სად?

თითქმის ყველგან. ძირითადად ქალაქის ცენტრალურ ნაწილებში, ბარებსა და კაფეებში. განსაკუთრებით PUB-ებში “პეროვსკაიას” ქუჩაზე, “დონატებში” აბაშიძეზე და სხვ.

ლანდიშა - სათვალეების გარეშე

ასევე ტრანსპორტში, ამ ბოლო დროს განსაკუთრებით ავტობუსებში, უფრო ხშირად #14 ნომერში, რადგან ტაქსის ფული ნაკლებად მაქვს და ამიტომაც ბილეთსაც არასდროს არ ვიღებ. თუ კონტროლიორი გამაჩერებს და ბილეთის წარდგენას მთხოვს, მაშინ თავქუდმოგლეჯილი გავრბივარ ხოლმე და ჩემი დილის გავარჯიშებაც ეს არის

ზაფხულში და კარგ ამინდში ძალიან მიყვარს ბაღებში, სკვერებში და მსგავს ადგილებში ყოფნა, ასე რომ ძალიან ხშირად შესაძლოა მიხილოთ “მთაწმინდის პარკში”, “ვერის ბაღში”, კუს ტბაზე და სხვ. ძირითადად ლუდის ბოთლით ხელში : )

როგორ?

მუსიკას ყველა ბლოგერი უსმენს, გამონაკლისი არც მე ვარ, შესაბამისად როდესაც “ნაუშნიკები” მაქვს ხოლმე და შორი გზა გასავლელი (ტრანსპორტით თუ ფეხით), საყვარელ მუსიკას ჩავრთავ და ან ღიღინით, ან მხოლოდ ტუჩების მოძრაობით ვცდილობ გრძელი და უინტერესო გზის დაძლევას (მგზავრობას ვერ ვიტან).

თუ თეთრ პერანგში (ჩვენ ენაზე საროჩკაში) გამოწყობილი ახალგაზრდა ბიჭი დაინახეთ, რომელსაც ყურში “ნაუშნიკები” აქვს გაკეთებული, პირს ან ხელებს უცნაურად ამოძრავებს, ე.ი. იგი ცდილობს მუსიკის რითმსა და ტექსტს აჰყვეს და დიდი შანსია ეს ბიჭი მე ვიყო, ასე რომ მიდით ერთხელ მასთან, სთხოვეთ ყურებიდან “ნაუშნიკების” გამოძრობა და ჰკითხეთ “შენ ლანდიშა ხო არ ხარ?” : )

იმიჯი და ტიპაჟი რამდენიმე მაქვს, დღეს შესაძლოა სხვანაირად გამოვიყურებოდე, ხვალ კი სულ სხვანაირად. თუმცა ძირითადად, ზაფხულის პერიოდში, თეთრი საროჩკა ან მაისური, თეთრი ბოტასი ან კეტები, და ბრიჯები მაცვია ხოლმე.

ლანდიშა - სათვალეებით

არ მიყვარს კეპი და ქუდები, შესაბამისად ჩემს თავზე მათი არსებობის ალბათობა წელიწადის ნებისმიერ დროს ძალიან მცირეა. მიყვარს სათვალე, თუმცა ამ ბოლო დროს რატომღაც ყველა სათვალე მიტყდება. ამიტომაც შესაძლოა მხოლოდ ლინზებით (და 100%-იან გარანტიას გაძლევთ რო მანამ თვალებში არ ჩამხედავთ, ვერ შეამჩნევთ) ვიმოძრაო.

წვერი ოდნავ მაქვს მოშვებული, როცა ძალიან გრძელად და შემაწუხებლად მომეჩვენება იგი, ვიპარსავ ხოლმე, თუმცა ასეთი რამ დაახლოებით 2 თვეში ერთხელ ხდება, შესაბამისად ჩემი ნახვის შანსი წვერებით უფრო დიდია, ვიდრე მის გარეშე.

მოკლედ, ასე მარტივად შემიძლია აგიღწეროთ საკუთარი თავი, თუ რამე კითხვა გექნებათ, კომენტარის ფორმის საშუალებით შეგიძლიათ დამისვათ : )

თამაში კი ლეონსიომ, ეკატერინემ და ფსიქემ განაგრძონ.

ბლოგები რო თემატიკითა და ვიზუალური მხრით განსხვავდებიან, ეს ყველამ იცის. მაგრამ რეალური პასუხი კითხვაზე, თუ რატომ ირჩევენ ბლოგერები თავიანთი ბლოგისთვის კონკრეტულ დიზაინს და ამა თუ იმ პლატფორმას, ბევრმა არ იცის.

მე გადავწყვიტე დამეყო ბლოგები კატეგორიებად თავისი ვიზუალური მხრიდან გამომდინარე და გამერკვია, თუ რატომ აქვთ მათ ავტორებს ასეთი დიზაინი.

ზანგი ბლოგები

ტერმინი ზანგი ბლოგები ქართულ ბლოგოსფეროში კარგა ხანია დამკვიდრდა.  იგი მოიცავს მუქ ფონზე დაწერილი ღია, ან უარეს შემთხვევაში მუქივე ფერის ტექსტს. ასეთი ბლოგები შედარებით ცოტაა, თუმცა იმდენი, რომ მათზე სალაპარაკო მაინც გვეძლევა.

ზანგი ბლოგები

მახსოვს ინტერნეტში პირველი საიტი, როცა გავაკეთე, მუქი ფერის იყო, მაშინ მეგონა, რომ შავი ფერის დიზაინი ღია ფერისას სჯობდა. დღევანდელი გადასახედიდან ვხვდები, რომ ძალიან, ძალიან ვცდებოდი. მაშინ ეგ ფერი ჩემს შინაგან მდგომარეობას ასახავდა.

ალბათ ამ შემთხვევაშიც ამჟამინდელი მუქი დიზაინის მქონე ბლოგების ავტორების შინაგან მდგომარეობას ასახავს. ან უბრალოდ ჰგონიათ, რომ ეს მაგარია და ღია ფერის შაბლონები ზედმეტად გაპაპსავებულია.

ეს მათი აზრია, მაგრამ ის, რომ ასეთ დიზაინებზე ტექსტის წაკითხვა არც თუ ისე სასიამოვნოა ადამიანისთვის, ეს ჩემი მოგონილი არაა, ამ მოსაზრებას არაერთი პიროვნება ეთანხმება. ასეთი ბლოგერები თავიანთ ბლოგზე ძირითადად ჯღაბნიან, მაშინ როცა გულზე დააწვებათ რამე ან სხვა.

იმაში დასარწმუნებლად, რომ მარტო მე არ ვფიქრობ ასე, რამდენიმე ბლოგერს ვკითხე მათი აზრი მუქ ფერებთან დაკავშირებით და შემდეგი სახის პასუხები მივიღე: „რახან დამწყები ვარ, ტრაკში კი არ მაქვს თვალები“; „ჩემამდე არ დადის მსგავსი დიზაინის გაკეთების არსი“ და სხვა.

მოკლედ ამ თემას ცალკე პოსტი უნდა მივუძღვნა, მაგრამ დღეს ამაზე ამით მოვრჩები. უბრალოდ გავა დრო და თითოეული, ვისაც მუქი ფერის დიზაინი უყენია, აუცილებლად შეცვლის და გადავა ღია ფერისაზე. იმედი მაქვს ეს მომენტი ყველასთვის მალე დადგება.

ღია ფერის ბლოგები

ღია ფერის ბლოგები

მიყვარს ღია ფერის დიზაინის მქონე ბლოგები. კითხვაც მიადვილდება და ვიზუალურადაც სასიამოვნო შესახედია ხოლმე. მარტივ, სადა დიზაინს არაფერი სჯობს ბლოგის შემთხვევაში, სადაც მთავარი აქცენტი კონტენტზეა გადატანილი.

ასეთი ბლოგების ავტორები ამას ხვდებიან, არ ვერ ხვდებიან სულაც და უბრალოდ უყენიათ ღია ფერის შაბლონები. ნებისმიერ ვარიანტში ეს კაკ მინიმუმ 1 პლიუსია მათი ბლოგებისა.

მათთვის მთავარია მომხმარებელი ადვილად კითხულობდეს ტექსტს და აქცენტი სრულიად გაკეთებული აქვთ თავიანთ ნაწერეზე. ესეც შესაძლოა მათ სულიერ მდგომარეობაზე მეტყველებდეს, თუ კი ასეა, გილოცავთ თქვენ დამშვიდებული სულის პატრონი ბრძანდებით, რომლებიც ბლოგს შემოქმედებითად უდგებიან და ცდილობენ მეტი ყურადღება, დრო და ენერგია დაუთმონ მას. მოკლედ ქება-დიდების გარდა ღია ფერის ბლოგებზე ვერაფერს ვიტყვი.

ბლოგები blogspot.com-ზე

ბლოგები blogspot.com-ზე

ბლოგერების ძალიან დიდ ნაწილს ბლოგი blogspot.com-ზე აქვს. თუ რატომ, ამ კითხვაზე პასუხის გაცემას მე შემდეგნაირად შევეცადე.

როდესაც ადამიანს სურს ბლოგის გაკეთება, იგი პირველად Google-ს მიმართავს ხოლმე დახმარებისთვის, როდესაც იგი ეძებს თუ როგორ გააკეთოს  ბლოგი, ზემოხსნებული საძიებო სისტემა პირველ რიგში blogspot.com-ს უპოვნის, შემდეგ კი სხვა ბლოგინგ პლატფორმებს. რა თქმა უნდა, blogspot რახან Google-ს პროდუქცია, ადამიანიც იფიქრებს, რომ ეს საუკეთესოა და იწყებს სწორედ აქ ბლოგის კეთებას.

ხოლო მაშინ როდესაც გაირკვევა რომ wordpress.com ბევრად მოსახერხებელია, მერე იწყებს ფიქრს, “ნეტავ თავიდანვე რატომ არ დავრეგისტრირდი მანდ? ძალიან მინდა გადმოსვლა, მაგრამ რა ვუყო ახლა ჩემს პოსტებს?” მან ხომ ისიც არ იცის, თუ რაოდენ ადვილია პოსტების გადატანა blogspot-იდან wordpress-ზე.

არის კიდევ ერთი მიზეზი, რის გამოც ბლოგერები ამ სერვისს იყენებენ, ეს არის დიზაინის სრული რედაქტირების უფლება, მათ ხომ შეუძლიათ აქ ფლეშ საათების, მფრინავი ძროხების (იზვინი ლილიან ) და სხვა “ფინწიკლიუშკების” დამატება, რაც ბლოგის ჩატვირთვას საათ ნახევარს ანდომებს და საბოლოოდ მკითხველის  ხელმეორედ შემოსვლის სურვილსაც აქრობს. მაგრამ ამას როდის ხვდებიან ისინი.

ბლოგები wordpress.com-ზე

ბლოგები wordpress.com-ზე

wordpress.com-ზე ზემოხსნებული მიზეზის გამო თავისით არავინ, უფრო სწორად ვერავინ რეგისტრირდება, რადგან ეს სერვისი blogspot.com-ზე ნაკლები დონის მიაჩნიათ. აქ წევრიანდებიან ძირითადად მეგობარი ბლოგერის რჩევით, ფორუმზე წაკითხული პოსტებით ან სხვა ბლოგერების მიერ დაწერილი სტატიებით (ესეც პოსტიც ამ უკანაკსნელს მიეკუთვნება).

არის მეორე ვარიანტიც, როდესაც პიროვნება შეიტყობს wordpress.com-ის ავკარგიანობის შესახებ, და გადმოსვლას დააპირებს, იმავე საძიებო სისტემით მოიძიებს ამ პრობლემის გადაჭრის გზას, რათა შეძლოს მარტივად გადმოსვლა wordpress.com-ზე (პოსტების დაკარგვის გარეშე).

აქ ხომ ყველაფრის მართვა ძალიან მარტივია. შეზღუდულია მხოლოდ დიზაინის სრული რედაქტირება, თუმცა header-ის (საიტის თავის) შეცვლა თითქმის ყველა დიზაინზეა შესაძელებელი და widget-ების მეშვეობით sidebar-ის მართვა ცარიელი სიამოვნებაა. wordpress.com-ზე არსებულ ბლოგერებს შედარებით დახვეწილი აქვთ გემოვნება ბლოგთან დაკავშირებით, როგორც ვიზუალური მხრით, ასევე ტექნიკური.

ბლოგები .ge ზონაში

ბლოგები .ge ზონაში

ბლოგერები რომლებსაც აქვთ უკვე ცალკეული დომენები .ge ზონაში, ისინი უკვე აღარ ხუმრობენ და ბლოგინგს სერიოზულად უყურებენ. მათთვის ბლოგი უფრო მეტია, ვიდრე მხოლოდ ონლაინ დღიური. ასეთი ადამიანები ფულსაც კი არ ზოგავენ საკუთარი ბლოგის განვითარებისთვის (ნუ დომენის 30 ლარი და +- ჰოსტის ფული).

მსგავსი ტიპის ბლოგერებისთვის მნიშვნელოვანია რომ მათი მკითხველები საყვარელი ბლოგის დომენს ადვილად იმახსოვრებდნენ და მის ბლოგზე მარტივად ხვდებოდნენ, ამ ბლოგის ლინკს თავის მეგობრებსაც უზიარებდნენ და სხვ.

შეჯამება

• თუ შენ გაქვს ბლოგი blogspot.com-ზე და თანაც მუქი ფერის დიზაინით, წინ ბევრი რამ გაქვს სასწავლი აწ ნასწავლი ბლოგერებისგან.
• თუ შენ უბრალოდ ბლოგი გაქვს blogspot.com-ზე ღია ფერის დიზაინით, მაშინ შენ შედარებით ნასწავლი ხარ წინამორბედ  ბლოგერების კატეგორიასთან შედარებით.
• თუ შენ ბლოგი wordpress.com-ზე გაქვს მუქი დიზაინით. ე.ი. რაღაც გისწავლია, მაგრამ ბოლომდე ვერა.
• თუ შენ ბლოგი გაქვს wordpress.com-ზე ღია ფერის დიზაინით, მაშინ უკვე კარგად იცნობ მკითხველის სურვილებს.
• ხოლო თუ შენ უკვე გაქვს საკუთარი დომენი, ე.ი. შენ ტექნიკურადაც მეტი ინფორმაციის მფლობელი ხარ, ბლოგინგი შენთვის ბევრ რამეს წარმოადგენს, ზრუნავ მომხმარებლის ინტერესებზე და მოკლედ რომ ვთქვათ, შენ უკვე აღარ ხუმრობ. (აღარაფერს ვამბომ .com დომენზე მქონე ბლოგების შესახებ.)

პ.ს. ეს სწორედ ის ხუმრობაა, რომლის 50 პროცენტიც სიმართლეა. ასე რომ ზოგიერთი ბლოგერი, ვინც ზემოხსნებულ კატეგორიებში საკუთარ თავს ამოიცნობს, გთხოვთ წყენად ნუ მიიღებთ.

აქვე შეიძლებოდა ქართული ბლოგინგ პლატფრომების განხილვაც, როგორიცაა blog.ge, log.ge და platforma.ge, მაგრამ მათი არასტაბილური მუშაობის გამო, გადავწყვიტე, რომ ამ პოსტში განხილვა უადგილო იქნებოდა.

მოკლედ პოსტის წაკითხვის შემდეგ ალბათ შეძლებთ უკვე საკუთარი თავის დახასიათბას, როგორც ბლოგერს, გაგეხსნებათ გონება და გაჩინდებათ სურვილი გაიუმჯობესოთ ბლოგის ვიზუალური მხარე და შეიცვალოთ ბლოგინგ პლატფორმა. იზრუნოთ საკუთარ მკითხველზე და ბლოგის პიარზე. და ბოლოს ამ პოსტის იმხედვით, ვინ ვარ მე?

პ.ს. არ დაგავიწყდეთ ტექსტური რეკლამებისთვის დაკლიკვა, გმადლობთ!

1. უკანასკნელი კეისარი

უკანასკნელი კეისარი

ZURRIUSS – ქუთაისელი ჟურნალისტის საოპერო და თეატრალური ბლოგი.

2. ბლოგი უამრავ საჭირბოროტო საკითხზე და ასევე იმაზე, თუ რა სასტიკია ჩვენი ცხოვრება

ბლოგი უამრავ საჭირბოროტო საკითხზე და ასევე იმაზე, თუ რა სასტიკია ჩვენი ცხოვრება

Daleila’s Blog – დალიელას ბლოგი.

2. დღეს რა ვჭამოთ?

დღეს რა ვჭამოთ?

ორი მშიერი სტუდენტის ბლოგი – ერთ დროს ყველასათვის საყავრელი ტეგლაინის მქონე ბლოგი.

4. ძალით ღადო ბლოგი..

ძალით ღადო ბლოგი..

ძალით ღადო ბლოგი – ერთ-ერთი ყველაზე პატარა ქართველი ბლოგერის იუმორით ჩაქსოვილი ბლოგი.

5. სირაქლემას სამალავი

სირაქლემას სამალავი

ჩემი სამყარო – გავიგოთ როგორია ბლოგოსფერო იქ, სადაც სირაქლემები იმალებიან.

6. სენტიმენტალური ბოდვები დროდადრო მუსიკის და ამერიკული ტელესერიალების შესახებ გადახვევებით

სენტიმენტალური ბოდვები დროდადრო მუსიკის და ამერიკული ტელესერიალების შესახებ გადახვევებით

Keta’s Closet – მუსიკისა და ამერიკული TV-შოუების მოყვარული ქეთას ბლოგი.

7. ცოტაზე უფრო მეტი და ბევრზე უფრო ცოტა

ცოტაზე უფრო მეტი და ბევრზე უფრო ცოტა

ცოტაზე უფრო მეტი – ბლოგი აბსულუტურად “ყველაფერზე”.

8. წაიკითხე წიგნები – უკეთესად იქნები

წაიკითხე წიგნები - უკეთესად იქნები

ბიბლუსი – ეს ჩემი ამ ათეულის ფავორიტია. წიგნების წაკითხვაც, ხომ მართლა აყენებს ადამიანს უკეთესად.

9. დედოფლის ბედნიერებისთვის მებრძოლი პაიკის ბლოგი

დედოფლის ბედნიერებისთვის მებრძოლი პაიკის ბლოგი

e2-e4 – ჭადრაკის დაფიდან დაწერილი პოსტები.

10. პოზიტიური ბლოგი მეოცნებე რეალისტებისა და რეალისტი მეოცნეებისათვის

ოზიტიური ბლოგი მეოცნებე რეალისტებისა და რეალისტი მეოცნეებისათვის

Never Say Never – არასდროს არ თქვათ არასდროს, არც ის, რომ ამ ბლოგს არასდროს წაიკითხავთ.

მესამე ნაწილი ამ გრანდიოზული პოსტებისა დავასრულე, წინ მეოთხეც გველის, რომელსაც იმ კვირაში აუცილებლად ვიხილავთ.

პ.ს. ბლოგებზე გადასასვლელად შეგიძლიათ დააჭიროთ შესაბამისი ბლოგის ფოტოს.

თუ თვლით, რომ რომელიმე ბლოგი დასამატებელია ამ სიაში თავისი ორიგინალური და განსხვავებული ტეგლაინის გამო, ან თვლით, რომ რომელიმე ზედმეტია და ამ სიას არ შეესაბამება, გთხოვთ შემატყობინოთ კომენტარის სახით. დიდი მადლობა.

1. დასაწყისიდან აპოკალიფსამდე

დასაწყისიდან აპოკალიფსამდე

ღმერთების დღიურები – მამაღმერთის ღვთიური ბლოგი.

2. Let me show you the world in my eyes

Let me show you the world in my eyes

Buda’s Blog - ბუდას თვალით დანახული სამყარო.

3. ახალგაზრდა უტვინოს ვნებანი

ახალგაზრდა უტვინოს ვნებანი

My Beautiful Sinking Ship – მერე რა რომ უტვინოა? მაინც ბლოგერია.

4. ბრატცი უთოს იცნობთ?

ბრატცი უთოს იცნობთ?

უთოს წაღება თუ იცი დაბრუნებაც უნდა იცოდე – ყველაზე ცირკი ბლოგი ყველაზე ორიგინალური და სახალისო ტეგლაინით. ამ ათეულის ჩემი ფავორიტი

5. მთვარის მელანქოლიით გაჟღენთილი ბლოგი

მთვარის მელანქოლიით გაჟღენთილი ბლოგი

Clown – სისხლიანი კლოუნის მელანქოლიური ბლოგი.

6. ბლოგი. მეტი არაფერი. არც ჭკვიანური აზრები, არც ლამაზი ფოტოები.

ბლოგი. მეტი არაფერი. არც ჭკვიანური აზრები, არც ლამაზი ფოტოები.

დღიური – ბლოგის ყველაზე “ჩესნი” აღწერა ბლოგოსფეროში

7. ლეგენდარული ბლოგი. შავით თეთრზე.

ლეგენდარული ბლოგი. შავით თეთრზე

ბლოგი Rocko.Ge – როკოს თეთრ ბლოგზე შავი ფერით დაწერილი პოსტები.

8. ანახეთ ეს ბლოგი მსოფლიოს და ომი აღარ იქნება

ანახეთ ეს ბლოგი მსოფლიოს და ომი აღარ იქნება

გაიძვერა ბლოგი – ძალზედ ბანალური, თუმცა მაინც ორიგინალური და სხვებისგან განსხვავებული ტეგლაინის მქონე ბლოგი.

9. ფინჯან ყავასთან ერთად დასაგემოვნებელი ბლოგი

ფინჯან ყავასთან ერთად დასაგემოვნებელი ბლოგი

ლიტერატურული კაფე კაპუჩინო – ბლოგს ხან არომატულ ჩაისთან ერთად ვსვავთ, ხანაც ფინჯან ყავასთან ერთად.

10. My blog has the name that sounds like prostitute. Therefore, it’s cute.

My blog has the name that sounds like prostitute. Therefore, it's cute.

Candy Says – ერთი შეხედვით პროსტიტუტიული, მაგრამ საყვარელი ბლოგი.

მეორე ნაწილის ამით დასრულდა, წინ კიდევ მესამე ნაწილი გველის, რომელსაც უახლოეს დღეებში შეხვდებით

პ.ს. ბლოგებზე გადასასვლელად შეგიძლიათ დააჭიროთ შესაბამისი ბლოგის ფოტოს.

თუ თვლით, რომ რომელიმე ბლოგი დასამატებელია ამ სიაში თავისი ორიგინალური და განსხვავებული ტეგლაინის გამო, ან თვლით, რომ რომელიმე ზედმეტია და ამ სიას არ შეესაბამება, გთხოვთ შემატყობინოთ კომენტარის სახით. დიდი მადლობა.

1. need you more “youmore”

need you more "youmore"

თითქმის EXCLUSIVE – ერთ-ერთი ყველაზე პოპულარული და წარმატებული ქართული ბლოგი, რომელიც ჩემი ერთ-ერთი უსაყავრლესიცაა. ნამდვილი ქართული იუმორით გაჟღენთილი ბლოგი.

2. მხოლოდ შეშლილთათვის!!! შესვლის საფასური – გონება!

მხოლოდ შეშლილთათვის!!! შესვლის საფასური – გონება!

მაგიური თეატრი – ბლოგი, რომელზე შესასვლელად მხოლოდ გონება არაა საკმარისი.

3. ბლოგი ყველასთვის და არავისთვის

ბლოგი ყველასთვის და არავისთვის

ფსიქეს ქუჩა – ძალზედ დამაინტრიგებელი აღწერის მქონე ბლოგი.

4. აბდალა შაშვის მიერ მოტანილი ამბები

აბდალა შაშვის მიერ მოტანილი ამბები

CHARIRAMA - მართლაც რომ შაშვის მიერ მოტანილ ამბებზე შედგენილი ბლოგი სახალისო პოსტებითა და სურათებით.

5. არომატული ჩაი და ჯიბის ბლოკნოტის ჩანაწერები

არომატული ჩაი და ჯიბის ბლოკნოტის ჩანაწერები

ჯიბის ბლოკნოტი – კომპიუტერთან ჯდომისას ყავა ყველას დაგვილევია, სიგარეთიც არაერთს მიგვიყოლებია, მაგრამ არომატულ ჩაისთან ერთად ჯიბის ბლოკნოტს ბევრი ვკითხულობთ?

6. ყველაზე არაეგოისტური ბლოგი ანუ მე+თქვენ = ჩვენ <3

ყველაზე არაეგოისტური ბლოგი ანუ მე+თქვენ = ჩვენ <3

Rainbowmaker – ყველაზე არაეოგისტი ბლოგერის დიდი ხნის ნაოცნებარი არაეგოისტური ბლოგი.

7. ჩემი სიტყვა ჯინეტში

ჩემი სიტყვა ჯინეტში

ბლოგი Jiblog – ახალგაზრდა პროგრამისტის სიტყვა ქართულ ინტერნეტ სამყაროში.

8. ამის წაკითხვას წიგნი წაიკითხე ჯობია

ამის წაკითხვას წიგნი წაიკითხე ჯობია

Bokvera.com – უბლოგესი – ეს ტეგლაინი ჩემი ფავორიტია ამ ათეულში. ყველაზე ორიგინალური იმათ შორის, რაც კი ამოვარჩიე.

9. მხოლოდ მთვარეულთათვის

მხოლოდ მთვარეულთათვის

მთვარის კლუბი – “გენიოსის” მოწყობილი მთვარის კლუბი, რომელშიც გაწევრიანება მხოლოდ მთვარეულებს შეუძლიათ.

10. იდიოტიზმის მარგალიტები

იდიოტიზმის მარგალიტები

idioteka.ge – ფოტოზე აღბეჭდილი საქართველოში არსებული მარაზმების ყველაზე დიდი ბიბლიოთეკა.

დღეისთვის მხოლოდ ამ 10 ტეგლაინით დაკმაყოფილდით, უახლოეს მომავალში მორიგ ათ ტეგლაინს შემოგთავაზებთ. და თუ თქვენი ბლოგი ამ ათეულში ჯერ არ მომხდარა, არ ინერვიულოთ, იგი შემდეგში აუცილებლად მოხვდება.

პ.ს. ბლოგებზე გადასასვლელად შეგიძლიათ დააჭიროთ შესაბამისი ბლოგის ფოტოს.

თუ თვლით, რომ რომელიმე ბლოგი დასამატებელია ამ სიაში თავისი ორიგინალური და განსხვავებული ტეგლაინის გამო, ან თვლით, რომ რომელიმე ზედმეტია და ამ სიას არ შეესაბამება, გთხოვთ შემატყობინოთ კომენტარის სახით. დიდი მადლობა.

ვისაც ფილმის პირველი ნაწილის ბლოგერული ქრონიკები იცით, გეხსომებათ ჩემი იმდროინდელი მოსაზრებაც და პოსტიც. მას შემდეგ საკუთარ შეცდომებზე ვისწავლე და ფილმის სანახავად ამჯერად ფხიზელ მდგომარეობაში მივედი

რაც ყველაზე ძალიან გიყვარს 2

ბევრი დამეთანხმება იმაში, რომ როდესაც ფილმის ორ ან მეტ სერიას იღებენ, პირველი სერია ყოველთვის უკეთესი გამოდის ხოლმე, ამ შემთხვევაში ამ თეორიამ არ გაამართლა. ჩემდა გასაკვირვად ფილმი მომეწონა. რამდენჯერმე გავიცინე კიდეც. თუმცა არა ისე, როგორც ეს უკანა რიგებიდან ისმოდა. რამდენჯერმე გავიფიქრე კიდეც, ისინი სხვა ფილმს ხომ არ უყურებენ თქო

მოკლედ, ფილმი იდეალური არ იყო, იყო მცირედი ხარვეზები, მაგრამ პირველთან შედარებით ბევრად უკეთესი გამოდგა.

მინუსების კატეგორიას შეილება მივანიჭოთ, ის ფაქტი, რომ სრულიად ზედმეტი იყო კადრების ვერტფრენდიდან გადაღება, მითუმეტეს, როდესაც ეს კარგად არ იციან (ჯერ).  არ ვიცი, კინოთეატრში არსებული დინამიკების ბრალია თუ ხმის არანჟირების, მაგრამ შოკოლადის გახსნისა და საუბრის ხმები ერთი ტონალობის არ უნდა იყოს IMHO.

სცენარი ძალიან გაქვს პირველს სერიას, ისეთი შთაბეჭდილება დამრჩა, თითქოს პირველს ვუყურებდე, ოღონდ სხვა ვერსიით. არადა დაფეხმძიმებისა და ბავშვების გაჩენის სცენების გარდა შესაძლებელი იყო სცენარის შეცვლა და სიუჟეტის “გაგრძელება”.

მოულოდნელი იყო, ის ფაქტი, რომ შუა ფილმის მსვლელობისას 1-2 წამით გაჩნდა ფერადი ზოლებით აღსავსე ეკრანი. გავიფიქრე კიდეც, “მეორე არხს” ხომ არ ვუყურებ თქო?

მოკლედ, კრიტიკა საკმარისია, ფილმს დადებითი მხარეებიც აქვს, რომელიც უნდა ავღნიშნოთ.

საუკეთესო სცენა IMHO

ბოლო წლებში გადაღებულ ამ ჟანრის ქართული ფილმებიდან ეს უდაოდ საუკეთესო იყო. შედარებით დახვეწილი იუმორი, კარგი გადაღება (ვერტფრენიდან გადაღებულ სცენებს თუ არ ჩავთვლით), მსახიობების საკმაოდ კარგი თამაშიც ფილმს იდეალურ სანახავს ჰქმინს საახალწლო დღეებში.

ასე, რომ ჩემო კარგებო, თუ კი გაქვთ თავისუფალი დრო და გსურთ რაიმე საახალწლო კომედიისა და ქართული პროდუქტის დაგემოვნება, მაშინ “რაც ყველაზე ძალიან გიყვარს 2″ ზედგამოჭრილი ვარიანტია თქვენთვის.

დამატებითი ინფორმაცია ფილმის შესახებ შეგიძლიათ იხილოთ მათ ოფ. ვებ-გვერდზე: http://kaikino.com/2/

პ.ს. არ შეიძლება არ ავღნიშნო, ის თუ რომელ საათზე ვიყავით მიპატიჯებულნი. ეს იყო 13 საათზე. დრო ნამდვილად შეუსაბამო იყო ამისთვის. ყველანი ველოდით საღამოს სეანს. რადგან ამ დროს უმეტესობას, მით უმეტეს ბლოგერებს ( ), თანაც კვირა დღეს, სნიძავს და სურს დასვენება და გამოძინება.

90 დარეგისტრირებულიდან დაახლოებით 25-30 ბლოგერი თუ იქნებოდა მოსული, ისიც არც კი. წინა მოწვევაზე ეს პრობლემა არ იყო, და გაკვირვებული დავრჩი წლევანდელი  შემთხვევით. იმედი მაქვს, მომავლისთვის გაითვალისწინებენ ჩვენი პატივცემული ფორმულა “კრეატივის” ჯგუფი, რომლის მადლიერნი ვართ თითოეული ჩვენგანი : ) .

წითელი ლენტა

პირველ რიგში მანამ კომენტარების წერას დაიყწებ მინდა ერთგვარი ტური ჩაგიტარო ბლოგის ვიზუალური და თემატური მხარის შესახებ.

1) ზედა მარცხენა კუთხეში შენ უნდა ხედავდე 5 სხვადასხვა ფერის ღილაკს, მათზე დაჭერით  შენ შეძლებ ტექსტებს ფერები შეურჩიო შენივე გემოვნებით

2) პირველი პოსტის მაღლა თუ აიხედავ, დაინახავ რაღაც ტექსტს, რომელიც დარწმუნებული ვარ ყოველი გვერდის ჩატვირთვისას სხვადასხვა იქნება, ეს ტეგლაინებია, მანდ ეწერება ბძნული აზრები და რამე

3) ახლა მარცენა მხარეში გადავიცვლოთ სადაც ძიების ფორმის ქვემოთ დაინახავ წარწერას გამოცდების შესახებ. დიახ, მე აბიტურიენტი ვარ და ეს ბლოკი იქნება მანამ, სანამ არ ჩავაბარებ, მოგწონს შენ ეს თუ არა P.S. მანდ წერია “გამოცდებამდე დამრჩა”, შეიძლება ეს შეცდომა გეგონოს, მაგრამ არა, მე დამრჩა და არა სხვას, ამიტომაც ვსაუბრობ პირველ პირში

4) მარჯვენა პანელში (sidebar-ში) , უფრო სწორად კი მის ბოლოში არის მცირე სტატისტიკა ბლოგის შესახებ, სადაც წერია კომენტარების,  პოსტების რაოდდენობა და სხვა..

5) თუ ფიქრობ რომ ეს დიზაინი ჩემი აწყობილია, მაშინ გეტყვი რომ ცდები, ეს არის უფასო WordPress-ის შაბლონი, სახელად Color Paper, და მისი გადმოწერა შეგიძლია აქედან (სასურველია თუ ამ ბლოგის დიზაინს არ დააყენებ, არ მინდა ამიტ ერთგვარი ინდივიდუალიზმი დავკარგო )

ეს რაც შეეხებოდა ვიზუალიზაციას, ახლა კი ბლოგის თემატიკის შესახებ..

ბლოგი გათვლილია ქართველი ინტერნეტ მომხარელებისთვის, ანუ შენითვის ჩემო მკითხველო.

ბლოგში იქნება სხვადასხვა სახის პოსტები, უფრო კონკრეტულად კი ვებ ტექნოლოგიების შესახებ, შესაძლოა რამდენიმე იუმორისტული და რომანტიული პოსტიც გავურიო… ანუ ერთი მიმართულებით არ მივდივარ… დავწერ ასევე მუსიკის შესახებ, კერძოდ კი ჯაზზე, მოკლედ დავწერ იმის შესახებ რაც მიყვარს და მაინტერესებს.

თქვენობითი ფორმიდან გადმოვინაცვლე შენობით ფორმაზე, აწი სულ შენობით დაგელაპარაკები ჩემო მკითხველო

პირობას ვდებ რომ დიდ პოსტებს აღარ დავწერ

P.S იმედი მაქვს პაპსა ბლოგი არ გამომივა მანამდე კი რჩევები, წარმატებები, პრეტენზიები და თხვონები შეგიძლია კომენტარებში დამიწერო