2 ლარი VS. 10 ლარი

დღესდღეობით 10 ლარი არაფერია, ბევრს ვერაფერს შეიძენ მაგ თანხით, რომ არაფერი ვთქვათ  2 ლარზე. სულ, რომ ვკვდებოდე შიმშილით და პურის ფული არ მქონდეს, მაგით (იმ ყალბი თუმანით) პურს ნამდვილად არ ვიყიდდი. მაგრამ არის ხალხი, რომელიც ათს კი არა, ორ ლარსაც ყალბს გამოიყენებს, იმის გულისთვის, რომ მას მეტი შეხვდეს. ალბათ არ  სმენიათ იმ აფორიზმის შესახებ, “რასაცა გასცემ შენია, რაც არა, დაკარგულია”. ეს ადამიანი არიან სამარშრუტო ტაქსის მძღოლები. 

პატენტი 2 ლარიანი

ამას წინათ შინ გვიან ვბრუნდებოდი, ბნელოდა, და როცა გაჩერებაზე ჩავედი, მივაწოდე 5 ლარიანი და ხურდა ფულს რომ მიბრუნებდა არ შევხედე და პირდაპირ ჩავიდე ჯიბეში, რას წარმოვიდგენდი ასეთი რამე თუ შეიძლებოდა მომხდარიყო. არა, ფულს ყოველთვის ვუყურებ ხოლმე, მაგრამ საქმე იმაშია, რომ ეს რკინის მონეტა იმდენად გავდა 2 ლარიანს, რომ ეჭვიც არ შემპარვია მძღოლის კეთილსინდისიერებაში.

პატენტი 2 ლარიანი. უკანა ხედი

იპოვეთ 10 განსხვავება

როდესაც შინ მისვლისას აღმოვაჩინე, გამიკვირდა, ვიფიქრე ეს რა არის თქო? ეგრევე მივხვდი, ვისი ნახელავიც იყო. მაგრამ არც გავბრაზებულვარ და არც გინება დამიწყია. ყველაფერს ჩემს უგუნურობას ვაბრალებ. ეგ კი არადა გამეცინა კიდეც, ასეთი რამ, რომ შემემთხვევა.

მოკლედ,  ასე და ამგვარად მომატყუეს და მე ერთი უცოდველი ანგელოზივით მგზავრი. ასე, რომ როცა ხურდას გიბრუნებენ, არ ააქვს მაგას მნიშვნელობა, რკინის იქნება ეს თუ ქაღალდის ფული, ყოველთვის გადაამოწმეთ ხოლმე, თორემ მსგავსი რამ თქვენც დაგემართებათ.

P.S. ფულზე გამახსენდა და ბლოგზე რომ ტექსტური რეკლამები მაქვს, გვერდით და პოსტების ქვემოთ, შეგიძლიათ დღეში ერთხელ დააკლიკოთ ხოლმე, არ იკბინებიან, მადლობთ