3D ამირანში

WOW, ალბათ ეს ის შორისდებულია, რომელიც შეიძლება პირველი თქვა 3D განზომილებით ნანახი ფილმის შემდეგ. ასეც არის, წუხელ მქონდა ბედნიერება პირველად ცხოვრებაში მენახა სამ განზომილებიანი ფილმი. ამის საშუალება კინოთეატრ “ამირანმა” ამა წლის 2 იანვრიდან მოგვცა. მე კი მხოლოდ გუშინ შევძელი ამ ახალი ტექნოლოგიებით დატკბობა.

3D ამირანში

3D ამირანში

ემოციების დამალვა სათვალის გაკეთების პირველივე წუთიდან მოყოლებული ამ პოსტის წერამდე მიჭირს. შედეგმა ყოველგვარ მოლოდინს გადააჭარბა. ერთი შეხედვით პლასტმასის უცნაურმა სათვალემ და კომპიუტერულმა გრაფიკამ თავი ანიმაციურ სამყაროში მაგრძნობინა. თავი მულტფილმის ერთ-ერთი გმირი მეგონა, იმდენად რეალურად იყო ეს ყველაფერი გაკეთებული.

ანიმაციური ფილმი “საშობაო ზღაპარი“  სავსე იყო ექსტრემალური ეფექტებით და გადაღებით, რის გამოც, არაერთი სცენის დროს სკამისთვის ხელების მჭიდროდ ჩაჭიდება მომიწია. ცოტაც და ვიფიქრე მეც გავფრინდები მეთქი. თოვლის ეფექტი იმდენად რეალური იყო, რომ რაღაც მომენტში ვიფიქრე თვალში არ ჩამივარდეს ფიფქები თქო. ახლო კადრიდან გადაღებული ადამიანის სახეები და ხელები კი ანიმაციური გმირის გვერდით ყოფნის ეფექტს ჰქმნის. განაგრძე კითხვა →

თარიღი: 20 January, 2010 • კატეგორია: თბილისი, პირადი ჩანაწერები • 44 კომენტარი • ტეგები: , ,

ო, ღმერთო! სულ სექსი, სექსი! როსღა გვეღირსოს ჩვენ გათავება?

ის, რომ თვალსაც მაკლია და ყურსაც (მოკლედ ინვალიდი ვარ) უცხო არავისთვის არის. ამ ნაკლების გამო არაერთხელ ჩავმდგარვარ უხერხულ სიტუაციაში, რომელიც უმეტეს შემთხვევაში ჰეფი ენდით მთავრდება.

სექსი

სექსი

ბოლო პერიოდში ძალიან უცნაური რამ მემართება. ადრე ასეთი რამ სმენის გამო დიალოგებში მემართებოდა, ახლა კი მხედველობის გამო მემართება, რადგან ახლა ხალხთან ძირითადად კომპიუტერით მაქვს მიმოწერა. და მაინც რა მემართება?

იმ დღეს თინის ეწერა ფეისბუქზე სტატუსად: “მაგრად მეძინვის” და მე რატომღაც წავიკითხე “მაგრად მენძვრის”. არ ვიცი ეს ფაქტი რას დავაბრალო, მაგრამ მსგავსი რაღაცეები, როგორც უკვე ზემოთ აღვნიშნე არაერთი მომხდარა ჩემს ცხოვრებაში. მეც შესაბამისად დავუკომენტე მაგ სტატუსზე და შესაბამისად ორივეს გაგვეცინა (:D). მარა რა იყო აქ სასაცილო ვერ ვხვდები. განაგრძე კითხვა →

თარიღი: 18 January, 2010 • კატეგორია: პირადი ჩანაწერები • 64 კომენტარი • ტეგები: , , ,

კრეატიული რეკლამები – ნაწილი 1

დარწმუნებული ვარ რეკლამებს ვერცერთი თქვენგანი ვერ იტანს, ტელევიზორში მის გამოჩენისას ეგრევე სხვა არხზე გადართავთ ხოლმე და უკან არ ბრუნდებით, მანამ არ დამთავრდება იგი. ეს იმიტომ ხდება, რომ რეკლამები ძირითადად მოსაბეზრებელია ხოლმე. იმისთვის, რომ რეკლამის დროს მაყურებელმა სხვა არხზე არ გადართოს, საჭიროა რომ ისეთი რეკლამა გადაიღონ, რომელსაც სიამოვნებით უყურებდნენ.

გადავწყვიტე ასეთი კატეგორია დამემატებინა, ვიდეოები, რომლებიც მოიცავდა მსგავსი სახის რეკლამებს, რომლებსაც სიამოვნებით ვნახავდი ტელევიზორში, რომ ყოფილიყო.

1. Foxsports – Cabin

ბმული – http://vimeo.com/7192217

ეს გახლავთ ვიდეო სპორტული არხის შესახებ, რეკლამის აზრი იმაში დევს, რომ სპორტი ყველა ნორმალურ ადამინს უყვარს. განაგრძე კითხვა →

თარიღი: 17 January, 2010 • კატეგორია: სანაგვე • 10 კომენტარი • ტეგები: , ,

ფული ხელის ჭუჭყია

მახსოვს ადრე, ძალიან ადრე, მქონდა ყალბი 10 ლარიანი, რომელიც კარგად რომ მოვძებნო სადმე ახლო-მახლო მექნება შენახული, თან ეს იმ დროს, როცა 10 ლარი ჯერ კიდევ ფული იყო და რაღაცის ყიდვა შეიძლებოდა მაგით.

2 ლარი VS. 10 ლარი

2 ლარი VS. 10 ლარი

დღესდღეობით 10 ლარი არაფერია, ბევრს ვერაფერს შეიძენ მაგ თანხით, რომ არაფერი ვთქვათ  2 ლარზე. სულ, რომ ვკვდებოდე შიმშილით და პურის ფული არ მქონდეს, მაგით (იმ ყალბი თუმანით) პურს ნამდვილად არ ვიყიდდი. მაგრამ არის ხალხი, რომელიც ათს კი არა, ორ ლარსაც ყალბს გამოიყენებს, იმის გულისთვის, რომ მას მეტი შეხვდეს. ალბათ არ  სმენიათ იმ აფორიზმის შესახებ, “რასაცა გასცემ შენია, რაც არა, დაკარგულია”. ეს ადამიანი არიან სამარშრუტო ტაქსის მძღოლები.  განაგრძე კითხვა →

თარიღი: 17 January, 2010 • კატეგორია: საზოგადოება • 27 კომენტარი • ტეგები: , ,

საიტი, რომელმაც ბავშობის ოცნება ამიხდინა

წუხელ, შეიძლება ითქვას რომ ჩემი ბავშვობის ერთ-ერთი ოცნება ნაწილობრივ ავიხდინე. ალბათ გაინტერესებთ რა ოცნებაა და როგორ ავიხდინე იგი. პატარაობიდან მოყოლებული ძალიან მიყვარდა დეტექტივების და კრიმინალური ჟანრის ფილმების ყურება, სწორედ ამიტომ მინდოდა, რომ FBI-ის აგენტი ვყოფილიყავი მკვლელობების განყოფილებაში. სიმართლე რომ გითხრათ, დღესაც რომ შემომთავაზონ ეს სამსახური, უარს არ ვიტყვი.

Kill With Me

Kill With Me

წუხელ ერთი საიტის აღმოჩენით ძალიან კმაყოფილი დავრჩი, ასე დიდი ხანია არცერთ ვებ-გვერს არ მოვუხიბლივარ. საიტი 2008 წლის ერთ-ერთი ფილმის, Untraceable-ის პოპულარიზაციისთვის შეიქმნა. ვებ-გვერდზე შესვლის შემდეგ თქვენ ეხმარებით მკვლელს მსხვერპლის შეწირვის დაჩქარებაში. ნუ ფილმის შინაარსით ეს ასეა, რეალურად კი თქვენ ხართ ახალი აგენტი, რომელიც ცდილობს ამ მკვლელის შეჩერებას.

თავიდან ცოტათი გამიჭირდა მასთან შეჭიდება, მაგრამ ბოლოს მისი სერვერი მაინც გავანადგურე და ხელახლა არაერთხელ ჩავრთე სათამაშოდ. იმდენად ჩამითრია, რომ ამ პოსტის წერისას რამდენჯერმე შევჩერდი, რომ კვლავინდებურად შემძლებოდა იმ სიამოვნების მიღება, რასაც ალბათ ზემოხსენებული სამსახურურებრივი დავალების შესრულების შემთხვევაში მივიღებდი.  განაგრძე კითხვა →

თარიღი: 16 January, 2010 • კატეგორია: სანაგვე • 26 კომენტარი • ტეგები: , ,

ვინ არის შვედეთის გმირი?

მოგეხსენებათ, რომ გასული წელი შვედეთივის, ისევე რთული აღმოჩნდა, როგორც მთელი მსოფლიოსთვის. ამ ქვეყანას ეკონომიკამ ძლიერი კრიზისული დარტყმა მიაყანება. მთავრობამ ახალი გმირის ძიება დაიწყო. მას შემდეგ, როცა ასეთი გმირი შვედეთში ვერ აღმოაჩინეს, ძიების არეალი გააფართოვეს და საქართველოს კარსაც მოადგნენ.

ძიებამ საქართველოში შედეგიანად ჩაიარა, შვედეთს ახალი ეროვნული გმირი ყავს და ეს გმირი თქვენს წინაშეა.

http://vimeo.com/8743102

იხილეთ ვიდეო vimeo.com-ზე

შვედეთმა შესაძლოა მორიგი ეროვნული გმირის ძიება დაიწყოს, წარადგინეთ თქვენი კანდიდატურაც.

თარიღი: 15 January, 2010 • კატეგორია: სანაგვე • 17 კომენტარი • ტეგები:

განათლების ახალი რეფორმა – 10 სავალდებულო საგანი ეროვნულ გამოცდებზე

საკუთარ ყურებას არ დავუჯერე, როდესაც კურიერის ერთ-ერთი სიუჟეტში მოვისმინე შემდეგი ფრაზა, რომ ეროვნულ გამოცდებზე 10 სავალდებულო საგნის ჩაბარება მოუწევთ აბიტურიენტებს, მაშინ როდესაც წელს 4 სავალდებულო საგნის ჩაბარებაა  აუცილებელი, შარშან კი არც მეტი, არც ნაკლები 3 იყო.

აბიტურიენტი გოგონა

პირველი რაც გავიფიქრე იყო, აი სად გავასწარი მეთქი, მეორე – საწყალი აბიტურიენტები თქო, მესამე კი, ნუ მესამეს ალბათ ყველანი ხვდებით :D . ეს რეფორმა 2011 წლიდან ამოქმედდება და მასზე ექსპერტები უკვე მუშაობენ.

მოდით ვეცადოთ ზედმეტი გინებისა და ლანძღვის გარეშე ობიექტურად შევაფასოთ სიტუაცია. ჩვენი განათლების სამინისტრო ბოლო წლებია აქტიურად ცვლის სასწავლო რეფორმებს. დამეთანხმებით, რომ უმეტესობა მათგანი მოსახლეობის (მოსწავლეებისა და მასწავლებლების) მიერაა დაწუნებული.  განაგრძე კითხვა →

თარიღი: 13 January, 2010 • კატეგორია: თბილისი • 43 კომენტარი • ტეგები: , , , , , , ,

ეს უნდა იკითხოს ჩვენმა მომავალმა თაობამ?

დღეს მქონდა ბედნიერება გავცნობოდი საბავშვო ლიტერატურის ნამდვილ ზეიმს. ხელთ ჩამივარდა ბაკურ სულაკაურის გამომცემლობის ერთ-ერთი საბავშვო სახელმძღვანელო სახელად “პრინცესები“.

წიგნი: პრინცესები

არ დაგიმალავთ და ყდამ ძალზედ მომხიბლა, ვიფიქრე სად იყო ჩემს დროს ასეთ ყდიანი წიგნები თქო და გადავშალე. მასში ლამაზად იყო ჩაწყობილი 12 ცალი პატარა ზომის ბლოკნოტის მაგვარი წიგნი, სადაც 12 სხვადასხვა ისტორია ეწერა პრინცესების შესახებ. გადავწყვიტე ინტერესის გრძნობა მომეკლა და წამეკითხა ისინი, თითოს წაკითხვას წუთიც კი არ მოვანდომე. წარმოგიდგენთ მათ: განაგრძე კითხვა →

თარიღი: 12 January, 2010 • კატეგორია: საზოგადოება • 28 კომენტარი • ტეგები: ,

Let Me Google That For You

ალბათ ყველას გყავთ ისეთი ნაცნობი, ვინც ამა თუ იმ ფილმის, სიმღერის ან სხვა რაიმე მედია ფაილის მოძებნას გთხოვთ ინტერნეტში, თვითონ კი არ იციან, ეს როგორ ქნან. ჩემს გარშემო ასეთი უამრავი მაგალითის მოყვანა შემიძლია.

I will use Google before ask dumb questions.

უკვე ყელში მაქვს ხოლმე ამოსული თხოვნები წიპა, “ლად აუ ეს სიმღერა მინდა რა”, “აუ ის ფილმი არ იცი სად ვნახო და რამე?”, არადა გუგლში მოძიებაზე ხომ ადვილი არაფერია? უბრალოდ შედიხარ საიტზე, წერ იმას რაც გინდა, და დანარჩენს უკვე გუგლი შვრება.

მაგრამ არა, არიან ასეთი უცოდინარები და ჯიუტებიც. სწორედ მათთვის შეიქმნა საიტი Let Me Google That For You.

სერვისის მიზანია “ვასწავლოთ” ისეთ მომხმარებლებს გუგლის გამოყენება, რომლებმაც ეს არ იციან ან უბრალოდ ყველაფრის მზა-მზარეულზე მირთმევას არიან მიჩვეულნი. განაგრძე კითხვა →

თარიღი: 12 January, 2010 • კატეგორია: სოციალური მედია • 21 კომენტარი • ტეგები: ,

“ბლოგის შესახებ” და სხვანი…

ალბათ უკვე შეამჩნევდით, რომ გვერდი – ბლოგის შესახებ, უკვე დიდი ხანია რაც გამოქვეყნებულია, მაგრამ შიგ ინფორმაცია სულ არ ეწერა არც ავტორის, არც ბლოგის შესახებ.

ცვლილებები ბლოგზე

დღეს ეს პრობლემა გადავჭერი და შევავსე ბლოგის ეს გვერდი საჭირო ინფორმაციით. თქვენ შეგიძლიათ გადახედოთ ამ გვერდს და მიიღოთ შესაბამისი ინფორმაცია. ვინაიდან და რადგანაც, გვერდებზე კომენტარები გათიშული მაქვს, თქვენ შეგიძლიათ ამ პოსტის ბოლოში გამოთქვათ აზრი, გამოქვეყნებულ მასალასთან დაკავშირებით.

ასევე განვაახლე კონტაქტის გვერდიც, უფრო სწორად ჩავამატე საკონტაქტო ფორმა, რომლის მეშვოებითაც შეგიძლიათ მომწეროთ წერილები.

არც ქართველი ბლოგერების გვერდი დამვიწყებია, და გადავწყვიტე იქაც ჩამემატებინა ფორმა, რომლის მეშვოეიბთაც თქვენვე შეძლებდით ბლოგის დამატებას.

ჩემი ცვლილებები ბლოგზე ჯერ-ჯერობით ამით ამოვწურე, ველი თქვენს მოსაზრებებს : )

თარიღი: 10 January, 2010 • კატეგორია: ვორდპრესი • 12 კომენტარი • ტეგები:
ახალი პოსტები
ძველი პოსტები