ოცნების ქალაქი

ამ ფილმს ჯერ კიდევ მის გამოსვლამდე დიდი ინტერნეტ მხარდაჭერა აქვს. ოფიციალურ საიტზე ყველანაირი ინფორმაცის მოძიებაა შესაძლებელი ფილმთან დაკავშირებით. myvideo-ს არხზე ვიდეო-ტრეილერების ნახვაა შესაძლებელი. ფეისბუქზე შექმნილ გვერდზე კი ყოველდღიურად იდებოდა ფოტოები გადაღებებიდან.

გადაღებები ზამთრის პერიოდში მიმდინარეობდა და სულ ცოტა ხნის წინ დასრულდა. როგორც ალბათ უკვე მიხვდით ფილმში საახალწლო განყწობა სუფევს.

ტრეილერი

“ოცნების ქალაქს” საოცნებო მსახიობები ანებივრებენ თავიანთი სხეულით. ისეთები როგორიც არიან, შორენა ბეგაშვილი, ნანკა კალატოზიშვილი და სხვ.

ფილმის საუნდრეკებზე პოპულარული ქართული ჯგუფი “მგზავრები” ზრუნავდა, რომელთა სიმღერები დღეს უკვე ჰიტებად არის ქცეული.

თბილისი პატარა ქალაქია, სიყვარულს ვერსად დაემალები.

ერთი შეხედვით ფილმი საკმაოდ კარგი უნდა იყოს, თუმცა რეალურად როგორი იქნება იგი, ამას მხოლოდ 14 აპრილს გავიგებთ. იქნება ეს ქართველი კინომაყვარულებითვის “საოცნებო ფილმი”, თუ უბრალოდ მორიგი მცდელობაა ქართული კინომატეგრაფიის  განვითარებისა?

თქვენ რას ფიქრობთ? გაამართლებს ფილმი თქვენს მოლოდინს? თუ იმედგაცრუებულს დაგტოვებთ?

ავატარი (პოსტერი)

ამ ფილმის გამო არაერთი ხმაური იყო ატეხილი, თუმცა მის შესახებ არაფერი ვიცოდი, უფრო სწორად კი არ ვიცოდი ავატარი რას ნიშნავდა ამ ფილმის მიხედვით, უბრალოდ მის პუბლიკაციას ველოდი, რომ თავად გამეგო ყველაფერი.

რა არის ავატარი? – მოდით, მეტი გარკვევისთვის ფილმის მნიშვნელოვან ნაწილს მოგიყვებით, რაც მეტ წარმოდგენას შეგიქმნით ამ ყველაფრის შესახებ.

გალაკტიკაში არსებობს ადგილი, შეიძლება ითქვას პლანეტაც, რომელსაც პანდორა ჰქვია. აქ მოიპოვება ძვირფასი ქვა [სამწუხაროდ, სახელი ვეღარ დავიმახსოვრე], რომლის 1 კილოგრამის ფასი დედამიწაზე 20 მილიონ დოლარს უდრის. ამ ქვის მოპოვება არც თუ ისე ადვილი ხდება, რადგან ამ პლანეტაზე ბინადრობენ უჩვეულო არსებები; ადამიანის მაგვარი პიროვნებები, რომლებსაც ნაავიი ჰქვიათ (ორი “ა”-თი და ორი “ი”-თი), მათ ყავთ თავიანთი ღმერთი, ეუვა (რაღაც “ვეიქის” პონტში), ან ჩვენებურად ევა. იგი ფაქტიურად მთელს პანდორას განაგებს, მას ყველა ემორჩილება, ნაავიელებით დაწყებული და უჩვეულო მტაცებლებით დამთავრებული.

ამ ქვის მოსაპოვებლად დედამიწელებს უხდებათ პანდორელებთან შეჭიდება, რაც ადამიანურ ძალებს აღემატება. ამიტომაც მათ შექმნეს ავატარი, რაც ადამიანისა და ნაავიელების დნმ-ის შედეგად შექმნილი არსებაა. ამით ისინი ებრძვიან იქაურ მტაცებლებს რათა შეძლონ ზემოხსნებული ქვის მოპოვება.

ფილმის მთავარი გმირი, ჯეიკი, რომელსაც თავისი გარდაცვლილი ძმის მაგივრად გაიწვევენ ამ მისიაზე, არის ინვალიდი, და ავატართან ურთიერთობის შემდეგ მას კვლავინდებურად შეეძლება სიარული და მეტიც. მისი მოვალეობა გახდება, დასახლდეს ნაავიელების თემში და მოიპოვოს მათზე ინფორმაცია. რაღაც დროის გასვლის შემდეგ იგი საკუთარ თავში დაეჭვდება, თუ ვის მხარეს არის იგი.

ის, თუ როგორ მოიპოვებს ინფორმაციას, როგორ განვითარდება მისი სასიყვარულო ურთიერთობები, როგორ გახდება გმირი თუ მოღალატე, ამის გასაგებად იხილეთ ფილმი.

ეს რაც შეეხებოდა მცირე შინაარს, ახლა კი მის ვიზუალურ მხარეს, ფილმი არის ულამაზესი. როგორც უკვე ზემოთ ავღნიშნე პანდორაზე არაერთი უცნაური ცხოველი ბინადრობს, რომლებიც ძალიან ორიგინალურები, ლამაზები და ამავდროულად საშიშები არიან.

თვით პანდორაც ულამაზესი ადგილია, ჰაერში გამოკიდული მთებითა და კლდიდან მავალი ჩანჩქერებით. იკრანები, რომლებიც იქაური ფრინველები არიან, რაღაცით პტეროზავრებს ჰგვანდნენ. აღარაფერს ვამბობ წმინდა ფრინველებზე, რომლებიც მფრინავ მედუზებს გაგონებენ. ფილმის გრაფიკული მხარის ქება უსასრულოდ შეიძლება, რადგან თითეოული დეტალი ნათლად არის გამოკვეთილი.

შინაარსის შესახებ უკვე ვისაუბრე, გრაფიკაზეც ვთქვი ერთი-ორი სიტყვა, ახლა რაც შეეხება თვითონ მსახიობებს. რომ მცოდნოდა, მიშელ როდრიგესი თამაშობდა, ორმაგი სიხარულითა და ეიფორიით აღსავსე წავიდოდი ფილმის სანახავად. ძალიან მოუხდა მას პილოტი ქალის იმიჯი, რადგან არაერთ ფილმი უთამაშია “კაცური” თვისებების მქონე გოგონას როლი, თუნდაც გავიხსენოთ – ფორსაჟი.

მიშელ როდრიგესი პილოტის როლში (გასადიდებლად დააჭირეთ ფოტოს)

სტეფან ლენგი, რომელმაც პირნათლად შეასრულა მასზე დაკისრებული მისია და ბოროტი გენერლის როლი ითამაშა. პიროვნება, რომელსაც “სახეზე ეტყობა” სამხედრო ძალების მმართველობის პრაქტიკა. მისი მოვალეობა იყო არსებული ჯარისკაცებისთვის სიცოცხლის შენარჩუნება და თავდაცვის უზრუნველყოფა.

სტეფან ლენგი გენერლის როლში (გასადიდებლად დააჭირეთ ფოტოს)

და რაღა თქმა უნდა ფილმის მთავარი გმირი, ჯეიკ სალიი, რომლის როლსაც სემ ვორსინგტონი თამაშობდა. იდეალურად შეეწყო, როგორც ინვალიდი საზღვაო პლოტის მეზღვაურის, ასევე პანდორის ერთგული მაცხოვრებლის როლს. ჯეიკი კარგი ჯაშუშიც გამოდგა, რომელიც არც რომანტიზმში მოიკოჭლებდა.

სემ ვოსტინგტონი მთავარ როლში (გასადიდებლად დააჭირეთ ფოტოს)

3D ეფექტებს რაც შეეხება, ამაზე ცოტა იმედგაცრუებული ვარ, რადგან ერთ-ერთ წინა პოსტში აღფრთოვანებული ვიყავი “საშობაო ზღაპრის” ეფექტებით, აქ კი მათი ნაკლებობა იგრძნობოდა. არ დაგიმალავთ და თავიდან მეგონა, რომ ფილმის უმეტესი ნაწილი ასეთი ეფექტების გამო განუმეორებელი იქნებოდა. სამწუხაროდ შევცდი. დრო და დრო თვალს ვაპარებდი და სტერეო სათვალეს ვიხსნიდი, რათა სხვაობა მეგრძნო, თუმცა დიდი ვერაფენი განსხვავება ვერ ვნახე.

ფილმით სრულიად აღფრთოვანებული ვარ, 2 საათ ნახევარი გაუნძრევლად ვიჯექი, დაძაბული და ინტერესით ველოდი ყოველ მომენტს, თუმცა ეფექტებმა, რომლის ნახვაც სტერეო სათვალის გარეშეც მშვენიერი იქნებოდა, შედარებით გულგატეხილი დამტოვა.

აქვე იხილეთ ფილმის ტრეილერი:

მახსოვს პერიოდი როცა, თაობა ჰარი პოტერზე აფანატებდა, როგორც ერთ-ერთ ყველაზე საინტერესო ფანტასტიკურ ფილმზე, მერწმუნეთ 2010 წელს ხალხი ავატარზე გააფანატებს. ეს ის ფილმია, რომელიც ყველამ უნდა იხილოს და შეაფასოს ჯეიმს კემერონის ეს მორიგი შედევრი. მიყვარს რეალობასთან ახლო ფილმები, მაგრამ მათ “ავატარმა” სრულიად გადაუჯოკრა და ჩემი უსაყვარლესი ფილმების ათეულში საპატიო ადგილიც დაიკავა. დარწმუნებული ვარ ეს ფილმი თქვენი ერთ-ერთი უსაყვარლესი კინო გახდება, თუ უკვე არ გახდა.

მოკლედ, მგონი ძალიან ბევრი მომივიდა, თუმცა ამაზე მოკლედ არ შემეძლო. ჩემი რჩევა იქნება ფილმთან დაკავშირებით, რომ ნახოთ აუცილებლად, არ ააქვს მნიშვნელობა კომპიუტერში გადმოწერთ CAMRip ვერსიას, დაელოდებით DVD ხარისხის გამოსვლას თუ წახვალთ და კინოში ნახავთ 3D ეფექტებით. მთავარია, რომ თქვენ ამ ორ საათ ნახევრის განმავლობაში აღმოჩნდებით ულამაზეს ადგილას, რომლის მაგვარიც დედამიწაზე არსად არაა. მოსწყდით ბნელ რეალობას და გაეშურეთ პანდორის ლამაზ ჯუნგლებში, უყურეთ ფილმს და მიიღეთ სიამოვნება.

პ.ს. სასურველია მცირეწლოვანი ასაკის ბავშვებმა ეს ფილმი არ ნახოთ, რადგან ზოგიერთი მტაცებლის დანახვაზე მათ შესაძლოა შარვალში მოითავონ, რაც დამერწმუნებით, რომ თქვენთვის, მშობელთათვის, არც თუ ისე სასიამოვნო მომენტებია. ასევე ომის და ბრძოლის მომენტი, რაც არაერთი წუთი გრძელდება ფილმის განმავლობაში, შესაძლოა სუსტგულიანებს სულიერი ტრამვაც მიაყენოს. მაგრამ თუ კი რისკიანი ხართ, მაშინ არ დაიშუროთ თანხა ფილმის სანახავად.

ბილეთის ფასები

ბილეთების ფასი  შემდეგნაირად მერყეობს:
დილის 11 საათიან სეანზე ბილეთის ფასი შეადგენს 10 ლარს, 14:20 საათზე – 12 ლარს, 17:40 საათზე – 14 ლარს, ხოლო 21 და ღამის 12 საათზე ბილეთის ფასი იქნება 15 ლარი. ( წყარო )

3D ამირანში

ემოციების დამალვა სათვალის გაკეთების პირველივე წუთიდან მოყოლებული ამ პოსტის წერამდე მიჭირს. შედეგმა ყოველგვარ მოლოდინს გადააჭარბა. ერთი შეხედვით პლასტმასის უცნაურმა სათვალემ და კომპიუტერულმა გრაფიკამ თავი ანიმაციურ სამყაროში მაგრძნობინა. თავი მულტფილმის ერთ-ერთი გმირი მეგონა, იმდენად რეალურად იყო ეს ყველაფერი გაკეთებული.

ანიმაციური ფილმი “საშობაო ზღაპარი“  სავსე იყო ექსტრემალური ეფექტებით და გადაღებით, რის გამოც, არაერთი სცენის დროს სკამისთვის ხელების მჭიდროდ ჩაჭიდება მომიწია. ცოტაც და ვიფიქრე მეც გავფრინდები მეთქი. თოვლის ეფექტი იმდენად რეალური იყო, რომ რაღაც მომენტში ვიფიქრე თვალში არ ჩამივარდეს ფიფქები თქო. ახლო კადრიდან გადაღებული ადამიანის სახეები და ხელები კი ანიმაციური გმირის გვერდით ყოფნის ეფექტს ჰქმნის.

ძალიან მიხარია, რომ როგორც იქნა საქართველოს კინოთეატრებშიც დაინერგა ასეთი ტექნოლოგიები და ძალიან ვწუხვარ იმაზე, რომ ამის ბედნიერება აქამდე არ გვქონდა.

გარდა იმისა, რომ ბავშვივით გახარებული ვარ და უაღრესად კმაყოფილი, მაინც იყო მცირე ხარვეზები, რომელსაც იმედი მაქვს დროთა განმავლობაში დახვეწავენ. კერძოდ კი;

• სათვალეები, რომლებსაც არიგებდნენ იყო ჭუჭყიანი, ალბათ წინა ნაკადებიდან პატარა ბავშვის პოპკორნიანი თითებით ნათამაშები.
• ფილმის მსვლელობისას პირველი ნახევარი საათის განმავლობაში დაახლოებით 5 წუთიანი ინტერვალით 3-3 წამით ითიშებოდა ფილმი, უფრო სწორედ კი ჩნდებოდა შავი ეკრანი, რომლის გამოჩენის მიზეზიც სრულიად უცნობია. ალბათ ხალხის მიუჩვეველი თვალის დასვენებაზე ზრუნავდნენ
• წინა რიგში მჯდომი სიცოცხლით აღსავსე პატარა ბავშვების ხელის ქნევის პროცესი, რაც მთლიანი ფილმის ყურების დროს მათთვის ხელების დამტვრევის სურვილს აღგიძრავს .

ასე რომ ჩემო კარგებო, არ დაზოგოთ თანხა იმისთვის, რომ მიიღოთ ეს სიამოვნება და აღმოჩნდეთ სულ ცოტა ხნით მაინც რეალურად არარეალურ სამყაროში. მაგრამ ზემოხსენებული მინუსების გამო პირადი გამოცდილებიდან გირჩევთ, რომ წაიღოთ რაიმე მწმენდავი საშუალება სათვალის გასასუფთავებლად. იყოთ მომთმენი პატარა ბავშვების ხელების ქნევის დროს და რაც მთავარია არ დაიწყოთ “ოე მეხაშე, ჩართე კინოს” ძახილი ამ რამდენიმე წამიანი ხარვეზების დროს. გისურვებთ ბედნიერ კინოჩვენებას.

მე კი მომავალ ფილმის გამოსვლამდე მომიწევს ლოდინი, რადგან დანამდვილებით ვიცი, რომ 3D განზომილებიანი ფილმის ყურებას არავითარ შემთხვევაში არ გამოვტოვებ. თქვენ, ვისაც უკვე გინახავთ ფილმი სამ განზომილებაში, რას იტყვით? გეცნოთ ყოველივე ზემოხსნებული? გაგვიზიარეთ თქვენი ემოცია კომენტარის სახით. ხოლო მათ, ვისაც ჯერ არ უნახავს და სუურს წასვლა, დასვთი შეკითხვა კომენტარში და აუცილებლად გიპასუხებთ.

პ.ს. იმისთვის, რომ მორიგ სეანსზეც შევძლო წასვლა, აუცილებელია ბილეთის საფასურის გადახდა. დამეხმარეთ ბილეთის ფულის აგროვებაში, დააკლიკეთ გვერდით და პოსტის ქვემოთ არსებულ ტექსტურ რეკლამაზე დღეში მხოლოდ ერთხელ, რის გამოცა, წინასწარ გიხდით მადლობას