ავატარი, ეს სწორედ ის ფილმია, რომელმაც შეძლო მთელი მსოფლიოს ალაპარაკება. მის გამოსვლას ყველა მოუთმენლად ელოდა, მათ შორის ქართველებიც. დღეს კი სწორედ ამ ფილმის პრემიერა გადიოდა კინოთეატრ “ამირანში”, საიდანაც რამდენიმე საათის წინ დავბრუნდი და ემოციებისგან ჯერ კიდევ არ დავცლილვარ.
ავატარი (პოსტერი)
ამ ფილმის გამო არაერთი ხმაური იყო ატეხილი, თუმცა მის შესახებ არაფერი ვიცოდი, უფრო სწორად კი არ ვიცოდი ავატარი რას ნიშნავდა ამ ფილმის მიხედვით, უბრალოდ მის პუბლიკაციას ველოდი, რომ თავად გამეგო ყველაფერი.
რა არის ავატარი? – მოდით, მეტი გარკვევისთვის ფილმის მნიშვნელოვან ნაწილს მოგიყვებით, რაც მეტ წარმოდგენას შეგიქმნით ამ ყველაფრის შესახებ.
გალაკტიკაში არსებობს ადგილი, შეიძლება ითქვას პლანეტაც, რომელსაც პანდორა ჰქვია. აქ მოიპოვება ძვირფასი ქვა [სამწუხაროდ, სახელი ვეღარ დავიმახსოვრე], რომლის 1 კილოგრამის ფასი დედამიწაზე 20 მილიონ დოლარს უდრის. ამ ქვის მოპოვება არც თუ ისე ადვილი ხდება, რადგან ამ პლანეტაზე ბინადრობენ უჩვეულო არსებები; ადამიანის მაგვარი პიროვნებები, რომლებსაც ნაავიი ჰქვიათ (ორი “ა”-თი და ორი “ი”-თი), მათ ყავთ თავიანთი ღმერთი, ეუვა (რაღაც “ვეიქის” პონტში), ან ჩვენებურად ევა. იგი ფაქტიურად მთელს პანდორას განაგებს, მას ყველა ემორჩილება, ნაავიელებით დაწყებული და უჩვეულო მტაცებლებით დამთავრებული.
ამ ქვის მოსაპოვებლად დედამიწელებს უხდებათ პანდორელებთან შეჭიდება, რაც ადამიანურ ძალებს აღემატება. ამიტომაც მათ შექმნეს ავატარი, რაც ადამიანისა და ნაავიელების დნმ-ის შედეგად შექმნილი არსებაა. ამით ისინი ებრძვიან იქაურ მტაცებლებს რათა შეძლონ ზემოხსნებული ქვის მოპოვება.
ფილმის მთავარი გმირი, ჯეიკი, რომელსაც თავისი გარდაცვლილი ძმის მაგივრად გაიწვევენ ამ მისიაზე, არის ინვალიდი, და ავატართან ურთიერთობის შემდეგ მას კვლავინდებურად შეეძლება სიარული და მეტიც. მისი მოვალეობა გახდება, დასახლდეს ნაავიელების თემში და მოიპოვოს მათზე ინფორმაცია. რაღაც დროის გასვლის შემდეგ იგი საკუთარ თავში დაეჭვდება, თუ ვის მხარეს არის იგი.
ის, თუ როგორ მოიპოვებს ინფორმაციას, როგორ განვითარდება მისი სასიყვარულო ურთიერთობები, როგორ გახდება გმირი თუ მოღალატე, ამის გასაგებად იხილეთ ფილმი.
ეს რაც შეეხებოდა მცირე შინაარს, ახლა კი მის ვიზუალურ მხარეს, ფილმი არის ულამაზესი. როგორც უკვე ზემოთ ავღნიშნე პანდორაზე არაერთი უცნაური ცხოველი ბინადრობს, რომლებიც ძალიან ორიგინალურები, ლამაზები და ამავდროულად საშიშები არიან.
თვით პანდორაც ულამაზესი ადგილია, ჰაერში გამოკიდული მთებითა და კლდიდან მავალი ჩანჩქერებით. იკრანები, რომლებიც იქაური ფრინველები არიან, რაღაცით პტეროზავრებს ჰგვანდნენ. აღარაფერს ვამბობ წმინდა ფრინველებზე, რომლებიც მფრინავ მედუზებს გაგონებენ. ფილმის გრაფიკული მხარის ქება უსასრულოდ შეიძლება, რადგან თითეოული დეტალი ნათლად არის გამოკვეთილი.
შინაარსის შესახებ უკვე ვისაუბრე, გრაფიკაზეც ვთქვი ერთი-ორი სიტყვა, ახლა რაც შეეხება თვითონ მსახიობებს. რომ მცოდნოდა, მიშელ როდრიგესი თამაშობდა, ორმაგი სიხარულითა და ეიფორიით აღსავსე წავიდოდი ფილმის სანახავად. ძალიან მოუხდა მას პილოტი ქალის იმიჯი, რადგან არაერთ ფილმი უთამაშია “კაცური” თვისებების მქონე გოგონას როლი, თუნდაც გავიხსენოთ – ფორსაჟი.
მიშელ როდრიგესი პილოტის როლში (გასადიდებლად დააჭირეთ ფოტოს)
სტეფან ლენგი, რომელმაც პირნათლად შეასრულა მასზე დაკისრებული მისია და ბოროტი გენერლის როლი ითამაშა. პიროვნება, რომელსაც “სახეზე ეტყობა” სამხედრო ძალების მმართველობის პრაქტიკა. მისი მოვალეობა იყო არსებული ჯარისკაცებისთვის სიცოცხლის შენარჩუნება და თავდაცვის უზრუნველყოფა.
სტეფან ლენგი გენერლის როლში (გასადიდებლად დააჭირეთ ფოტოს)
და რაღა თქმა უნდა ფილმის მთავარი გმირი, ჯეიკ სალიი, რომლის როლსაც სემ ვორსინგტონი თამაშობდა. იდეალურად შეეწყო, როგორც ინვალიდი საზღვაო პლოტის მეზღვაურის, ასევე პანდორის ერთგული მაცხოვრებლის როლს. ჯეიკი კარგი ჯაშუშიც გამოდგა, რომელიც არც რომანტიზმში მოიკოჭლებდა.
სემ ვოსტინგტონი მთავარ როლში (გასადიდებლად დააჭირეთ ფოტოს)
3D ეფექტებს რაც შეეხება, ამაზე ცოტა იმედგაცრუებული ვარ, რადგან ერთ-ერთ წინა პოსტში აღფრთოვანებული ვიყავი “საშობაო ზღაპრის” ეფექტებით, აქ კი მათი ნაკლებობა იგრძნობოდა. არ დაგიმალავთ და თავიდან მეგონა, რომ ფილმის უმეტესი ნაწილი ასეთი ეფექტების გამო განუმეორებელი იქნებოდა. სამწუხაროდ შევცდი. დრო და დრო თვალს ვაპარებდი და სტერეო სათვალეს ვიხსნიდი, რათა სხვაობა მეგრძნო, თუმცა დიდი ვერაფენი განსხვავება ვერ ვნახე.
ფილმით სრულიად აღფრთოვანებული ვარ, 2 საათ ნახევარი გაუნძრევლად ვიჯექი, დაძაბული და ინტერესით ველოდი ყოველ მომენტს, თუმცა ეფექტებმა, რომლის ნახვაც სტერეო სათვალის გარეშეც მშვენიერი იქნებოდა, შედარებით გულგატეხილი დამტოვა.
აქვე იხილეთ ფილმის ტრეილერი:
მახსოვს პერიოდი როცა, თაობა ჰარი პოტერზე აფანატებდა, როგორც ერთ-ერთ ყველაზე საინტერესო ფანტასტიკურ ფილმზე, მერწმუნეთ 2010 წელს ხალხი ავატარზე გააფანატებს. ეს ის ფილმია, რომელიც ყველამ უნდა იხილოს და შეაფასოს ჯეიმს კემერონის ეს მორიგი შედევრი. მიყვარს რეალობასთან ახლო ფილმები, მაგრამ მათ “ავატარმა” სრულიად გადაუჯოკრა და ჩემი უსაყვარლესი ფილმების ათეულში საპატიო ადგილიც დაიკავა. დარწმუნებული ვარ ეს ფილმი თქვენი ერთ-ერთი უსაყვარლესი კინო გახდება, თუ უკვე არ გახდა.
მოკლედ, მგონი ძალიან ბევრი მომივიდა, თუმცა ამაზე მოკლედ არ შემეძლო. ჩემი რჩევა იქნება ფილმთან დაკავშირებით, რომ ნახოთ აუცილებლად, არ ააქვს მნიშვნელობა კომპიუტერში გადმოწერთ CAMRip ვერსიას, დაელოდებით DVD ხარისხის გამოსვლას თუ წახვალთ და კინოში ნახავთ 3D ეფექტებით. მთავარია, რომ თქვენ ამ ორ საათ ნახევრის განმავლობაში აღმოჩნდებით ულამაზეს ადგილას, რომლის მაგვარიც დედამიწაზე არსად არაა. მოსწყდით ბნელ რეალობას და გაეშურეთ პანდორის ლამაზ ჯუნგლებში, უყურეთ ფილმს და მიიღეთ სიამოვნება.
პ.ს. სასურველია მცირეწლოვანი ასაკის ბავშვებმა ეს ფილმი არ ნახოთ, რადგან ზოგიერთი მტაცებლის დანახვაზე მათ შესაძლოა შარვალში მოითავონ, რაც დამერწმუნებით, რომ თქვენთვის, მშობელთათვის, არც თუ ისე სასიამოვნო მომენტებია. ასევე ომის და ბრძოლის მომენტი, რაც არაერთი წუთი გრძელდება ფილმის განმავლობაში, შესაძლოა სუსტგულიანებს სულიერი ტრამვაც მიაყენოს. მაგრამ თუ კი რისკიანი ხართ, მაშინ არ დაიშუროთ თანხა ფილმის სანახავად.
ბილეთის ფასები
ბილეთების ფასი შემდეგნაირად მერყეობს:
დილის 11 საათიან სეანზე ბილეთის ფასი შეადგენს 10 ლარს, 14:20 საათზე – 12 ლარს, 17:40 საათზე – 14 ლარს, ხოლო 21 და ღამის 12 საათზე ბილეთის ფასი იქნება 15 ლარი. ( წყარო )
piccolina #
1 month ago
მოყოლა იმით უნდა დაგეწყო, რომ ჯოვანი რიბიზი თამაშობს <3
Landish #
1 month ago
ეგ ვინ არის? :გივი:
Landish #
1 month ago
პ.ს. უნდა ავღნიშნო ის ფაქტიც, რომ ფილმში შიგა და შიგ არის ჩაგდებული იუმორი, რაც ნებისმიერი გემოვნების მქონე მაყურებლისთვის იდეალურ სანახავს ჰქმნის… (sun)
zurriuss #
1 month ago
ლანდიშ, მეც ბევრჯერ მქონია ეიფორიული განცდა რომელიმე ფილმის, მუსიკის ან სპექტაკლის მიმართ. მაგრამ გასულა დრო და მივმხვდარვარ, რომ ზედმეტად შემიფასებია. ბოლოს და ბოლოს, მთავარი ხომ სპეც–ეფექტები არაა (თუ არის?). ნუ ვისთვისაც მარტო ჯახა–ჯუხი და ტყვიების წუილია, მაშინ გზა დამილოცნია. იგივეს ვიტყვი 3D–ზეც: ადამიანები ვართ და მალე შევეჩვევით ამას. ისევე მალე, როგორც ჩვენი წინაპრები შეეჩვივნენ ფერად კინოს.
როგორც ვხედავთ, გამოსახულების ხარისხი, ხმა, სამი განზომილება, მნიშვნელოვანია, მაგრამ შინაარსს მაინც ყველაზე დიდი დაყვირთვა აქვს. როგორ წარმოგიდგენია 5 წლის შემდეგ ერთი მეორეს როგორ უხსნის ამ ფილმს: “ავატარი” ის არის, დიდ ხეს რომ ააფეთქებენ და საკაიფოდ რომ ენარცხება ძირსო… ?
ხო ხვდები, არა?
მოკლედ, ეს მინდოდა მეთქვა: ავატარი კარგი ფილმია და არა შედევრი. ჩემი აზრით, “ტიტანიკი” სჯობდა. მან ეკრანებზე 2001 წლამდე გაძლო! ეს რეკორდია. ვნახოთ, რას იზამს “ავატარი”.
zurriuss #
1 month ago
…პანდორა მართლაც ლამაზი შეუქმნია კამერონს
Landish #
1 month ago
ტიტანიკი ფილმია, რომელსაც დრო ვერ აბერებს…
მარა ფანტასიკური ფილმებიდან, მსგავსი შინაარსის მქონე ფილმებიდან, ეს უდაოდ საუკეთესოა… და მანამ ამის ეიფორიაში ვარ ზურ, დავწერ იმას, და ისე როგორვ ვგრძნობ, მიუხედავად იმისა, 5 თუ 10 წლის შემდეგ შეილება რო ამ ფილმის საწინააღმდეგოც დავწერო…
მაგრამ დღეს დღეობით როგორც არის, ვცდილობ ისე გადმოვცე… ყოველ შემთხვევასი ჩემთვის როგორც არის
zurriuss #
1 month ago
დაასხი, ვატრაკებთ ბოლომდე!
dembo #
1 month ago
დაველოდები ბლუ რეი რიფს
მითუმეტეს თუ 3D ეფექტები თავის მოწოდებაზე არაა
Landish #
1 month ago
დაელოდე, მარა თუ შენი მეოგბრები შენზე ადრე ნახავენ, შეილება ისე დაიწყონ საუბარი, რო ლოდინმა მოგკლას
TreZoRA #
1 month ago
ლადო გიფასებ ნაშრომს და პოსტს მარა ბოლომდე წაკითხვისგან თავი სევიკავე
სიურპრიზად ვიტოვებ ამ ფილმის შინაარსს მაინც მერე რო გამისწორდეს და ვაბსე არ ვიცოდე რა ხდება ფილმში
Landish #
1 month ago
ფილმის შინაარსი ბოლომდე არც მიწერია… : ))
ეს არ წაიკითხე?
TreZoRA #
1 month ago
3 დღე რო გიწერია ეგ გამიტყდა
3 დღეში კი არა 2012 1 კვირის მერე ვიშოვე ბოლო რიგში ბოლო ადგილას ბილეტი და მოღუნული ვუყურებდი კინოს და აქ რა ამბავი იქნება
და საიდან იცი რო 3 დღე იქნება მართლა?
Landish #
1 month ago
იქნება მეტიც.. იქნება… უბრალოდ იმ e-info.ge-ზე მხოლოდ 3-3 დღით წერია მარტო თურმე
TreZoRA #
1 month ago
ხო მეც გამიკვირდა
ისე მაგაზე 1 კვირა კი დამჭირდება ბილეთების საჩალიჩოდ
Landish #
1 month ago
გიო, შენ თუ 3D არ გინახავს და მაგ პონტში გინდა წასვლა, მაშინ საშობაო ზღაპარზე წასვლას გირჩევ, თუ ავატარი გადმოწერო და ისე უყურო, ხოლო თუ იმენა ავატრის ნახვა გინდა კინოში, მაშინ შემდეგ კვირასც იქნება სეანსი და დატკბი
Leonsio #
1 month ago
ამას ჰქვია ფილმის მიმოხილვა!
და ამ პოსტით უფრო დიდი ინტერესი აღძარი ცემში 
აუცილებლად დაველოდები დივიდის და ისე ვუყურებ მადლობა იმისთვის რომ იყავი ფლმზე
ლილიანი #
1 month ago
და ამ ყველაფრის მერე გამოვა ავატარი 2 ავატარი 3 …. ავატარი 21 და ამ ყველაფერს მუღამი დაეკარგება და გახდება საგლახაო მეჟდუ პროჩიმ აჩერედნოი ჰარი პოტერიზმი : )))
ასე ჩემო მეგობრებო ასეთია ჰოლივუდი მიზეზი მხოლოდ ფულია
ჭირი იქა ლხინი აქა და ასე შემდეგ და ასე შემდეგ
Landish #
1 month ago
ეგ ყოველთვის ეგრეა, რო პირველი სერია ყველა დანარჩენს სჯობს… ლილ….
ასე რომ უყურე, მანამ მორიგი სერიები არ გადაუღიათ და არ ჩაუჯვავთ მაყურებლის ინტერესებისთვის რა
komisia #
1 month ago
ყლეზე მკიდია ავატარი, 1 ლარსაც არ გადავიხდი მაგის ბილეთში და არც ამ პოსტს წავიკითხავ ბოლომდე, იიიშ!
Landish #
1 month ago
საიდან ამდენი ზიზღი და პესიმიზმი ადამიანო? :უსერ:
მრ.პიკასსო #
1 month ago
კვირას მივდივარ ავატარზე ხვალ კი უნიკინოში ფელინის გზას აჩვენებენ და დიდ ეკრანზე მისი ნახბვა უფრო მახარებს
Landish #
1 month ago
მაგას სად აჩვენებენ გოჩ?
Natalia #
1 month ago
კარგი პოსტი იყო : ) ავატარის ნახვას არ ვაპირებ და შინაარსი მაინც მეცოდინება : ))
რატომღაც, საერთოდ არ მაქვს ნახვის სურვილი..
სამაგიეროდ, Alice in Wonderland-ს ველოდები მოუთმენლად :love:
Landish #
1 month ago
რეკლამიდან ჩანდა, რომ ალისას ძალიან კარგი სამ განზომილებიანი ეფექტები აქვს..
ასე რომ მაგის სანახავადაც წავალ აუცილებლად: )
გიორგი #
1 month ago
სიმართლე გითხრათ, მეზარება ამის ყურება…
Andy #
1 month ago
ძალიან ბევრს კარგავ , დღემდე შთაბეჭდილების ქვეშ ვარ !
Andy #
1 month ago
იმაში ვერ დაგეთანხმები რომ სათვალე , რომ მოიხსენი განსხვავება ვერ იგრძენი , აშკარად გაორებული და ბუნდოვანი გამოსახულებაა სათვალეს მოხსნის შემდეგ !
Landish #
1 month ago
გაორება თავისთავად… მე ეფექტებს ვგულისხმობ..
მანდ მკვეთრათ ჩანდა ჯუნგლებში ეუეას ხის თეთრი მოგრძო წიწვები.. რამდენიმე ფოთოლი…
და ა.შ.
ნუ მოკლედ მე მეტს ველოდი რა : )
ნატოშა #
1 month ago
WTF is that?
ფეკალიების ხსენების გარეშე ნაკლებად სახალისო იქნებოდა თუ “ბავშვს ძალიან შეეშინდება” საინტერესოდ არ ჟღერს?
უთხარი არა toilet humor-ს
Landish #
1 month ago
შემდეგში ვეტყვი
ნან #
1 month ago
ძალიან სასარგებლო პოსტი იყო. შაბათობით ფილმებს ვუყურებ მეგობრებთან და ეხლა ეს ფილმი გვაქვს დაგეგმილი. სამი განზომილების კი რა მოგახსენოთ. ბათუმში მაი არაა ჯერ
)
Landish #
1 month ago
იმედი მაქვს მალე მოვა დრო, როცა მანდაც არ იქნება პრობლემა სან განზომილებიანი ფილმების ნახვის…
როდრიგო სანტორო #
1 month ago
ლანდიშ დაუშვათ 10 ლარიანი ბილეთი ავიღე ფულს ცალკე ვამატებ სათვალისას?? და თუ ასეა რა ღირს სათვალე
Landish #
1 month ago
10 ლარიანი ბილეთი თუ იყიდე, მაშინ დილის 11 საათზე მოგიწევს შესვლა.. სათვალე შედის ფასში, მაგას არავინ დაგიკლებს… მარა თუ სათვალე არ გინდა, შეგილია არ გმოართვა…
უბრალოდ თავს უხერხულად ვერ იგრძნობ, როცა ამხელა სათვალიანი ხალხით სავსე დარბაზში მარტო შენ არ გექნება სათვალე?
wass #
1 month ago
მცირეწლოვან ასაკის ბავშვებმა არ ნახონო და 10 წლის ძმისშვილის წაყვანას ვაპირებ… არ მინდა ჩემს გამო მართლა დიდი სულიერი ტრამვა მივაღებინო
რეალურად მართლა ეგეთი საშინელებაა?
Landish #
1 month ago
10 წლის შეგიძლია წაიყვანო… უფრო მცირეწლოვანები ვიგულისხმე მე..
უბრალოდ ზოგიერთი “ბოროტი” ცხოველი ახლო კადრიდან რო გაიჩითება და კბილებს დაკრეჭს … მერე ოო
nadusa #
1 month ago
ვიყავი გუშინ ავატარზე და გეთანხმები ლანდიშ , ძალიან მაგარი იყო 3D ეფექტები ბევრი არ ქონდა მაგრად თვითონ კინო იყო განუმეორებელი
სანდრო #
4 weeks ago
!!! ფანტასტიური ფილმი გამოდგა… ემოციებით აღსავსე და საინტერესო.
in reality I didn’t want to go back to my old boring life on planet earth…
Lord Vader #
4 weeks ago
ეეე… ეგ რა რჩევაა კაცო – კამრიპი ნახეთო.
ამ ფილმის კამ და როგორიც გინდა რიპ ნახვა რაააამხელა მონიტორიც ან ტელევიზორიც არ უნდა გქონდეთ სახლში არ შეიძლება.
მაგისთვის იწვალა ქემერონმა 10 წელი?
I SEE YOU « რაღაცნაირი ბლოგი #
4 weeks ago
[...] უკვე იცით ვინც ნახეთ, ვინც არ ნახეთ ლანდიშას პოსტი ნახეთ, ამომწურავად უწერია და რომ [...]
Katiee #
4 weeks ago
“3D ეფექტებს რაც შეეხება, ამაზე ცოტა იმედგაცრუებული ვარ, რადგან ერთ-ერთ წინა პოსტში აღფრთოვანებული ვიყავი “საშობაო ზღაპრის” ეფექტებით, აქ კი მათი ნაკლებობა იგრძნობოდა. არ დაგიმალავთ და თავიდან მეგონა, რომ ფილმის უმეტესი ნაწილი ასეთი ეფექტების გამო განუმეორებელი იქნებოდა. სამწუხაროდ შევცდი. დრო და დრო თვალს ვაპარებდი და სტერეო სათვალეს ვიხსნიდი, რათა სხვაობა მეგრძნო, თუმცა დიდი ვერაფენი განსხვავება ვერ ვნახე.”
ზუსტად ასე გავატარე მტელი 2.4 სთ მეც
თუმცა, ჩემთვის ეს პირველი 3D ფილმი იყო და ალბათ ამიტომაც, იმედგაცრუებული დავრჩი.
მეორე დღეს არც მახსოვდა წესიერად, წინა საღამოს რა ფილმი ვნახე.
თან, ამირანზე ბევრად უკეთეს კინოტეატრში ვიყავი, იდეაში
იმდენად არ მახსოვდა, რომ აქ კინაღამ მეორეჯერ ჩავდექი ბილეთების რიგში და მერე მოვედი აზრზე, უი ეს ხომ ნანახი მაქვსთქო
კარგი ფილმია, მაგრამ თუ შედარებაა, მაშინ “ტიტანიკი” უდაოდ ჯობია. მინიმუმ იმიტომ, რომ ისეთი მსახიობები ასრულებენ, როგორიც დი კაპრიო და კეიტ უინსლეტია.
2012–იც ჯობია, მათ შორის ეფექტებით, + პოლიტიზირებული ხუმრობებით თუ ხუმრობანარევი პოლიტიკით. როგორც “შემაგონებელი” და დამაფიქრებელი ტიპიური ამერიკული კინოც – 2012 უფრო ეფექტურია.
და კიდევ Wall-E გამახსენდა ამაზე, თუ ეკოლოგიაზე დაფიქრებაა ერთერთი იდეა, მაგ მხრივაც, ვოლლ-ი ბევრად ეფექტურია
)
მოკლედ,
))
ეს must see movie-ა, რომელიც მხოლოდ 1-ხელ “იყურება”
გიროგი #
4 weeks ago
არ გეთანხმები 3დ დახვეწილი იყო საკმაოდ….
Katiee #
4 weeks ago
დახვეწილი, მაგრამ არასაკმარისი.
მე სადაც ვნახე (ლოზანა, შვეიცარია), ფილმის წინ დიდი წითელი სმაილიკი გაიჩითა, რომელიც გვიხსნიდა, როგორ უნდა გამოგვეყენებინა სათვალე და რა ეფექტებს ვნახავდით.
ჰოდა ამ სმაილიკმა რომ გადმოაგდო ენა და მომიტანა ცხვირთან, გული გამისკდა და სკამს ავეკარი. თან ორმაგად შემეშინდა, მეთქი ფილმში თუ ვერტმფრენებმა თავზე უნდა გადამიფრინონთქო და მოვემზადე ფსიქოლოგიურად.
დანარჩენი თქვენც იცით – მსგავსი არაფერი ყოფილა.
თუმცა, არ ვიცი რამდენად მართალია (არ გადამიმოწმებია ნეტში), მაგრამ, მეგობარმა ამიხსნა, ეს თავიდან 2D-ში გადაიღეს და მერე დაანავაროტკეს, რადგან ასეთი ლამაზი გამოვიდაო. ამიტომაც გადიოდა ზოგ კინოში 2D და ზოგან 3D, ორივე ვერსია არისო. მე
ნინო #
1 week ago
ფელინის “გზა” აჩვენეს სადმე დიდ ეკრანზე და მე ეს არ ვიცოდი?წავედი თავი უნდა მოვიკლა.მოკლედ,შეიძლება “ავატარი” ძალიანაც შედევრია,მაგრამ რა ვქნა მე კლასიკა მირჩევნია.ჩემი მოკრძალებული აზრით,კარგი იქნება თუ ძველ ფილმებზეც დაწერთ ხოლმე,ხანდახან.ეს ყველა ბლოგერის გასაგონად:)