შემოდგომა ჩემთვის უდაოდ კარგად დაიწყო, იმის გათვალისწინებით, რომ მთელი სექტემბრის მანძილზე რუსთავში მართვის მოწმობის ასაღებად დავრბოდი, ხოლო წუხელ კი, 1 ოქტომბერს, დიდი ხნის (უფრო სწორად კი 5 სამუშაო დღის) მოლოდინში მყოფი SMS მივიღე, რომ ჩემი მართვის მოწმობა დაიბეჭდა და მის ასაღებად კონკრეტულ მისამართზე უნდა მივსულიყავი.
ამის შესახებ ბლოგზე დაწერას სულაც არ ვაპირებდი, სანამ ჩემმა რამდენიმე მეგობარმა არ მთხოვა, რომ ეს გამაკეთებინა. ამისკენ ცოტათი უტვინოს პოსტმაც – განაღდებული მართვის მოწმობა – მიბიძგა.
ახლა კი დავუბრუნდეთ მთავარ საკითხს, თუ როგორ ავიღოთ მართვის მოწმობა? ამისათვის საჭიროა ორი გამოცდის ჩაბარება, ერთი თეორიულის, რომელიც 30 სხვადასხვა საკითხისგან შედგება და მეორე – პრაქტიკულის, რომელიც 6 საკითხისგან შედგება.
გამოცდაზე დასაშვებად საჭიროა იქონიოთ:
ცნობა ჯანმრთელობის შესახებ, ანუ ფორმა 100, იგივე „ფსიქო“, რომელსაც ნებისმიერ სამედიცინო დაწესებულებაში (პოლიკლინიკა, საავადმყოფო და ა.შ.) მოგცემ გარკვეული შემოწმების ჩატარების შემდეგ და მისი ფასი საშუალოდ 25-40 ლარამდე ღირს. პირადობის მოწმობა და ბანკში გადახდილი თანხის ქვითარი.
ბანკში თანხის გადახდა შეგიძლიათ იქვე, მომსახურების სააგენტოში, „ლიბერთი ბანკის“ ფილიალში. თუ თქვენ პირველად გადიხართ გამოცდაზე, თქვენ დაგჭირდებათ „მართვის მოწმობის გაცემისა“ და „მართვის უფლების მისაღებად გამოცდაზე დაშვების“ საფასურის გადახდა, რაც ჯამში 57 ლარს შეადგენს (მართვის მოწმობის გაცემა – 15 ლარი, მართვის მოწმობის მისაღებად გამოცდაზე დაშვება – 40 ლარი და საკომისიო – 1-1 ლარი). ფასების შესახებ დეტალურად ინფორმაციის მიღება შეგიძლიათ მომსახურების სააგენტოს ოფიციალურ საიტზე.
ახლა ჩვენ უკვე ვიცით რა გვჭირდება გამოცდაზე გასასვლელად, თუმცა არ ვიცით ის, თუ როგორ მოვხდეთ დანიშნულ ადგილას.
რუსთავის გზატკეცილზე, მომსახურების სააგენტოში მოსახვედრად არსებობს რამდენიმე ხერხი:
- იმგზავროთ #117 ავტობუსით, რომელიც ბარათაშვილის ხიდადან პირდპირ დანიშნულ ადგილას მიემართება (მისი მარშრუტი შეგიძლიათ იხილოთ აქ ).
- მიხვიდეთ ვაგზლის მოედანზე და იქიდან გაემგზავროთ სამარშრუტო ტაქსით, იგივე „მარშურტკით“, რომელსაც „რუსთავი“ აწერია.
- სთხოვოთ თქვენს მშობელს ან უფროს პიროვნებას, რომელსაც ავტომობილიც ჰყავს და მართვის მოწმობაც გააჩნია, რომ მიგიყვანოთ კონკრეტულ ადგილას.
- ან გაემგზავროთ ავტოსტოპით.
ზემოჩამოთვლილთაგან ყველაზე სწრაფი და იაფი საშუალება მეორე ვარიანტია – მიხვიდეთ ვაგზლის მოედანზე და იქიდან გაემგზავროთ „მარშურტკით“, რომლის საფასურიც 1 ლარია და დაახლოებით 40-50 წუთში უკვე ადგილზე იქნებით.
გზის პრობლემაც მოვაგვარეთ, ახლა საკითხების სწავლას შევუდგეთ. არის ორი ვარიანტი, მიაკითხოთ რომელიმე ავტოსკოლას და გადაიხადოთ კონკრეტული თანხა კონკრეტული საათების მიხედვით, ან ისწავლოთ თქვენით.
ორივეს გააჩნია, როგორც დადებითი, ასევე უარყოფითი მხარეები. თუ თქვენ ავტოსკოლაში მისვლას გადაწყვეტთ, მაშინ გეცოდინებათ, რომ თქვენ გამოცდილი ინსტრუქტორები შეგასწავლიან მართვის მოწმობის თეორიასა და პრაქტიკას, ხოლო თუ თქვენ სახლში სწავლას ამჯობინებთ, გეცოდიენებათ რომ რამდენიმე ათეული, ან შესაძლოა ასეული ლარის ეკონომიაც გააკეთეთ. ეს ყველაფერი დამოკიდებულია მხოლოდ და მხოლოდ თქვენზე.
თუ თქვენ თეორიული ნაწილის სახლში შესწავლა გადაწყვიტეთ, მაშინ გირჩევდით, რომ ჯერ საგზაო ნიშნები, შუქნიშნის სიგნალები და საგზაო მონიშვნები ისწავლოთ. ამის შემდეგ გადახვიდეთ უშუალოდ ბილეთების შესწავლაზე, რომელიც კატეგორიების მიხედვითაა დალაგებული. სწორედ ეს ბილეთები შეგხვდებათ და არა მსგავსები, იქ, გამოცდაზე. ამის შემდეგ შეგიძლიათ ტესტირებაშიც ივარჯიშოთ.
ტესტი შედგება 30 სხვადასხვა საკითხისგან და მის ჩასაბარებლად გეძლევათ 30 წუთი. თქვენ ამ ხნის განმავლობაში შეგეძლებათ გამოტოვოთ რომელიმე კონკრეტული შეკითხვა, რომელშიც ეჭვი გეპარებათ, უპასუხოთ შემდეგ შეკითხვას და ამას მოუბრინდეთ მოგვიანებით. თქვენ გაქვთ 3 შეცდომის დაშვების უფლება, 4-ე დაშვებულ შეცდომაზე გამოცდა ჩაუბარებლად ითვლება.
თეორიული ნაწილიც უკვე შესწავლილია, ახლა საჭიროა პრაქტიკის სწავლა, ვის მივაკითხო? ვინ არის კარგი ინსტრუქტორი და ვისთან უფრო იაფი ღირს?
ფასები თითქმის ყველგან ერთნაირია. Opel Astra-ზე და სხვა ტიპის მარკებზე 1 საათი – 20 ლარი ღირს, 45 წუთი – 15 ლარი. Skoda Fabia-ზე კი 1 საათი 25 ლარი, ხოლო 45 წუთი – 20 ლარი. სწორედ ამ უკანასკნელი ავტომობილით ხდება პრაქტიკული გამოცდის ჩაბარება.
თუ რა საკითხები უნდა ჩააბაროთ პრაქტიკულ გამოცდაზე, შეგიძლიათ იხილოთ სააგენტოს საიტზე. ესენია:
- უკუსვლა (ნიმუშის ნახვა)
- ზიგ-ზაგი (ნიმუშის ნახვა)
- ეზოში მოხვევა (ნიმუშის ნახვა)
- რვიანი (ნიმუშის ნახვა)
- აღმართის დაძლევა (ნიმუშის ნახვა)
- პარკირება (ნიმუშის ნახვა)
ამ 6 საკითხს ინსტრუქტორები ავტოსკოლაში შეგასწავლიან, თუმცა ამათ გარდა გამოცდაზე დაგვხდებათ შუქნიშანი და ლიანდაგი. შუქნიშნის წითელ და ყვითელ ფერებზე გასვლა აკრძალულია და ამ დროს უნდა გაჩერედეთ, მოძრაობის უფლება გექნებათ მხოლოდ მწვანე ფერზე, ხოლო ლიანდაგის გავლის წინ უნდა შეანელოთ მოძრაობა, მაგრამ არ გაჩერდეთ და გაიხედოთ ორივე მხარეს, რათა დარწმუნდეთ, რომ მატარებელი არ გიახლოვდებათ და მხოლოდ ამის შემდეგ უნდა გაიაროთ ლიანდაგი. ამ პირობების არშესრულების შემთხვევაში თქვენ მართვის მოწმობას არ გადმოგცემენ.
მოკლედ, კიდევ ერთხელ ჩამოვყალიბდეთ. თეორია ნასწავლი გვაქვს, პრაქტიკაც და ავტომობილს თვალდახუჭული ვატარებთ, „ფსიქოც“ აღებული გვაქვს და პირადობაც ჯიბეში ან საფულეში გვიდევს.
მივდივართ ვაგზლის მოედანზე და ველოდებით რუსთავის „მარშუტკის“ შევსებას და გასვლას, დაახლოებით 1 საათში უკვე ადგილზე ვართ და ვიხდით 57 ლარს „ლიბერთი ბანკში“, შემდეგ მივდივართ იქვე მჯდომ გოგონებთან და ვეუბნებით, რომ ვართ გამოცდაზე, ვაძლევთ გადახდით ქვითარს, პირადობის მოწმობას და ჯანმრთელობის ცნობას. ვჯდებით სკამზე და გვიღებენ სურათს მართვის მოწმობისთვის, შემდეგ ვაწერთ ელ.ვერსიით ხელს და შევდივართ თეორიული გამოცდის ოთახში, ვჯდებით კომპიუტერთან და არ გვიკვირს რომ კლავიატურა და მაუსი არ არის, რადგან ეკრანი სენსორულია და ბილეთებზე პასუხის გაცემა და შემდეგ კითხვაზე გადასვლა ხდება ეკრანზე თითის დაჭერით. მინიმუმ 27 სწორი პასუხის გაცემის შემთხვევაში ჩვენ გახარებული გამოვდივართ ოთახიდან და მივდივართ პირდაპირ პრაქტიკულ გამოცდაზე, ჩამბარებელს ვაძლევთ ჩვენს პირადობის მოწმობას და ველით ჩვენს რიგს.
ჩვენი რიგის მოსვლის შემთხვევაში ვჯდებით ავტომობილის საჭესთან და აუღელვებლად ვიხსენებთ ყველა იმ რჩევას, რომელიც ჩვენმა ინსტურქტორებმა გვასწავლეს. ბოლო საკითხის წარმატებით გავლის შემდეგ ვაჩერებთ ავტომობილს, ჩამბარებელი გვეუბნება რომ გამოცდა წარამტებით ჩავაბარეთ და მოწმობის ასაღებად 5 სამუშაო დღეში უნდა მივაკითხოთ მომსახურების სააგენტოს, რომელიც ქავთარაძის 5ა-ში მდებარეობს. ვიბარებთ საკუთარ მართვის მოწმობას, ვაწერთ ამის შესახებ ხელს და გვიხარია ცხოვრება.
ყველაზე ზემოჩამოთვლილი რჩევა განკუთვნილი იყო B კატეგორიის მართვის მოწმობის ასაღებად, რომლის ქონის შემთხვევაშიც თქვენ შეგეძლებათ მართოთ 3,5 ტონაზე ნაკლები მსუბუქი ავტომობილი, რომელსაც მაქსიმუმ 8 დასაჯდომი ადგილი აქვს, მძღოლის ჩათვლით.
საჭირო ბმულები
- საგზაო ნიშნები
- შუქნიშნის სიგნალები
- საგზაო მონიშვნა
- ბილეთები კატერიების მიხედვით
- თეორიული გამოცდის ტესტი
- პრაქტიკული გამოცდის ნიმუშები
- სერვისის ტარიფები
- ავტოსკოლების მისამართები
- თეორიული კურსის ვიდეო-გაკვეთილები
მემგონი არაფერი გამომრჩა და იმედი მაქვს ყველაფერი სწორად გაიგეთ. შეკითხვების დასმა შეგიძლიათ კომენტარის სახით, გისურვებთ წარმატებებს : )
მეც ეხლახანს ავიღე, ორშაბათს და მართლა მიხარია ცხოვრება.
კარგი სტატიაა
სამარშრუტოებისთვის ყველაზე მოხერხებული ადგილი არის სპორტის სასახლე – იქიდანაც გადიან რეგულარულად
p.s. თეორია თვითონ ისწავლე?
კი, თეორია ჩემით ვისწავლე : )
და მართალი ხარ, უბრალოდ მაგათი ბოლო გაჩერების ადგილი არ მახსოვდა და არ მივაწერე : D
მოგვიანებით ჩავასწორებ : )
შენით ჩაუჯექი თუ ვინმე გეხმარებოდა? და რა მაინტერესებს საიდან მეცადინეობდი ციგნიდან თუ საიტიებიდან. მეც მინდა პრავის აღება და მირჩიე როგორ მოვიქცე
ჩემით ვისწავლე prava.drive.ge-დან და სააგენტოს საიტიდან : )
გაიხარე მეც ეგრე მოვიქცევი
რუსთავში “მარშუტკები” სპორტის სასახლიდანაც გადიან. მგზავრობა ლარი ღირს
პ.ს გილოცავ!
[...] This post was mentioned on Twitter by Erekle Antadze and Sweet, Lado Lomidze. Lado Lomidze said: როგორ ავიღოთ მართვის მოწმობა? http://goo.gl/fb/rpiyU [...]
117 გააუქმეს : (((
დავამატებდი მხოლოდ იმას, რომ აუცილებლოად მიაქციეთ ყურადღება სდექ ხაზებს და ასევე. სადგომი მუხრუჭს, სარკეებს, სკამს და სიჩქარის კოლოფის მდგომარეობას დაძვრის წინ და გაჩერების შემდეგ ; )))
კი, ეგეც საჭირო ინფორმაციაა და იმედი მაქვს ჩვენს მომავალ მძღოლებს ამის შესახებ ინსტრუქტორების გააფრთხილებენ : )
როცა გააჩერებ ბოლოს (რა კარგად ჟღერს) პირველ სიჩქარეში ტოვებთ?
გილოცავ!
მეც მალე ვაპირებ გასვლას 
ერთი კითხვა მაქვს – ფსიქო საჭირო აღარ არისო. ამბობენ, რომ ტესტირება, რომელსაც მის ნაცვლად აბარებენ, იოლია. ხომ არ დაწერდი ამაზე? რაც იცი – როგორ ხდება..
პოსტისთვის მადლობა. მეშინია გასვლა და ყველა რჩევა მნიშვნელოვანია…
ვერ გეტყვი იცი? მე ფსიქო 3 კვირის წინ მივიტანე და მას შემდეგ თუ შეიცვალე რამე, არამგონია : )
ასე რომ სჯობს მომსახურების სააგენტოში დარეკო და გაარკვიო : )
კარგი, დავრეკავ
დიდი მადლობა პრაქტიკული რცევებისთვის, ისედაც ვაპირებდი შენთვსი მეკითხა და რა კარგი ჰქმენ რომ აქ დადე ^^
პ.ს. 117 ააღარ დადის
აუ შენ გაიხარე, როგორც ახლა მე გამახარე ამ პოსტით.
თუ კი რამე სრულყოფილი პოსტი შეიძლებოდა ბლოგზე წამეკითხა, ესაა.
ძალიან მომეწონა ასე ჩამოყალიბებულად რომ დაწერე თითოეული მნიშვნელოვანი პუნქტი.
ამ პოსტს კიდევ არაერთხელ გადავიკითხავ.
პ.ს. აღსანიშნავია, რომ ობიექტური პოსტია. ანუ არ შეიცავს ისეთ ფრაზებს, როგორიცაა “მე მაგრად ჩავაბარე”, “მე ყველაზე მაგრად გავატარე 8-იანში” და სხვ.
კიდევ ერთხელ დიდი მადლობა.
რჩევების დამატებაც მინდოდა “პირადი გამოცდილებიდან”, თუმცა რაღაც სუბიექტრუი გამოვიდოდა და მგონი სჯობს დარჩეს ასე : )
დაე, თვითონ გადაწყვიტონ რა და როგორ მოიქცნენ : )
რა უცნაურად კარგი პოსტი იყო : ) და დასასრული იყო ძერსკი : )
თეორიული გამოცდა ვერ ჩავაბარე, რადგან არ მისწავლია და არ მიმეცადინებია ნორმალურად.
ეს ფაქტი გამიხარდა, რადგან დავრწმუნდი , რომ საქართVელოშI ვეღარავინ აიღებს მართვის მოწმობას უსწავლელად.
რაც შეეხება ფსიქოს, იქვე კეთდება. კომპიუტერში სანამ თეორიული გამოცდის პროგრამა ჩაირთვება , მანამდე 3 შეკითხვაა არეული ფიგურების შესახებ.
“ჰედერი”
აჭარასთან უფრო “ძერსკი” მარშუტკები დგანან, “ვაგზლის” მგზავრებსაც ჯობია ))
ფასიც იგივეა და მანქანებიც უფრო მოვლილებია, არც ზედმეტ კაცს სვამენ და კონდიცირებაც აქვთ, განსხვავებით ვაგზლის სამარშუტო ტაქსებისგან .
ვიდეოს გადმოსაწერი ლინკიც რომ დაგედო კარგი იქნებოდა
http://files.ge/file/494185/teoria-rar.html
აი და აი
http://files.ge/file/494205/Biletis-Gashifrva-rar.html
გაიხარე ჯიგარი ხარ !
პრინციპში ბოლო ერთი კვირის განმავლობაში თითქმის ყველაფერი გკითხე მარშუტის გარდა.. = ))
მაგრამ,მაინც სიამოვნებით წავიკითხე ეს პოსტი და რაც შეეხება ფქიქოს keti … როგორც მე მიტხრეს შეგიძლია არ აიღო და იქვე რაღაც ტესტის საფუძველზე “იოლად” გაძვრე,მაგრამ ხშირ შემთხვევაში მაინც ფსიქოზე აბრუნებენ ხოლმე უკან და ნამდვილად ვერ აიტანს ჩემი ნერვული სისტემა გამოცდისთვის მომზადებული სადმე პოლიკლინიკას რომ დავუწყო ძებნა. ასე რომ სჯობს ფსიქო ქონდეს
სხვათაშორის ფსიქოს გაკეთებას ინსტრუქტორების შემოგთავაზებენ 20 ლარად : )
არანაირი სამედიცინო შემოწმების გავლა არ გჭირდება და მეორე დღეს მოგიტანენ რა : )
დღეს გავიგე,რომ ფსიქო აღარ არის საჭირო.არც ერთი პოლიკლინიკა და სამედიცინო დაწესებულება აღარ გასცემს. იქ მისულს შეგამოწმებენ ფერებზე (დალტონიზმზე) და ეგ იქნება.
ამას მე ვერასდროს ვისწავლიი!!!
(((
არასოდეს არ თქვა არასოდეს/ვერასოდეს )
შეუძლებელია არაფერია)
sagol umagresia
შესანიშნავი პოსტი!
ჯერ კიდევ ასაღები მაქვს ..
როდის მოვა ის დრო რომ ავიღეეეებ . .
აუ, მე მაქვს ახლა ასაღები და სწავლა მეზარება…
(
თეორიაში სულ რამდენი ბილეთია სასწავლი?
დაახლოებით 1 000 : )
თუმცა აქედან ძალიან ბერი შეკითხვა მეორედება, შებრუნებულია კითხვები და ა.შ. )
კარგი პოსტია
სიზარმაცის დაძლევა და მართვის მოწმობის მიღება უტოლდება ერთმანეთსო 
ყველაზე კარგი რჩევა -”შევდივართ თეორიული გამოცდის ოთახში, ვჯდებით კომპიუტერთან და არ გვიკვირს რომ კლავიატურა და მაუსი არ არის……”
ისე, ინსტრუქტორმა მომავალ კვირას გაგიყვანო და იმედია მეც გამიხარდება მერე ცხოვრება (ინლოვე)
ცოტა გვიან მომივიდა პასუხი და უკვე რამოდენიმე კვირაა ცხოვრება მიხარია!
ძალიან მაგარი პოსტია გაიხარე განსკუთრებით ვიდეოები მომეწონა მაგრად მინდა ჩემით ვისწავლო და ძალიან დამეხმარება. ეჰ როდის გავხდები 18-ის
დადგა დრო, ეს პოსტი თავიდან და გულდასმით გადავიკითხო ))
დაახლოებით სამი კვირის წინ ავიღე. მეც შენსავით მომიწია ერთი თვე სირბილი და როცა როგორც იქნა ჩავაბარე და ერთი კვირის შემდეგ გავემართე რუსთავში კუთვნილი მართვის მოწმობის წამოსაღებად, ასე განმიცხადეს რომ ჩვენ შენი პრავა არა გვაქვსოო. მესიჯი უნდა მოგსვლოდა რომ ქავთარაძეზეა მაგრამ ალბათ ტექნიკური სეფერხება იყოო. ხოდა ასე მაბოდიალეს იმხელა გზაზე ტყუილად
))
მაინტერესებს, თეორიული გამოცდის ჩასაბარებლად პირდაპირ რუსთავში უნდა წავიდე? და ფსიქოს აღება აქ, თბილისში აღარ არის მართა საჭირო? ანუ იქ ყველაფერი ერთად ბარდება? ან თუ აქ ფსიქო ავიღე, იქ დალტონიზმზე აღარ შემამოწმებენ? და კიდევ კარგი პრაქტიკის პედაგოგი ვინ იცით გლდანში? იქნებ დამეხმაროთ? ახალ წლამდე მინდა გასვლა გამოცდაზე. თეორია ვიცი, მაგრამ სანამ პრაქტიკას არ ვისწავლი არ გავიდვარ, რა აზრი აქვს..
კი, თეორიული და პრაქტიკული გამოცდისათვის აუცილებლად რუსთავში უნდა წახვიდე…
ფსიქოს თუ არ აიღებ, მოგიწევს ფერების ტესტის გავლა, თუ აიღებ ფსიქოს, მაშინ აღარ იქნება ამის გაკეთება საჭირო…
რაც შეეხება ინსტრუქტორს, ყველას და მათ შორის შენც გირჩევ მიხვიდე დათოსთან..
http://www.drive.ge/index.php?m=302 ტელეფონის ნომერი წერია აქ…
გლდანშია, პოლიციის აკადემიასთან : )
ძალიან დავინტერესდი დათო ვინაა .როგორც ვხვდები,გამოცდის ჩასაბარებლად მასთან კონსულტაციები,ანუ მეცადინეებები შედეგიანია.თუ ასეა, სად სეიძლება ამ ადამიანის ნახვა?
დათოს ნომერი წინა კომენტარში არსებულ ლინკზე წერია : )
ძაან მაგარი ბლოგია ძაან დამეხმარება
გამოცდაზე მანქანაში გადაცემათა კოლოფი ავტომატია თუ მექანიკა?
отели австрия
magari blogia. MEQANIKAA.
დღეს ავიღე ფსიქო და იმედია ჩავაბარებ
ვაიმე, მართვის მოწმობა ჩემი ტკივილია,რამდენი ხანია მინდა გავიდე გამოცდაზე, და რაღაც სულ მაფერხებს, რამდენჯერ ვისწავლე ბილეთები და მერე დავივიწყე.
კიდევ კარგი ამ პოსტს გადავაწყდი,გამახსენდა, რომ მეც ასაგები მაწვს მართვის მოწმობა.არადა მანქანაზე 1 წელია არ დავმჯდარვარ, უჟას
შსს-ს მომსახურების სააგენტო ხომ არ იცით რომელ საათამდე მუშაობს? დილით ვიცი, რომ 09:30-ზე იწყებენ.
17 საათამდე წესით.. მაქსიმუმ 17:30 ან 18
ძალიან დიდი მადლობა : )))
მე ვაპირებ ჩაბარებას როგორც კი 18 ის გავხდები ))
თეორიის გამოცდა ადვილად ჩავაბარე. პრაკტიკისაზე კი ჩავიჭერი. მექანიკის ტარება არ ვიცი და ჩიხიდან გამოსვლისას ჩამიქრა, არა და არაფერს ვედებოდი. ესე მგონია რამდენჯერაც არ უნდა ვცადო მაინც ჩავიჭრები. დგესაც ვინ იყვნენ ძალიან ბევრი ჩაიჭრა 10 კაციდან მარტო ერთი აბარაბს პრაკტიკას. თითქმის ყველა ჩიხში ედება ბოძს.
გაუმარჯოოოს მართლა საინტერესო სტატიაა. საგოოოოლ
და რა მაინტერესებს ტელეფონზე როგორ მოგივიდა სმს, რომ შენ პრავა აიგეეე? სამშაბათს დამიბარეს ასაგებად მრავის და ნეტავ თუ იცი მუშაობეეენ? … წინასწარ დიდი მადლობა პასუიხსტვის 
გილოცავ მართვის მოწმობის აღებას…:)))) იცი რა მაინტერესებს,რვიანში შესვლის დროს როგორ ატარებდით კონუსის გამოყენებით თუ კონუსის გარეშე????? წინა კვირას კონუსის გარეშე შევედი რვიანში და საჭე აშკარად გამექცაა….:(
თეო, შკოდებს აქვთ აუტოგაზი, ანუ, როდესაც პირველ სიჩქარეში იქნება მანქანა, შეგიძლია გაზისა და კონუსის პედლებიდან ფეხი აიღო და ისე იარო…
ანუ, რვიანში შესვლისას და საერთოდ მთლიანი გამოცდის ჩაბარების დროსაც, შენ შეგიძლია გამოიყენო მხოლოდ კონუსი სიჩქარის დასარეგულირებლად, იქ გაზი საერთოდ არ გჭირდება…
კონუსზე მაგრა დაჭერით სიჩქარეს შეანელებ, ფეხის ნელ-ნელა აღებით კი, გაზრდი…
ამიტომაც რვიანში კონუსით არეგულირე სიჩქარე, თუ ხედავ, რომ რული გექცევა, ოდნავ დააჭირე ფეხი და ამით სიჩქარეს შეანელებ..
თუმცა რა სიჩქარითაც არ უნდა იარო მანდ, თუ საჭე ბოლომდე არ გექნება გადატრიალებული, მაშინ კონუსზე ფეხის დაჭერას აზრი არ ააქვს, რადგან იქ გაჩერების უფლება არ გაქვს.. : )
გისურვებ წარმატებებს : )
დიდი მადლობააა…დღეს ჩავაბარეეეეეე…)))
სასარგებლო ინფორმაციისთვის მადლობა:)
ნეტა 16 წელზე იყოს მართვის მოწმობა
ხო არ იცი 17 წლიდან შეიძლება მართვის მოწმობის აღება???
რუსთავში გასამგზავრებლად, სადგურის მოედანზე წასვლა აუცილებელი არაა: თბილისის თითქმის ნებისმიერი უბნიდან შეგიძლიათ რუსთაის სამარშრუტოთი გაემზავროთ (სადგურის მოედანი, ისანი, ვაკე, საბურათალო, ვარკეთილი, დიდუბე, გლდანი…). ასე რომ, ნუ აბნევთ ხალხს:))
ხო ვერ მეტყვით საიტის მისამარტს სადაც ბილეთებში არ იქნება შეცდომა
ვერ გავიგე ..ნასამართლევი ვინც არის ვერ აიღებს პრავას?..ძმურად მიპასუხეთ
ამ კაცს მიაკითხეთ და ჩატვალე რო პრავა ჯიბეში გაქ იმენნა ძაააან მაგარი მასწავლებელია.
მე ასე ვთვლი ყოველშემთხვევისტვის და პრავაც ჯიბეში მაქ უკვე
ილო წერტილი ჯი ავტოსკოლა ვითი 555 711 712
გამარჯობათ , ვინმემ არ იცის ესპანური პრავა მაქ და თუ მომცემენ ქართულსაც? ესპანეთში ავიგე აქ ვარ ჯერჯერობით და მერე როცა ჩამოვალ მაინტერესებს ტუ შეიდზლება ქარტულის აგებაც უგამოცდოთ, მადლობა .
ხომ არ იცით მართვის მოწმობაზე პირველი ტესტი ვერ გავიარე ფერებზე და ჩავიჭერი. გამეორებით როდის შემიძლია რომ გავიდე? ძალიან მაინტერესებს თუ იცით. მადლობა
After study a few of the blog posts on your website now, and I truly like your way of blogging. I bookmarked it to my bookmark website list and will be checking back soon. Pls check out my web site as well and let me know what you think.
მაგარია . გაიხარეთ ყველამ ვინც რჩევა მოგვეცით ახალბედებს !!!
მე უნდა გავსულივიყავი ვისწავლე მაგრამ მიტხრეს 1 წელიწადში მოდიო მაგარი გამიტყდა რა:(
მე 17 წლის ვარ და უპრობლემოდ ავიღე დღეს მართვის მოწმობა. ფსიქო დარჩა სულ 3 კითხვაა სურათებია და უნდა გამოარჩიო ფიგურა ძალიან მარტივია თუ ვერ გაცემთ დამატებითი თანხის გადახდა მოგიწევთ. მიახლოებით 30 ლარის ოდენობის სახით. მართლა მნიშვნელოვანია მანქანის კარობკა და ხელის ტორმუზი. მე მაგალითად 7 მანქანა შემხვდა და ჩემს უკან 1 მა ბიჭმა მითხრა რომ ამ მანქანას ხელის ტორმუზი ცუდად უმუშავებს და ამან ჩამჭრა 1 კვირის წინო და ცოტა კარგად ამოწიეო. ალბათ თქვენც გამოგადგებათ 7 ნომერი იყო
)))
composed by sbsbsb0416 A lot of thanks for your own work on this web site. My daughter really likes working on research and it’s easy to see why. We all notice all concerning the dynamic mode you present invaluable solutions via the web site and as well as invigorate response from visitors about this area then our favorite child is starting to learn a lot of things. Take advantage of the remaining portion of the year. Your performing a terrific job.
გუშინ ჩავაბარე თეორიაში 30 კიტხვას გავეცი პასუხი, პრაქტიკაზე ქულა არ დამკლებია ისე ჩავაბარე ძაან მარტივი ყოფილა პრაქტიკული გამოცდა, უბრალოდ იქ ვინც იჭრება იმას ყური არ დაუგდოთ თორე დაგაიზმენებ და მერე შეილება თქვენც ჩაიჭრათ:)
მეც ავიღე წინა კვირას,თან პირველივეზე ჩავაბარე და საერთოდ არ გამხარებია..:(( ჩაჭრა მერჩივნა..:(( ასაღებად რომ მივედი და იქ ხალხს ვუყურებდი რიგში,რომ იდგნენ ისე მომინდა მეც გასვლაა:( ხოდა ახლა დ კატეგორიაზე ვვარჯიშობ..რა ჯანდაბად მინდა:ს
აუ მე მოვრჯი ავტო სკოლაჰი სიარულს და ეხლა გამოცდაზე ვარ ცასასვლელი მაგრად ვნერვულობ ,რა იკნება არ ვიცი.
მართალია რომ ბილეთები ემატება კიდევ?ძალიან მაინტერესებს გთხოვტ პასუხი მომწეროოთ..
17 წლის ვარ და სკოლაში ცნობას რომ მომცემენ ეგრევე შემიძლია გასვლა,თუ ჯერ ის ცნობა ავტოსკოლაში უნდა მივიტანო ?
გავიგე მართვის მოწმობის აღება 15ლარი გახადეს სტუდენტებისთვის და რამდენად მართალია? ანუ 57 ლარის მაგივრად 15ლარი გახდა. და კიდე მაინტერესებს შაბათს ან კვირას თუ შემიძლია გამოცდაზე გასვლა ? (ოღონდ თეორიაც და პრაქტიკაც რო ერთ დღეს ჩავაბარო) და კიდევ თბილისში ვერ ჩავაბარებ თუ მაინც და მაინც რუსთავში უნდა წავიდე? გთხოვთ ამ კითხვებზე გამეცით პასუხი. წინასწარ გიხდით უღრმეს მადლობას
მოგესალმებით ყველას, გისურვებთ წარმატებებს. თეორია ჩემით ვიმეცადინე, 2 კვირაში უშეცდომოდ ვაკეთებდი ტესტებსაც. პრაკტიკაზე მივედი კანდელაკის 67 ნომერში, ავტოსკოლა “სანდო”-ში, გავიარე 5 გაკვეთილი (გია მასწავლებელთან). ცხოვრებაში არ ვმჯდარვარ საჭესთან , ესეც გასათვალისწინებელი ფაქტია, მაგრამ გია მასწავლებელი საოცრებებს ახდენს
). ფსიხოს ტესტები მაჩვენეს ადგილზე, 2 კვირაში გავედი გამოცდაზე გორში, და ყველას გირჩევთ იქ წასვლას და იქ ჩაბარებას. პირველივე დღეს ავიგე პრავა. 555 -25 – 12- 09 გია მასწავლებელის ნომერი 
) წარმატებებიიიიი…
ავტოსკოლაში ვისწავლე, ასე უფრო ადვილია. მაგრამ მარტო ახსნა არ კმარა, შენი შესაძლებლობების მაქსიმუმი უნდა გააკეთო,რომ გამომგივ იდეს და მალე აიღო მართვის მოწმობა.
) და კიდევ, პრაქტიკის ძაან მაგარი მასწავლებელია იგორი, გაგრინის მოედანთან ავტოსკოლა “რალი” აქაა. მე 5 გაკვეთილში მასწავლა.
)
საკმაოდ ბევრი ვიმეცადინე, თეორია პირველ გასვლაზევე ჩვაბარე;
პრაქტიკა – მეორე გასვლაზე ჩავაბარე, და თან რუსთავში. არაფერი არაა ძნელი, მთავარია კარგად ივარჯიშო, არ დაიბნე იქ და არ დაუჯეროც ჭორებს. /გარეთ ისეთ საოცარ სისულელეებს ლაპარაკობენ გამოცდაზე გამსვლელები? მაგ: სტოპ ხაზთან არ უნდა გაჩერდეო ზიგზაგებთან; გოგოები ამბობდნენ: უკანა პარკირებისას გაზს უნდა დააწვეო, . . მათ არ უნდა დაუჯეროთ
წარმატებებს გისურვებთ
აუ 16 წლისას არ მომცემენ??
ისე მართვა ვიცი და თეორიისთვის რაიმე წიგნი არ იცით?ძნელია კომპიუტერთან ამდენი ხანი ჯდომა…
მაინტერესებს ა კატეგორიის ასაღები ასაკი, რამდეი წლიდან შეიძლება აღება და თუ შეიძლება იქნებ ვინმემ მითხრათ? ზუსტად ვინც იცის.
აუუ მე თეორიას მოვრჩი უბრალოდ ვიმეორებ და ეხლა პრაქტიკას ვიწყებ.. რა მაინტერესებს იციი.. სტუდენტებზე როგორ ხდება რაღაც ფასდაკლებააო და კიდე ვთქვათ პირველ დღეს პრაქტიკაში ჩაიჭერი მერე უფასოდ გასვლის შესაძლებლობა ხო გეძლევა რამდენჯერმეე? თუ არა?
რა გირს მაგ მასწავლებელტან ერტი საატი?
რამდენი წლიდან შეიძლება პრავის აგება???????????????
საინტერესოა, ვითომ გორში რატომ ურჩევენ, ვითომ ადვილია? სულაც არა
4 და 5 გაკვეთილში ნასწავლი მძღოლები მაგარია, ამიტომაც არის ასეთი თბილისში მანქანის მართვა ასეთი ბრძენი მძღოლების გადამდკიდე
ჩაბარების მერე რამდენ დღეში ვიღებთ მოწმობას? და სმს რამდენ დღეში უნდა გამომიგზავნონ