ორიოდ დღის წინ კი „თბილისი ცენტრალში“ გახსნილი ბოულინგ კლუბს მე და ჩემმა ძმაკაცებმა მივაკითხეთ, რომლის შესახებაც თაასგან შევიტყვე – Tbilisi Central Opening. საღამოს 11 საათი იქნებოდა, ამ დროს კი ფასები ყველგან და ყველაფერში მატულობს ხოლმე, ამიტომაც მხოლოდ ერთი საათი შევძელით იქ გაჩერება.

თამაშის დაწყებამდე სპეციალური ფეხსაცმელები გადმოგვცეს, რომელიც იატაკს იცავს დაზიანებისა და ნაკაწრებისგან. მას საგულდაგულოდ რაღაც აეროზოლი “მიაშხურეს”, რომელიც ალბათ ფეხსაცმელს სუნისა და სოკოს გადადებისგან იცავს. ეს ფეხსაცემელები ასე გამოიყურება:

(ბანჯგვლიანი ფეხების ფოტოსთვის ბოდიში მომითხოვია )

მიუხედავად იმისა, რომ კეგლების „დამწყობი“ აპარატი (სამწუხაროდ ზუსტი სახელწოდება არ ვიცი) ხანდახან ჭედავდა და კეგლების დალაგებას აგვიანებდა ხოლმე, ხოლო ანგარიშის ტაბლო დრო და დრო რესტარტდებოდა და ქულები ხანდახან არ გვემატებოდა ხოლმე, თამაშისგან მაინც უდიდესი სიამოვნება მივიღე.

ძალიან მაგარი შეგრძნებაა, როდესაც დაახლოებით 30-40 მეტრიანი მანძილიდან ერთი გაგორებული შარით პირველად წააქცევ კეგლს, როდესაც პირველად აიღებ Strike-ს (1 გაგორებით ათივე კეგლის წაქცევა) და როდესაც პირველად მოიგებ ერთ გეიმს.

მე კი „უბედური შემთხვევის“ გამო ადგილზე სათვალეს გამოვემშვიდობე, ლინზებიც არ მქონდა გაკეთებული და ასე „ბრმად“ მომიწია თამაში. 4 გეიმის განმავლობაში 2 Strike გავაკეთე და რამდენიმე Spare (2 გაგორებით ათივე კეგლის წაქცევა) და თითქმის ყველა ხელი ჩემი გამარჯვებით დასრულდა.

თამამად შემიძლია ვთქვა, რომ პირველ თამაშს კრახი არ განუცდია და შესანიშნავად ჩაიარა. სავარაუდოდ სხვა ბოულინგ ცენტრებსაც მივაკითხავ უახლოეს მომავალში, რათა ამ უკანასკნელს არსებული სიტუაცია შევადარო, მანამდე კი ცოტას თამაშის წესებისა და რჩევების შესახებ გიამბობთ.

„თბილისი ცენტრალში“ არსებულ ბოულინგ კლუბში ფასები შემდეგნაირად არის გადანაწილებული:

• 1 სთ – 14 ლარი 03:00 სთ-დან 14:00 სთ-მდე
• 1 სთ – 24 ლარი 14 სთ-დან 20:00 სთ-მდე
• 1 სთ – 38 ლარი 20:00 სთ-დან 03:00 სთ-მდე

შაბათ-კვირას კი:

• 1 სთ – 24 ლარი 03:00 სთ-დან 20:00 სთ-მდე
• 1 სთ – 38 ლარი 20:00 სთ-დან 03:00 სთ-მდე

თუმცა 1 გეიმის ფასი 4 ლარს შეადგენს.

აქვე გეტყვით, რომ ჩვენ 4ნი ვიყავით და 1 საათის განმავლობაში მხოლოდ 4 გეიმის თამაში მოვასწარით, რაშიც 38 ლარი გადავიხადეთ, მაშინ როდესაც შეგვეძლო გვეთამაშა 4 გეიმის მიხედვით და გადაგვეხადა 16 ლარი. ასე რომ თქვენც გაითვალისწინეთ თუ რა ტარიფით გსურთ თამაში.

თამაშის წესები

ერთი გეიმი შედგება 10  ჩარჩოსაგან (Frame), სადაც იმ ქულების რაოდენობა იწერება, რამდენ კეგლსაც წააქცევ. თამაშის მთავარი პრინციპი მაქსიმალური ქულების დაგროვებაა. მოთამაშეები 2-2-ჯერ აგორებენ შარებს. სულ მათ 20-ჯერ (10 ჩარჩო გამრავლებული 2 გაგორებაზე) მოუწევთ შარის გაგორება.

თუ თქვენ 1 გაგორებით 10-ვე შარი წააქციეთ, მაშინ ეს Stike-ია და თქვენ გემატებათ 10 ქულა + იმ ქულის რაოდენობა, რამდენსაც შემდეგი 2 გაგორებით აიღებთ.

თუ თქვენ 2 გაგორებით წაქციეთ 10-ვე შარი, მაშინ ეს Spare-ია და თქვენ გემატებათ 10 ქულა + მომდევნო ერთი გაგორებით მოგროვილი ქულა.

Strike ანგარიშის ტაბლოზე აღინიშნება X-ით (იქსით), ხოლო Spare /-ით (დახრილი ხაზით).

მოკლედ თქვენ ზედმეტი ქულების თვლა არ დაგჭირდებათ, თქვენს მაგივრად კომპიუტერი დაითვლის და ეკრანიდან შეიტყობთ თქვენს ანგარიშს და სვლას.

განსხვავება არის შარების წონასა და ნომრებში. ძირითადად 6-დან 14 ნომრამდე (თუმცა 6 ნომერი 6 კილოგრამს არ უდრის) მერყეობს შარები. მიღებულია რომ შედარებით დაბალ ნომრიან შარებს ხმარობენ ბავშვები, საშუალო ზომის შარებს ქალები, ხოლო დიდებს – კაცები.

პირადი გამოცდილებიდან 10-11 ნომრის შარი საუკეთესოა, არც ზედმეტად მძიმე და არც მსუბუქი. სწორედ ამ ნომრების მქონე შარებით ვთამაშობდი და ვიღებდი სთრაიქებს, თუმცა თქვენთვის შესაძლოა სხვა ნომრის მქონე ბურთულა უფრო მოსახერხებელი აღმოჩნდეს. ყველაფერი გემოვნებაზეა დამოკიდებული.

გარდა ამისა მინდა ერთი რჩევაც მოგცეთ შარის გაგორებისას, ეცადეთ, რომ რაც შეიძლება მშვიდად იყოთ ამ დროს. არ არის საჭირო მთელი ძალ-ღონით ბურთის გაგორება, აქ მთავარი სიზუსტეა და არა სიძლიერე. რამდენჯერაც ძლიერად არ გავაგორე შარი, იმდენჯერვე ბილიკიდან გადაგორდა, ხოლო რამდენჯერაც მშვიდად და აუღელვებლად ვითამაშე, იმდენჯერვე მაქსიმალური შედეგი მივიღე.

მოკლედ გისურვებთ წარმატებებს ბოულინგის თამაშისას. და თქვენ თუ გითამაშიათ ბოულინგი, ან გაგჩენიათ სურვილი სამნახვრეტიანი შარით კეგლების წაქცევისა? რა გამოცდილებას გაგვიზიარებდით? : )

მერობის კანდიდატი - ლანდიშა! ხმა მიეცით მას! შემოხაზეთ ნომერი 0!

შემოხაზეთ ნომერი 0!

თქვენს წინაშეა ყველაზე ახალგაზდა, ენერგიული (როცა არ ეძინება), ყველაზე წარმაცი და ამავდროულად შრომის მოყვარე (შრომასაც გააჩნია), ყველაზე მონდომებული (მონდომების მიზანს გააჩნია) და ყველაზე წარმატებული (მომავალი) პოლიტიკური ფიგურა ქართულ პოლიტიკაში.

მე არ ვდგავარ სამზარეულოში და არ ვაცხობ არაფერს, მე უბრალოდ მათ მივირთმევ.

გიგა აცხობს - ლანდიშა მიირთმევს

მე არ ვდგავარ ბენზოგასამართ სადგურზე და არ ვასხავ საწვავს, რადგან ავტომობილი არ მყავს. თუმცა თუ გავიმარჯვებ არჩევნებში, შესაძლოა ეს X5-იც დავითრიო.

რეალური მყიდველი ვარ და არ მატანს!

მე 7 ნოემბერს არავისთვის არაფერი დამიშავებია, 14 დეკემბერს დავაშავე, რომ დავიბადე.

ჩემი დანაპირები

თუ თქვენ მოგბეზრდათ ამჟამინდელი მდგომარეობა ქართულ რეალობაში და გსურთ თქვენი შვილებისთვის უკეთესი  მომავლის ქონა, მაშინ გაეცანით ჩემს დანაპირებებს და შემოხაზეთ ნომერი 0!

ჩემი მთავრობაში მოსვლით თქვენ გაგინათდებათ დღე და დაგიბნელდებათ ღამე, რადგან მზისა და მთვარის ასეთი ურთიქრთქმედების შეცვლა ვერცერთი პოლიტიკური ფიგურა ვერ შეძლებს.

ჩემი მთავრობაში მოსვლით მე დავბლოკავ “ადნაკლასკინებს” და home page-ად დაგიყენებთ “ფეისბუქს”, ხოლო თუ 7%-იანი ბარიერი გადავლახე, მაშინ მე ფეიბუქის ადმინისტრაციას ზარს გავუშვებ, ისინი გამომირეკავენ და “+5″-ების დავამატებინებ.

აირჩიეთ ლანდიშა მერად და იგი გასწავლით გიტარაზე ხელუკუღმა დაკვრას, ისე რომ, თვით ჯიმი ჰენდრიქსაც შეშურდებოდა.

ოღონდ ჯერ თვითონ ისწავლის და…

აირჩიეთ ლანდიშა მერად და თქვენ უფასოდ ჩაგიტარდებათ ბილიარდის კურსები.

ოღონდ კურსებზე საკუთარი ბილიარდის მაგიდით და კიით უნდა მოხვიდეთ, ბურთები და ცარცი ჩვენზეა.

აირჩიეთ ლანდიშა მერად და თქვენ მოგეცემათ უნიკალური საშუალება ძილის დროს მისი გაპასტვისა.

გაპასტული ლანდიშა

ოღონდ მეორე დღეს თქვენვე უნდა ჩამომბანოთ.

ლანდიშას მერად არჩევის შემთხვევაში თბილისსა და სრულიად საქართველოში მედიცინა გახდება სრულიად უფასო, განსაკუთრებით ღორის გრიპით დაავადებულთათვის და ფეხმოტეხილთათთვის (ავარიაში მოყოლილებისთვის).

ფეხმოტეხილი ლანდიშა და ღორის გრიპით დაავადებული მერი!

რადგან ერთის შემთხვევაში ადამიანი იღუპება და ხარჯებს ოჯახი გაიღებს, მეორე შემთხვევაში კი დაზარალებულებს დახმარებს დამზარალებლები თვითონ უწევენ, სასამართლოში ჩივილის ნაცვლად.

და ბონუსის სახით გთავაზობთ სრულიად ევროპასა და აზიაში პირველად, ქალაქში სიარულის ახალ მანერას.

თბილისი - ლანდიშას მერობის არჩევის შემთხვევაში!

ატარეთ “პაკრიშკა” საყურეების ნაცვლად ფერადი ბუშტები და “სვარშჩიკის სათვალე”, მხოლოდ ჩვენთან და მხოლოდ თბილისში!

მიეცი ხმა ლანდიშას, შემოხაზე ნომერი 0! არ დარჩე სახლში 30 მაისს, მოდი არჩევნებზე!