“ალბათ ყველას გახსოვთ ის დღე, როდესაც ფეისბუქს like ღილაკი დაემატა. ბევრს ეს იდეა მოეწონა, ბევრისთვის კი შემაწუხებელი და მომაბეზრებელი იყო ახალი ნოთიფიქეიშენების მიღება. თუმცა დროთა განმავლობაში ყველა მიეჩვია და ამ ღილაკს დამატებითი ფუნქციაც გამოუჩინეს.

ჩვენ შევადარეთ ფეისბუქის მონაცემები და როგორც აღმოჩნდა ყველაზე მეტად ამ ღილაკს რუსეთის სამხრეთით მდებარე ერთ პატარა ქვეყანაში, საქართველოში იყენებენ. ფეისბუქის ჯგუფის წევრებმა ჩაატარეს გამოკვლევა და როგორც აღმოჩნდა მხოლოდ ქართველებს მოაფიქრდათ ამ ღილაკის გამოყენება სხვადასხვა კონკურსებში.

სწორედ ეს გახდა მიზეზი იმისა, რომ მონაცემთა ბაზაზე და ჩვენს სერვერებზე მიდის სერიოზული დატვირთვა. ჩვენი IT გუნდის წევრები მუხლჩაუხრელად შრომობენ, რომ აღმოფხვრან ყოველგვარი ხარვეზი, თუმცა დატვირთვა იმდენად დიდია, რომ ჩვენ პრობლემებს ვერ ავუდივართ, რის გამოც ხშირად ითიშება ჩვენი საიტი, ხშირად იტვირთება კონტენტი დაგვიანებით და სხვ. ზარალმა უკვე მილიონებს გადააჭარბა.” – აცხადებს ცუკერბერი CNN-თან ინტერვიუს დროს.

“ამ წიგნის დაწერის მიზეზიც სწორედ ეს გახდა. like ღილაკმა არა მხოლოდ ფეისბუქის თანამშრომლების ცხოვრება შეცვალა, არამედ უბრალო მომხარებლებისაც კი. “ცხოვრება ლაიქ ღილაკამდე და მის შემდეგში” აღწერილი მაქვს იმ ადამიანების ბედნიერი სახეები, რომლებიც ამ კომპანიაში მუშაობენ და იმ გაუბედურებული პიროვნებების ისტორიები, რომლებსაც ამ პრობლემებთან აქვთ შეხება.

წიგნში ასევე მოცემულია სხვადასხვა მარკეტინგული გზები და მაგალითები კომპანიებისთვის, თუ როგორ შეიძლება ვმართოთ ჩვენი ბიზნესი ფეისბუქზე უკეთ და ა.შ.

წიგნის გამოშვების მთავარი მიზეზი კი ქართველი სოციალური მედიის მენეჯერებისთვის თხოვნაა, რომ მსგავსი კონკურსებისგან თავი შეიკავონ, შეიძინონ ეს წიგნი გამოსვლისთანავე, წაიკითხონ, გაეცნონ ახალ იდეებს და უკეთ მართონ თავიანთი კომპანიის გვერდები ფეისბუქზე, წინააღმდეგ შემთხვევაში დატვირთებს სერვერზე ვეღარ გავუძლებთ და მოგვიწევს ფეისბუქის დახურვა – პატივისცემით მარკ ცუკერბერგი”.

imo.im - IM your friends online

IMO არის web-based ონლაინ მესენჯერი, რომელიც შემდეგ ჩატ კლიენტებს აერთიანებს:

• Skype
• MSN
• AIM
• ICQ
• Yahoo
• Google Talk
• Myspace
• Faceebok

პირადად ჩემთვის ყველაზე სასიხარულო და მოულოდნელი ფეისბუქისა და სკაიპის აღმოჩენა იყო ამ სიაში, რადგან ყველაზე მეტად ამ 2-ს ვიყენებ ადამიანებთან საკონტაქტოდ და მათი ანალოგიც ჯერ არ შემხვედრია.

ეს საიტი არ საჭიროებს არანაირ რეგისტრაციას. უბრალოდ შედით მოცემულ ვებ-გვერდზე, ჩაწერეთ თქვენი IM (Instant Messenger) მესენჯერი მომხმარებლის სახელი და პაროლი და ესაუბრეთ თქვენს მეგობრებს, კოლეგებს ან ოჯახის წევრებს ყოველგვარი დამატებითი პროგრამის დაყენების გარეშე.

ეს ძალიან კარგია იმ შემთხვევაში, როდესაც ხართ ვინმესთან სტუმრად და მას არ უყენია რომელიმე ზემოხსნებული IM კლიენტი თავის კომპიუტერზე (რაც დღეს-დღეობით რთული დასაჯერებელია, მაგრამ მაინც) და გაქვთ აუცილებელი სალაპარაკო ვინმესთან.

ამ საიტის კიდევ ერთი უპირატესობა იმაში მდგომარეობს, რომ შეგიძლიათ ყველა ექაუნთში ერთდროულად შესვლა, ანუ შეგიძლიათ იყოთ ფეისბუქის ჩატში და სკაიპში ერთდროულად და გქონდეთ მიმოწერა თქვენს ახლობლებთან, როგორც სკაიპის მეგობრების სიიდან, ასევე ფეისბუქის მეგობრების სიიდან.

გარდა ამისა, თქვენ შეგიძლია გქონდეთ ვიდეო და აუდიო ჩატები თქვენს მეგობრებთან ერთად, ანუ ესაუბროთ მათ და ხედავდეთ კიდეც. ეს სიახლე არაა, თუმცა ამ საიტისთვის დამატებითი ფუქნცია პლიუსად ითვლება.

პროექტი მართალია ჯერ ალფა ვერსიაშია და ბევრი რამ დასახვეწია, თუმცა დასაწყისისთვის არც ეს არის ურიგო,  მაშინ როცა ამ საიტს ანალოგი არ ჰყავს http://www.meebo.com/-ს გარდა, სადაც მთავარი პრობლემა  Skype-ს არ არსებობაა.

მოკლედ, მემგონი ცუდი არაა ალტერნატივების ქონა. თქვენ იცოდით ამ საიტის შესახებ? გამოგიყენებიათ როდისმე? თუ არადა, ახლა შესანიშნავი მომენტი გაქვთ გატესტოთ იგი და სამომვალოდ იცოდეთ მისი არსებობის შესახებ.

იმის გამო, რომ ასეთი აპლიკაცია ასობით და ათასობით მხვდებოდა, მათი დაბლოკვა ბევრი დროის დაკარგვასთან იყო დაკავშირებული. სწორედ ამიტომ ვეცადე, რომ ყველაზე სწრაფი გზა მომეძებნა ამ პრობლემის გადასაჭრელად. და ვფიქრობ მას მივაგენი. პოსტის წაკითხვის შემდეგ გეცოდინებათ, თუ როგორ დაბლოკოთ ესა თუ ის აპლიკაცია უმარტივესად.

განვიხილოთ კონკრეტულ მაგალითზე, აპლიკაციაზე, რომლის სახელიცაა “Who has seen your profile?“.

1. აპლიკაციის არჩევა

აპლიკაციის არჩევა (გასადიდებლად დააჭირეთ სურათს)

ფეისბუქის მთავარ გვერდზე გამოჩენილ აპლიკაციებიდან აირჩიეთ თქვენთვის სასურველი აპლიკაცია. “Comment“-ის გვერდით დავაჭირთო ბმულს “Who has seen your profile?“.

2. აპლიკაციის დაბლოკვა

აპლიკაციის დაბლოკვა (გასადიდებლად დააჭირეთ სურათს)

არჩეული აპლიკაციის გვერდზე გადასვლის შემდეგ დააჭირეთ “Block Application“-ს.

3. დაბლოკვის დადასტურება

დაბლოკვის დადასტურება (გასადიდებლად დააჭირეთ სურათს)

წინა პუნქტის შესრულების შემდეგ გამოჩნდება პატარა ფანჯარა, სადაც უნდა დაადასტუროთ, რომ ნამდვილად გსურთ ამ აპლიკაციის დაბლოკვა. უბრალოდ დააჭირეთ ლურჯ ღილაკს “Block Who has seen your profile?“-ს.

4. აპლიკაცია დაიბლოკა

აპლიკაცია დაიბლოკა (გასადიდებლად დააჭირეთ სურათს)

თუ თქვენ ამ ყველაფრის შემდეგ მიიღებთ შეტყობინებას “The application has been blocked.“, მაშინ გილოცავთ, თქვენ წარმატებით დაბლოკეთ აპლიკაცია. ამის შემდეგ თქვენ მას თვალით ვეღარ დაინახავთ

როგორ მოვხსნა აპლიკაციას ბლოკი?

თუ რაღაც სასწაული მოხდა და გსურთ ამა თუ იმ აპლიკაციისთვის ბლოკის მოხსნა, არც ესაა პრობლემა.

უბრალოდ შედით Account -> Privacy Settings -> Applications and Websites -> Blocked Applications -> Edit Blocked Applications, სადაც ნახავთ იმ აპლიკაციების სიას, რომლებიც უკვე დაბლოკეთ. მის მარჯვივ კი იხილავთ ბმულს/ღილაკს “remove“, რომელზე დაჭერითაც შეძლებთ არსებული აპლიკაციისთვის ბლოკის მოხსნას.

იმედი მაქვს ეს აღარ დაგჭირდებათ : )

მინდა ეს გაფართოებები თქვენც გაგიზიაროთ, რათა ჩემსავით შვება იგრძნოთ. დღეს კონკრეტულ თემას, ფეისბუქს შევეხები და მისთვის გამოსადეგი ედონების სიას ჩამოგითვლით, თან ვეცდები თითეული მათგანის ფუნქცია აგიხსნათ.

1. Beautify Facebook

Beautify Facebook

ეს ჩემი ერთ-ერთი უსაყვარლესი გაფართოებაა, მას შემდეგ რაც ფეისბუქმა სახე იცვალა, რის შემდეგაც რთული გახდა ინფორმაციის მიღება ახალი შეტყობინებების და სხვა ქმედებების (activities) შესახებ.

ამ ედონის საშუალებით თქვენი ფეისბუქის გვერდი ისეთივე გახდება, როგორც ზემოთა ფოტოზე; დაემატება ახალი სმაილები ჩატში, ფეისბუქის title ტეგში, favicon-ის გვერდით დაეწერება ახალი შეტყობინებების/ქმედებების რაოდენობა და სხვ.

სხვების თუ არა, ამ გაფართოების დაყენებას ყველას გირჩევთ : )

გაფართოების დაყენება – Beautify Facebook

2. Facebook for Google Chrome

Facebook for Google Chrome

ესეც ერთობ საინტერესო გაფართოებაა მათთვის, ვინც ფეისბუქს აქტიურად მოიხმარს. ამ ედონის დაყენების შემდეგ თქვენ აღარ დაგჭირდებათ უშუალოდ ფეისბუქის მთავარ გვერდზე სიახლეების სანახავად და სტატუსების გასანახლებლად. ყველაფერის გაკეთება ერთ მარტივ, პატარა ფანჯარაში იქნება შესაძლებელი.

გაფართოების დაყენება – Facebook for Google Chrome

3. Facebook Photo Zoom

Facebook Photo Zoom

იმისათვის, რომ ფეისბუქში არსებული ფოტოები უფრო დიდ გაფართოებაში გვენახა, ამისთვის საჭირო იყო უშუალოდ მასზე დაჭერა, რის შემდეგაც გადავიდოდით ამ სურათის ცალკეულ გვერდზე. ეს დამეთანხმებით ნაკლებად სასიამოვნო პროცესია, განსაკუთრებით მათთვის, ვისაც ინტერნეტის სიჩქარე დაბალი აქვს.

ამ ედონის გამოყენების შემდეგ კი ეს ყველაფერი საჭირო აღარ იქნება. თქვენ უბრალოდ შეგიძლიათ სასურველ სურათს გადაატაროთ მაუსის კურსორი და იგი მისი მაქსიმალური ზომის შესაბამისი გახდება, როგორც ეს ზევითა სურათზეა ნაჩვენები.

გაფართოების დაყენება – Facebook Photo Zoom

4. Facebook Fixer

Facebook Fixer

სახეშეცვლილი ფეისბუქით უკმაყოფილო მომხმარებლებისათვის ესეც საინტერესო გაფართოებაა, რომელიც საშუალებას მოგცემთ სხვადასხვა პარამეტრების მართვას; ვიდეოების გადმოწერა, მარჯვენა საიდბარში დღევანდელი იუბილარების გამოქება და სხვ.

გაფართოების დაყენება – Facebook Fixer

5. Facebook Styler

Facebook Styler

როგორც ხედავთ ფეისბუქის თქვენს გემოზე მოსაყვანად არაერთი გაფართოება არსებობს. ესეც სწორედ მათ სიას მიეკუთვნება, რომლის საშუალებითაც შეგიძლიათ მარჯვენა და მარცხენა საიდბარების გადაადგილება, კუთხეების მომრგვალება და სხვ.

გაფართოების დაყენება – Facebook Styler

6. Facebook Chat Emoticons

Facebook Chat Emoticons

მემგონი ბევრ ახსნას არ საჭიროებს, რომ ეს გაფართოება ფეისბუქის ჩატში სმაილებს ამატებს, ხომ ? : )

გაფართოების დაყენება – Facebook Chat Emoticons

7. Facebook Simple Notes

Facebook Simple Notes

ეს კიდევ ერთი გაფართოებაა, რომლის დაყენებასაც გირჩევთ. მისი მეშვეობით ყველა სახის ქმედება, რომელსაც შეგატყობინებთ ფეისბუქი notification-ების საშუალებით, დაჯგუფდება. ანუ, თუ მაგალითად, გაქვთ 14 ახალი შეტყობინება, და აქედან 10 არის ერთ სტატუსზე დაკომენტებული, ხოლო დანარჩენი 4 სხვადასხვა ბმულებზე თუ სტატუსებზე, ის 10 ერთად იქნება ასეთ მომრგვალებულ ჩარჩოში ჩასმული, ხოლო დანარჩენი 4 ცალ-ცალკე. ამით თქვენ დროს საგრძნობლად მოიგებთ.

გაფართოების დაყენება – Facebook Simple Notes

8. Facebook Rounder

Facebook Rounder

დღეს უკვე ვებ-დიზაინში ბლოკებზე მომრგვალებული კუთხეების გამოყენება ძალიან გახშირდა. ამ გაფართოების წყალობით ფეისბუქზეც არსებული ბლოკები მომრგვალებულ კუთხეებს მიიღებს. ეს საკმაოდ სასიამოვნო შესახედია, თუმცა თუ თქვენ პირველ ედონს გამოიყენებთ (Beautify Facebook), მაშინ ამ ორი გაფართოების შერწყმა სრულიად დაგიკარგავთ ფეისბუქზე ხელმეორედ შესვლის სურვილს.

გაფართოების დაყენება – Facebook Rounder

9. Friends Mural for Facebook

Friends Mural for Facebook

ერთი შეხედვით საკმაოდ ორიგინალური და საინტერესო გაფართოებაა, რომელიც გაძლებთ საშუალებას აირჩიოთ თქვენი სურვილით მეგობრების რაოდენობა და მხოლოდ მათ შესახებ შეიტყვოთ ინფორმაცია: სტატუსების განახლება, ლინკების გაზაირება და სხვ.

ამის მეშვეობით ფეისბუქის მთავარ გვერდზე შესვლა აღარ დაგჭირდებათ, ყველაფერის მართვა ბრაუზერის სპეციალური ფანჯრიდან შეგეძლებათ.

გაფართოების დაყენება – Friends Mural for Facebook

10. Facebook Notifier

Facebook Notifier

ძალიან კარგი, პატარა და მუშა გაფართოება, რომლის საშუალებითაც ფეისბუქზე შეუსვლელად შეგიძლიათ შეიტყვოთ ახალი ქმედებების შესახებ notification-ების საშუალებით.

გაფართოების დაყენება – Facebook Notifier

11. Facebook Cleaner

Facebook Cleaner

გაფართოება, რომელიც ფეისბუქს “ასუფთავებს”  შემაწუხებელი რეკლამებისგან და suggestions ბლოკისგან.

გაფართოების დაყენება – Facebook Cleaner

12. Facebook Chat History Manager

Facebook Chat History Manager

თუ თქვენ აქტიურად იყენებთ ფეისბუქის ჩატს, მაშინ თქვენ ეს გაფართოება გამოგადგებათ, რომლის მეშვეობითაც ჩატის ისტორიის მართვა შეგეძლებათ.

გაფართოების დაყენება – Facebook Chat History Manager

13. Facebook Invite All

ძალიან გამოსადეგი გაფართოება მათთვის, ვინც ფეისბუქში აქტირუად ატარებს რაიმეს PR კამპანიას, ქნმის ივენთებს, ჯგუფებს, გვერდებს და მათ მოსაწვევს უგზავნის თავის მეგობრებს. მოსაწვევის გაგზავნის პროცესი ძალიან შემაწუხებელია და დიდი დრო მიაქვს. ამიტომაც ამ ედონის გამოყენებას გირჩევთ ყველას, ვინც ფეისბუქს მიზნობრივად მოიხმარს ხოლმე. მისი მეშვეობით ერთ ღილაკზე დაჭერით მოსაწვევი გაეგზავნება ყველა თქვენს მეგობარს.

ამ გაფართოების დაყენების შემდეგ დაემატება toggle all ღილაკი, სწორედ იქ, საიდანაც ხდება მეგობრებისთვის მოსაწვევის გაგზავნა.

გაფართოების დაყენება – Facebook Invite All

14. Facebook Poke All

Facebook Poke All

ძალიან საინტერესო გაფართოება მათთვის, ვინც ფეისბუქზე “ხულიგნობს” მისი გამოყენებით შეგეძლებათ ყველას ერთდროულად “უჯიკოთ” (ქართულ ვერსიაში poke თარგმნეს, როგორც “უჯიკე” )

გაფართოების დაყენება – Facebook Poke All

15. MyFacebook

MyFacebook

გაფართოება, რომლის საშუალებითაც თქვენ შეგეძლებათ თქვენს მეგობრებს შეუცვალოთ სახელი და ფერი.

გაფართოების დაყენება – MyFacebook

16. Facebook Share

და ბოლოს ერთ-ერთი უმნიშვნელოვანესი გაფართოება, რომლის საშულებითაც თქვენ შეგეძლებათ ერთ ღილაკზე დაჭერით, ინტერნეტში არსებული, თქვენთვის საინტერესო გვერდების  გაზიარება.

გაფართოების დაყენება – Facebook Share

როგორ დავაყენო გაფართოებები?

How to Install Google Chrome Extensions? (გასადიდებლად დააჭირეთ სურათს)

როდესაც აირჩევთ თქვენთვის სასურველ გაფართოებას და გადახვალთ მის გვერდზე, უბრალოდ დააჭირეთ ამ ღილაკს, რომლის შემდეგაც კიდევ ერთხელ მოგიწევთ Install ღილაკზე მაუსის დაჭერა, დადასტურების მიზნით.

დღეისთვის სულ ეს იყო. შემდეგში მსგავს საინტერესო და საჭირო გაფართოებებს შემოგთავაზებთ ბლოგერებისთვის, დეველოპერებისთვის და უბრალოდ მათთვის, ვისაც ჩემსავით უყვარს ინტერნეტში ძრომიალი.

კომენტარის სახით კი გთხოვთ მაცნობოთ, გამოგადგათ თუ არა ესა თუ ის ედონი, ან ხომ არ თვლით, რომ რომელიმე მნიშვნელოვანი გაფართოება გამომრჩა? : ) ველი თქვენს გამოხმაურებებს : )

ფოტო, რომელიც ყველაფერს ამბობს

All Roads Lead To Facebook! ( გასადიდებლად დააჭირეთ სურათს )

ასე, რომ დაიწყეთ სრულყოფილება დღესვე, დარეგისტრირდით ფეისბუქზე!

P.S. თუ კი ფოტომ თქვენს სახეზე ღიმილი გამოიწვია და მისი თქვენს საიტზე განთავსება მოგინდებათ, გთხოვთ მიუთითოთ მისი წყარო!

ჩვენი პროფილის ID-ების გარკვევა რამდენიმე ნაბიჯის გავლით არის შესაძლებელი. პირველ რიგში უნდა შევიდეთ ჩვენი პროფილის გვერდზე. უბრალოოდ დააჭირეთ თქვენს სახელს. (იხილეთ სქრინი)

პროფილში გადასვლა (გასადიდებლად დააჭირეთ ფოტოს)

ჩვენივე პროფილში გადასვლის შემდეგ რამდენიმე გზა არსებობს ჩვენი ID-ის გასაგებად.

1. პირველი გზა

ჩვენს მთავარ სურათს, იგივე ავატარს, დავაჭიროთ მარჯვენა ღილაკზე, ამოვირჩიოთ მენიუდან პუნქტი Properties და გაჩნდება ასეთი ფანჯარა.

პროფილის ID-ის გაგების პირველი გზა (გასადიდებლად დააჭირეთ ფოტოს)

ამ ფანჯარაში იქნება პარამეტრი Address: რომელზეც იქნება გალერიაში გადასასვლელი ბმული. ეს ბმული შეიცავს ჩვენს ID-ს და ეს იდენტიფიკატორი არის ბოლო რიცხვები, რომელიც იწერება მისამართში ..&id=ID, ჩემს შემთხვევაში ID უდრის 1424777861-ს.

ესეც ასე, ჩვენი პროფილის ID გაგებულია.

2. მეორე გზა

წინა ხერხისგან განსხვავებით აქ არ მოგვიწევს მარჯვენა ღილაკზე დაჭერა და მსგავსი რამ. აქ მხოლოდ და მხოლოდ უნდა შევიდეთ ჩვენს ფოტოებში. ჩვენი ფოტოების დასათვალიერებელ ადგილას შეგვიძლია სხვადასხვა ხერხი გამოვიყენოთ.

მე კი შემდეგნაირად შევედი ჩემს ფოტოებში, ჯერ შევედი ჩემს პროფილში (უკვე იცით, როგორც უნდა), შემდეგ კი დავაჭირე ჩემს ავატარს.

პროფილის ID-ის გაგების მეორე გზა (გასადიდებლად დააჭირეთ ფოტოს)

გალერეაში შესვლის შემდეგ ორ ადგილას ჩანს ჩვენი ID. პირველი ეს არის ბრაუზერის მისამართის ველში, სადაც id=ID-ით მთავრდება ბმული, სწორედ ბოლო ტოლობის შედმეგ არის ჩვენი იდენტიფიკატორი.

და მეორე ვარიანტი, სადაც წერია ტექსტი Share this album with anyone by sending them this public link:, მის ქვემოთაც არის ბმული და მასშიც მონაწილებოს ჩვენი პროფილის იდენტიფიკატორი.

მორჩა, ახლა ჩვენ უკვე ვიცით ჩვენი პროფილის იდენტიფიკატორის გაგება, ეს შესაძლოა დაგჭირდეთ მომავალში სხვადასხვა აპლიკაციების გამოყენების დროს.

როგორ გავიგო სწორად გავაკეთე თუ არა ყველაფერი?

როდესაც გაიგებთ ზემოთნახსენები რომელიმე მეთოდით თქვენს ID-ს, აუცილებლად გადაამოწმეთ, სწორია თუ არა იგი და ნამდვილად არის თუ არა ის თქვენი იდენტიფიკატორი.

ამის გაკეთება შეიძლება შემდეგნაირად. შედით მისამართზე: http://www.facebook.com/profile.php?id=ID, სადაც ID-ის ნაცვლად ჩაწერთ თქვენს მიერ მოპოვებულ იდენტიფიკატორს.

შესვლის შემდეგ თუ თქვენ გადაგამისამართად თქვენი პროფილის გვერდზე, ე.ი. ყველაფერი სწორად გაგიგიათ, ხოლო თუ გადაგამისამართად მთავარ გვერდზე, ან ამოგიგდოთ რაიმე შეტყობინება, ე.ი. პოსტი ყურადღებით არ წაგიკითხავთ.

იმედი მაქვს ეს ხერხი გამოგადგებათ საჭირო ინფორმაციის მიღებაში

Facebook.Com - სოციალური ქსელი

მაგრამ სტანდარტულად ფეისბუქს პროფილისა და გვერდების მისამართები არც თუ ისე ადვილი დასამახსოვრებელი და თვალსაჩნოა. ალბათ გნდომებიათ, რომ უკეთესი ყოფილიყო, მაგალითად იმ ნიკისა, რა ნიკითაც ხართ ცნობილი ინტერნეტ სივრცეში. ამის გაკეთება ძალიან მარტივია.

პროფილის მისამართის შეცვლა

პროფილის გვერდი თავიდან ასეთია ხოლმე http://www.facebook.com/profile.php?id=XXXXXXXXXXXXXXX სადაც XXXXXXXXXXXXXXX თქვენი მომხმარებლის ID-ია. დამერწმუნებით რომ არცთუისე სასიამოვნოა, როცა შეილება გქონდეთ ასეთი სახის მისამართი http://www.facebook.com/myusername სადაც myusername თქვენვის სასურველი ნიკია, სახელი ან გვარი.

ასეთი მისამართის გასაკეთებლად ორად-ორი ნაბიჯის გავლაა საჭირო.

შედით მენიუში Settings > Account Settings

Facebook - Account Settings

პროფილის პარამეტრებში შესვლის შემდეგ მოძებნეთ Username ველი, სადაც შეძლებთ თქვენთვის სასურველი ნიკის დაყენებას (თუ კი ის თავისუფალია).

Change Facebook Profile URL

დააჭირეთ Check availability-ს, რათა დარწმუნდეთ რომ მხოლოდ თქვენ ხართ ამ ნიკით და შემდეგ დააჭირეთ Confirm-ს.

მორჩა, ამით თქვენი მისამართი შეცვლილია და ადვილად დაგამახსოვრდებათ თქვენც და თქვენს მეგობრებსაც.

მე უკვე დიდი ხანია შეცვლილი მაქვს ჩემი იუზერნეიმი და იგი ასე გამოიყურება: http://www.facebook.com/lado.lomidze

გვერდის მისამართის შეცვლა

ფეისბუქი გვაძლევს საშუალებას, რომ ჩვენს ბიზნესს Fan Pages-ების მეშვეობით გავუწიოთ ერთგვარი პიარი. ლამაზი და დასამახსოვრებელი ბმულები აქაც საჭიროა, თუმცა არააუცილებელი.

აქაც მინიმალური და ადვილი პროცედურების გავლაა საჭირო, პირველ რიგში შედით ამ მისამართზე: http://www.facebook.com/username/ და დაჭირეთ ბმულს Set a username

Facebook Fan Page Change URL

ჩამოსაშლელ მენიუში გამოჩნდება ყველა ის გვერდი, რომელიც თქვენს მიერ არის შექმნილი. ამოირჩიეთ სასურველი და შეუცვალეთ მასაც მისამართი.

თუ თქვენი გვერდის მისამართი აქამდე იყო http://www.facebook.com/pages/MYPAGENAME/XXXXXXXXXXX სადაც MYPAGENAME თქვენი გვერდის სახელია, ხოლო XXXXXXXXXXX გვერდის ID, ახლა შეიძლება რომ თქვენი გვერდის ბმული ასე გამოიყურებოდეს http://www.facebook.com/mypagename სადაც mypagename თქვენი გვერდის მისამართია, რომელსაც თქვენ აირჩევთ.

ჩემს ბლოგს ფეისბუქზეც ააქვს გვერდი და მისი მისამართი ასე გამოიყურება: http://www.facebook.com/landish.ge

მოკლედ, მემგონი ყველაფერი ნათელი და მარტივია. წარმატებებს გისურვებთ და თუ კი არ გყავართ დამატებული მე და ჩემი ბლოგი თქვენს ფეისბუქზე, აუცილებლად დამამატეთ .

პ.ს. იმისთვის, რომ შეძლოთ გვერდის მისამართის შეცვლა, აუცილებელია გყავდეთ 25 “ფანი” მაინც. ეს მოთხოვნა პროფილის გვერდის შესაცვლელად საჭირო არაა.

აქვე გეტყვით, რომ გვერდის მისამართების შეცვლა შეგიძლიათ მხოლოდ ერთხელ, ასე რომ ყურადღებით იყავით იუზერნეიმის არჩევის დროს.