოდ დამიზნებულად ისვრის, რომ არაფერი ვთქვა ასანთის ანთებაზე და სხვა ტრიუკებზე. მიუხედავად ამისა გეგასგან ერთი “არა” მიიღო, გეგამ კი ჩემგან დიდი გაკვირვება.

შუშა – დამეთანხმებით, მეტად უცნაური სახელია როკ-ჯგუფისთვის. მაგრამ მეტად უცნაური ჩემთვის მათ მიერ ხელნაკეთი მიკროფონის დასადგამი აღმოჩნდა, რომელიც შამპანიურის ბოთლის თავსახურებისგან, პიანინოს სკამის დასადგამისგან, ზღვის ქოლგისაგან, რომელიც ისევ ფუნქციონირებდა და ელექტრო მაფთულებისგან იყო გაკეთებული.

ჯგუფი "შუშა"

ამ “მოწყობილობამ” წარმატება მოუტანა ჯგუფს და კიდევ უფრო მეტ წარმატებას ვუსურვებ მომავალში, მე კი დღევანდელ მიმოხილვას ამით დავამთავრებ, წინ იმედი მაქვს 4-მაგად საინტერესო შოუ გველის და არ იქნება ისეთი იმედგაცრუებები, როგორიც დღეს იყო სტრიპტიზიორის მოლოდინში

თქვენ რას ფიქრობთ გასულ შოუსთან დაკავშირებით?

დადებითი თუ უარყოფითი ემოციის მოხდენა ჩემზე არაერთმა მონაწილემ შეძლო. გამაოცა უმეტესი მონაწილის უნიჭოობის (ანუ განსაკუთრებული არაფრის) ნიჭით დაჯილდოვებულობამ.

ზოგს ბავშვობიდანვე შეუძლია მუშტი პირში ჩაიდვას, რასაც ჟიურის აღტაცება და მაიას „ვაიმე შვილო“ მოჰყვება.

მარიამ გუჯაბიძე პროექტში "ნიჭიერი"

ზოგს ველიოსიპედზე უკუღმა ტრიალი შეუძლია და დამსწრე საზოგადოების ასე გაოცება.

გიგა ჯანჯღავა პროექტში "ნიჭიერი"

ზოგი ხვდება, რომ წონაში დაკლება არ აწყენდა და გახდომისთვის მუცლის ცეკვებს ასრულებს.

დიოლა ჩხეტიანი პროექტში "ნიჭიერი"

ზოგმა ფანდურზე დასაკრავად ორი აკორდის აღება ისწავლა და თავს უკვე ნიჭიერად შერაცხავს.

ბესო ტარიელაძე პროექტში "ნიჭიერი"

ზოგს „ინკოგნიტოდ“ სიმღერას არ აცლიან, გატეხილ გულს უფრო უტეხენ და დაკარგულ სიყვარულზე ათასობით ხალხის წინაშე დასცინიან.

ირაკლი ძამუკაშვილი პროექტში "ნიჭიერი"

მაგრამ მთავარი ხომ ეს არაა? მთავარი ისაა, რომ ამით ისინი ერთობიან.

წითელი ღილაკი, რომელიც მონაწილეებისთვის არასასიამოვნოა და პროგრამის შეწყვეტას გულისხმობს, შესაძლოა ერთი უბრალო მეთევზე მშიერი დატოვოს, ხოლო ოქროს თევზს სიცოცხლე აჩუქოს.

რამაზ კუხალაშვილი პროექტში "ნიჭიერი"

მსგავსი ნიჭიერებით, რომ არ შემოვიფარგლო, მინდა გადაცემის და ალბათ სრულიად პროექტის ნამდვილი წარმატებული კონკურსანტის შესახებაც გიამბოთ, რომელმაც შეძლო და ყველა პიროვნებაში სიუზან ბოილის ასოციაცია გამოიწვია.

სიუზან ბოილის გამოსვლა “ნიჭიერის” ბრიტანულ ვერსიაში

ეს ქალბატონი, გულნაზი გოლეთიანი, ერთი პატარა სოფლის მკვიდრია, რომელსაც ოჯახში 3 შვილი და ფერმაში პირუტყვი ყავს. დღის განმავლობაში ოჯახს და სახლხს უვლის, მუშაობს ვენახში, მაგრამ სიმღერისთვის მაინც იცლის. თანაც ისეთი სიმღერისთვის, როგორსაც ვერ წარმოიდგენდით.

გულნაზი გოლეთიანი (ქართველი სიუზან ბოილი) პროექტში "ნიჭიერი"

სიმღერას, რომელსაც მაყურებლის აღტაცება, ცრემლი და ფეხზე მდგომი ტაშის კვრა მოჰყვა, სწორედ ამ ფარული ნიჭით დაჯილდოებული ქალბატონი ასრულებდა.

გულნაზი გოლეთიანის გამოსვლა პროექტში “ნიჭიერი”

მოკლედ პირველი გადაცემა წარმატებით დასრულდა, თუმცა უკმაყოფილების გრძნობა დამიტოვა, რადგან 1 საათი საგრძნობლად მალე გავიდა. მე კი შემდეგ ორშაბათს უფრო მეტ ახალ ნიჭიერთან შეხვედრას დაველოდები.

ჯეოსტარი (მიმოხილვა)

„ჯეოსელისა“ და „რუსთავი 2“-ის ეს გრანდიოზული პროექტი მუსიკის ნიჭით დაჯილდოებულ ახალგაზრდებს თავის წარმოჩენის საშუალებას  აძლევს. ყოველი წლის ოქტომბრის ბოლოს სამთვიანი მარათონი იწყება, რომლის გამარჯვებულიც სხვადასხვა პრიზებით ჯილდოვდება.

მონაწილეები

ჯეოსტარის მონაწილეები

ნიჭიერი ახალგაზრდები საქართველოს ყველა კუთხეში არიან და მათ აღმოსაჩენად „ჯეოსტარის“ ჟიური თითოეულ რაიონში ატარებს კასტინგს, რაც დამეთანხმებით და საკმაოდ შრომატევადი საქმეა. ზოგიერთი კონკურსანტი  დაჯილდოებულია ვოკალური მონაცემებით და მათი მოსმენა მართლაც რომ სასიამოვნოა, ხოლო უმეტესი ნაწილის მოსმენა კი – სახალისო, მთლიანობაში ეს ფაქტი ამ პროცესს საინტერესოს ხდის და კასტინგების დასრულების შემდეგ საშუალება გვეძლევა დავტკბეთ ამ ვოკალური მონაცემებით დაჯილდოებულები ადამიანებით.

ჟიურის წევრები

ბუბა კიკაბიძე, მარინა ბერიძე და ნიკა მემანიშვილი

ჟიურის განუყრელი წევრი და თავჯდომარე, ქალბატონი მარინე ბერიძე, რომელიც „დედუნას“ ზედმეტსახელით არის ცნობილი, ყოველთვის ცდილობს ხოტბა შეასხას ყველას, ვინც მის გულს დაიპყრობს. მათ კი ვინც ვერ ხვდება, რომ მისი ადგილი მანდ არაა საკადრის სიტყვასაც არ დაიშურებს. ქალბატონ მარინას ყოველთვის გვერდს უმშვენებენ  ისეთი მუსიკათმცოდნეები, როგორიც არიან ნიკა მემანიშვილი, ნატო მეტონიძე, ბუბა კიკაბიძე და სხვანი, რომლებიც მუდამ ობიექტურად აფასებენ კონკურსანტებს.

წამყვანები

დუტა სხირტლაძე და ანანო მჟავია

„ჯეოსელის“ სახედ აღიარებული, ნიჭიერი მსახიობი და შოუ პროგრამების წამატებული წამყვანი დუტა სხირტლაძე, უკვე წლების განმავლობაში ტრადიციას არ ღალატობს და ფილარმონიის სცენიდან უძღვება ჯეოსტარს. კონკურსანტების გამოსვლამდე იგი ცდილობს მაყურებლების გამხნევებას და მეტი აქტიურობისკენ მოწოდებას. მას უკვე მესამე წელია გვერდს  უმშვენებს ულამაზესი ანანო მჟავია, რომელიც აგრეთვე მხიარულად და ენერგიულად უძღვება შოუს, თუმცა ის დუტასაგან გასხვავებით სცენის მიღმა მონაწილეებს ამხნევებს.  მათი ჰარმონიული შერწყმა და ორატორული ნიჭი საინტერესო შოუს გვთავაზობს.

პროექტის დადებითი და უარყოფითი მხარეები

დადებითი და უარყოფითი მხარეები

და ბოლოს…

ფინიშის ხაზი (Finish Line)

აღსანიშნავია, რომ ამ პროექტმა მხოლოდ წინსვლა და პროგრესი განიცადა მთელი ამ ხნის განმავლობაში. საკითხავი მხოლოდ ერთია, კიდევ რამდენ ხანს იკაშკაშებს „რუსთავი 2“-ის ეთერში „ქართული ვარსკვლავი“?

ეს პოსტი სპეციალურად პროექტ „ნიჭიერის“ კონკურსისთვის დაიწერა, რომელშიც გამარჯვების იმედები ჯერ არ დამიკარგავს, ასე რომ, მისურვეთ წარმატებები. : )