ალბათ თითოეულ თქვენგანს ჰქონია შემთხვევა, როცა ბლოგზე წერისას ამა თუ იმ თემაზე მუზა მოსვლია და კარგად დაუწერია, ან რამდენიმე პოსტი ერთად გამოუქვეყნებია, შემდეგ კი კვირაობით იკარგებოდით და თქვენს ბლოგს ახალი პოსტების სიმცირეს უჩიოდით.
ჩემს ბლოგს თუ დიდი ხანია ადევნებთ თვალყურს, ნახავდით, რომ დეკემბერში ორიოდე პოსტი მაქვს გაკეთებული, წინა თვეებში კი შედარებით მეტი, ახლა კი ბოლო რამდენიმე დღეა თითქმის ყოველდღიურად იდება ახალი პოსტი, ესეც სწორედ მუზის და წერის ხალისის ბრალია.
პოსტის მოგვიანებით გამოქვეყნება
მინდა ერთი კარგი ხრიკი გასწავლოთ, რომელიც იმ შემთხვევაში დაგეხმარებათ, როდესაც წერის “მუღამზე” ხართ და რამდენიმე პოსტის ერთად დაწერა შეგიძლიათ, მაგრამ ყველას ერთდროულად გამოქვეყნება არ გსურთ.
საზოგადოდ ცნობილია, რომ სჯობს ბლოგის მკითხველმა იცოდეს, თუ რა ინტერვალებით ახლდება ბლოგი და იდება ახალი მასალა, ვიდრე ერთხელ 3 პოსტი დაიდოს და შემდეგ 2 თვე არ გამოჩნდეს.
ზემოთხსენებული ხრიკის გაკეთება ნებისმიერ ვორდპრესის მომხმარებელს შეუძლია. არ ააქვს მნიშვნელობა იგი wordpress.com-ის მომხმარებელია თუ განცალკევებულ სერვერზე უდგას ბლოგი.
ამ ხრიკის მთავარი მიზანია, რომ ერთ კონკრეტულ თარიღზე დაწერილი პოსტი გამოქვეყნდეს რამდენიმე წუთით, საათით, დღით ან წლის შემდეგაც კი. განაგრძე კითხვა →
