ეს თამაში ალბათ ყველას გახსოვთ. იგი ჩვენი ბავშვობის განუყრელი და ერთ-ერთი ყველაზე ნათელი წერტილი იყო. ყველას გითამაშიათ იგი, ყველას გიბრძვიათ პრინცესას გადასარჩენად და ამისთვის არაერთი იხვი, გუმბა, თევზი და მედუზა მოგიკლავთ, არაერთი სოკო გიჭამიათ ენერგიის მოსამატებლად და არაერთ ცეცხლოვან დრაკონს შესჭიდებიხართ.

Super Mario

Super Mario

დარწმუნებული ვარ, მისი მუსიკის ჰანგები ახლაც ჩაგესმით, რომელიც სატელევიზიო რეკლამებში არაერთხელ შეგხვედრიათ. მისი მოსმენით ჩემი გული ყოველთვის ნოსტალგიით ივსება და ის ტკბილი დრო მახსენდება, როცა დენდის 10 კნოპკიანი ჯოისტიკით ვიბრძოდი ხოლმე ჩემი არც თუ ისე სასიამოვნო გარეგნობის მქონე პრინცესას გადასარჩენად.

თქვენი არ ვიცი და მარიო ჩემი ბავშვობის უსაყვარლესი თამაში იყო. იმ დროის გასახსენებლად კი მისი სიმულატორის ძებნა დავიწყე ინტერნეტში, თუმცა რას არ წავაწყდი, ათასნაირ remake და გარემიქსებულ (:D) ვერსიებს. ჩემი გული კი მხოლოდ ორიგინალისკენ მიიღწვოდა და ბოლოს, როგორც იქნა, ისიც აღმოვაჩინე.

აღმოჩენის შემდეგ გადავწყვიტე ეს თამაში თქვენთვისაც გამეზიარებინა. იმისთვის რომ თქვენც გაიხსენოთ ბავშვობა და ითამაშოთ ეს ლეგენდარული თამაში, საჭიროა, გადმოწეროთ სიმულატორი და თამაშის გამშვები.

არ საჭიროებს ინსტალაციას!

გადმოწერის შემდეგ ამოაარქივეთ ორივე ფაილი. გახსენით თამაშის გამშვების არქივიდან ამოღებული fceux.exe ფაილი და File > Open მენიუდან მიუთითეთ Super Mario Bros. (JU) [!].nes ფაილის მდებარეობა. ჩართეთ და ისიამოვნეთ.

თამაშის ინსტრუქციები

ვინაიდან და რადგანაც თქვენ კომპიუტერს არ გააჩნია ჯოისტიკი, მოგიწევთ მისი კლავიატურით თამაში, მასზე კი გამოყნებულია შემდეგი კომბინაციები:

  • მიმართულებები წინ და უკან – Right Arrow და Left Arrow
  • ახტომა – F
  • სწრაფად სიარული/სირბილი – D
  • ტყვიების სროლა – D
  • დაპაუზება – Enter

დამეთანხმებით მოუხერხებელია, მაგრამ Config > Input -იდან მისი შეცვლა შესაძლებელია :)

მარიოს გარდა ამ საიტზე თქვენ შეგიძლიათ იხილოთ ასევე უამრავი სხვა თამაში, რომელიც თავის დროზე “დენდიზე” გვითამაშია, ისეთები, როგორიც არის Duck Hunt, Contra  და სხვანი. საიტიდან ფაილების გადმოსაწერად საჭიროა რეგისტრაცია.

მოკლედ გადმოწერეთ, ითამაშეთ და ისიამოვნეთ. გაიხსენეთ თქვენი ბავშვობის წლები და მოგვიყევით ჩვენც კომენტარებში :) .