მაგალითად, თუ თქვენი იმეილი ადრე იყო ასეთი chemi.saxeli@gmail.com, ახლა შეგიძლიათ იგივე რამ გააკეთოთ chemi.saxeli@domeni.ge და რაც მთავარია გუგლის პროდუქტები გამოიყენოთ.

ჩვეულებრივ chemi.saxeli@domeni.ge ტიპის იმეილის გაკეთება ძალიან მარტივია, როდესაც თქვენ შეძენილი გაქვთ ჰოსტი, რომელსაც აქვს ვებ-მეილების სისტემა, ეს კი ჰოსტების 99.9%-ს გააჩნია. თუმცა პირადად მე ასეთი მეილ სერვერები არასდროს გამომიყენებია და მუდამ გუგლის ერთგულად ვრჩებოდი.

ბევრი რომ არ გამომივიდეს, პირდაპირ ახსნაზე გადავალ. პროცესი ძალიან მარტივია და სქრინშოთებს აღწერები თან ერთვის. მე მაგალითისთვის გამოვიყენე serv.ge-ისა და ჩემი ბლოგის, landish.ge- სქრინები.

მოდით პირველ რიგში შევიდეთ Google Apps for Business-ის გვერდზე და Apps Editions-ში ავირჩიოთ Standart.

Standart პაკეტის არჩევა (გასადიდებლად დააჭირეთ სურათს)

თქვენ Standart პაკეტში შეიგძლიათ გამოიყენოთ გუგლის 4 სერვისი უფასოდ, ესენია: Gmail, Google Sites, Google Calendar და Google Documents. ამ უფასო სერვისს შესაძლოა ყავდეს მხოლოდ 50 მომხმარებელი. დამეთანხმებით და მცირე ბიზნეს კომპანიის საიტისთვის ან მულტი-ავტორული ბლოგისთვის ეს რიცხვი საკმაოდ ნორმალურია.

გადავიდეთ შემდეგ პუნქტზე. მას შემდეგ რაც ვიხილავთ იმ პირობებს, რომელსაც ეს პაკეთი გვთავაზობს და დანამდვილებით გადავწყვეტთ ამ სერვისის გამოყენებას, დავაჭიროთ ღილაკს Get Started და დავიწყოთ დომენის რეგისტრაცია.

დააჭირეთ ღილაკს Get Started (გასადიდებლად დააჭირეთ სურათს)

ვინაიდან და რადგანაც მე უკვე დიდი ხნის წინ მაქვს დომენი landish.ge შეძენილი, ამიტომ ავირჩევ პუნქტს I want to use an existing domain name, ჩავწერ ზემოხსნებულ დომენს და მოვნიშნავ Administrator: I own or control this domain-ს, რადგან ამავე დომენის მფლობელი გახლავართ მე. თუმცა როგორც ხედავთ, გუგლი აქვე გთავაზობთ დომენის შეძენის გამარტივებულ ხერხს (ამ ვერსიას პოსტში არ განვიხილავთ).

დომენის დამატება (გასადიდებლად დააჭირეთ სურათს)

თუ წინა პუნქტის დროს Continue ღილაკზე მაუსის დაწკაპუნება არ დაგავიწყდათ, წესით ახლა ამ გვერდზე უნდა იმყოფებოდეთ და ავსებდეთ ველებს. შეავსეთ ეს ფორმა თქვენი სახელის, იმეილის, პროფესიის და სხვა საჭირო ველების მიხედვით და შემდეგ დაადასტურეთ იგი Continue ღილაკზე დაჭერით.

პროფილის შევსება (გასადიდებლად დააჭირეთ სურათს)

ამ ყველაფრის შემდეგ აირჩიეთ მთავარი ადმინისტრატორის იმეილი, ჩემს შემთხვევაში ეს იქნება landish [at] landish.ge, ჩაწერეთ captcha კოდი და პაროლი, რომელსაც ამ იმეილზე ხმარებისას გამოიყენებთ ხოლმე. არ დაგავიწყდეთ I accept. Continue with set up ღილაკზე დაჭერა.

ადმინისტრატორის იმეილის შერჩევა (გასადიდებლად დააჭირეთ სურათს)

ახლა დადგა დრო, დავუმტკიცოთ გუგლს, რომ ეს დომენი ნამდვილად ჩვენ გვეკუთვნის. ამისთვის იგი ორ ვარიანტს გვთავაზობს, განვხილოთ პირველი. მოვნიშნოთ Upload an HTML file to landish.ge და დავაჭიროთ ღილაკს Continue.

აქტივაციის სასურველი მეთოდის არჩევა (გასადიდებლად დააჭირეთ სურათს)

ამის შემდეგ გუგლი მოგცემთ უნიკალურ კოდს და მოგთხოვთ, რომ შექმნათ სპეციალური html ფაილი, სახელწოდებით googlehostedservice.html და ეს კოდი შიგ ჩაწეროთ. ყოველივე ამის შემდეგ ატვირთეთ ეს ფაილი სერვერის მთავარ დირექტორიაში და შედით შემდეგ მისამართზე http://domeni.ge/googlehostedservice.html. აქ გამოჩნდება ის უნიკალური კოდი, რომელიც გამოგიყოთ გუგლმა.

googlehostedservice.html ფაილის ატვირთვა (გასადიდებლად დააჭირეთ სურათს)

ატვირთული ფაილის მისამართზე შესვლა (გასადიდებლად დააჭირეთ სურათს)

დომენის მფლობელობის დასადასტურებლად დააჭირეთ I’ve completed these steps above ღილაკს.

ჩვენ უკვე დავუმტკიცეთ გუგლს რომ ამ დომენის პატიოსანი მფლობელები ვართ. ახლა საჭიროა რაიმე სერვისის გააქტიურება. მოდით პირველი ეს სერვისი Google Mail (Gmail) იყოს.

როდესაც წინა პუნქტს წარმატებით გაივლით, თქვენს ბრაუზერში გამოჩნდება ასეთი ტიპის გვერდი. თუ თქვენ დააჭერთ Launch guide ღილაკს, მაშინ ახალ ფანჯარაი გაიხსნება Google Apps-ის დოკუმენტაცია, ხოლო თუ დააჭერთ Skip this guide ბმულს, მაშინ რეგისტრაციის პროცეს ჩეულებრივ განაგრძობთ.

დააჭირეთ ღილაკს Skip this launch (გასადიდებლად დააჭირეთ სურათს)

Gmail-ის გასააქტიურებლად დააჭირეთ ბმულს Active email.

დააჭირეთ ბმულს Active email (გასადიდებლად დააჭირეთ სურათს)

რის შემდეგადაც გადახვალთ MX ჩანაწერების გვერდზე. აქ მითითებული იქნება, თუ რა პრიორიტეტებითა და სერვერებით ჩაწეროთ ესა თუ ის MX ჩანაწერი. როდესაც MX ჩანაწერებს გააკეთებთ, დააჭირეთ ღილაკს I have completed these steps above.

MX ჩანაწერების სია (გასადიდებლად დააჭირეთ სურათს)

თუმცა გაგიჩნდებათ ლოგიკური შეკითხვა, თუ რა არის ეს MX ჩანაწერო და როგორ გავაკეთოთ/ჩავწეროთ იგი? ამისთვის მოდით შევიდეთ ჩვენი ჰოსტის Cpanel-ში.

Cpanel-ში შესვლა (გასადიდებლად დააჭირეთ სურათს)

და გადავიდეთ MX Entry განყოფილებაში.

MX Entry განყოფილებაში გადასვლა (გასადიდებლად დააჭირეთ სურათს)

აქ უკვე ავირჩევთ იმ დომენს, რომელსაც ვარეგისტრირებთ გუგლის სერვისში, ჩემს შემთხვევაში შეგახსენებთ, რომ ეს დომენია landish.ge.

აუცილებლად მონიშნეთ Email Routing-ში Automatically Detect Configuration, დააჭირეთ ღილაკს Change.

Add New Record-ში კი ჩაწერეთ თქვენთვის გამოყოფილი MX ჩანაწერები, თავიანთი პრიორიტეგების მიხედვით.

აქვე ერთი მთავარი პუნქტი, MX ჩანაწერების განყოფილებაში უკვე იქნებოდა რაიმე ჩანაწერი გაკეთებული, თუ კი თქვენ აქამდე იყენებდით თქვენი ჰოსტის მიერ შემოთავაზებულ იმეილს, ამიტომაც ამ ჩანაწერების წაშლა აუცილებელია. წინააღმდეგ შემთხვევაში თქვენი სერვერი ვერ მიხვდება თუ ვის გაუგზავნოს ამა თუ იმ მეილზე წერილები.

MX ჩანაწერების დამატება (გასადიდებლად დააჭირეთ სურათს)

MX ჩანაწერების გაკეთების შემდეგ გადადით თქვენი დომენის სერვისის Dashboard-ზე, რომელსაც კომპანია გუგლი აწარმოებს და დაელოდეთ ამ ჩანაწერების დადასტურებას. ამას, როგორც წესი 48 საათი სჭირდება.

MX ჩანაწერების შესამოწმებლად საჭიროა 48 საათი (გასადიდებლად დააჭირეთ სურათს)

ან შეიძლება მოხდეს ისეც, რომ ერთი საათიც კი არ დასჭირდეს.

დარჩენილია 1 საათი (გასადიდებლად დააჭირეთ სურათს)

როდესაც გუგლი MX ჩანაწერებსაც გადაამოწმებს და ყველაფერი მზად იქნება, გამოგიტანთ შემდეგ შეტყობინებას და მეილზე შესასვლელ URL მისამართს. ეს მისამართი ასე გამოიყურება http://mail.google.com/a/domeni.ge

შედით მისამართზე http://mail.google.com/a/domeni.ge/ (გასადიდებლად დააჭირეთ სურათს)

დამეთანხმებით ამ მისამართზე მეილის შესამოწმებლად ყოველ ჯერზე შესვლა ცოტა არაკომფორტულია, ამის შეცვლაც შეგვიძლია ქვემომენის საშუალებით. Service settings-ის ქვეშ ავირჩიოთ ქვეპუნქტი Email.

აირჩიეთ Service settings -> Email (გასადიდებლად დააჭირეთ სურათს)

ამის შემდეგ General ტაბის ქვეშ დავაჭიროთ ბმულს Change URL.

დააჭირეთ ბმულს Change URL (გასადიდებლად დააჭირეთ სურათს)

მოვნიშნოთ მეორე პუნქტი, და დომენის წინ ჩავწეროთ ქვე-დომენის მისამართი. როგორც ხედავთ, ჩემს შემთხვევაში ეს არის gmail.landish.ge, თქვენ შეგიძლიათ აირჩიოთ თქვენთვის სასურველი (და თავისუფალი) ქვე-დომენი. არჩევის შემდეგ დააჭირეთ ღილაკს Continue.

სუბდომენის არჩევა (გასადიდებლად დააჭირეთ სურათს)

ახლა კი ბოლო პუნქტის დროც დადგა. შევატყობინოთ გუგლსა და ჩვენს სერვერს, რომ ამა და ამ ქვე-დომენზე შესვლის შემთხვევაში გადავიდეს ჩვენს მიერ გუგლში დარეგისტირებული სერვისის იმელზე. ამისათვის საჭიროა CNAME ჩანაწერების გაკეთება.

CNAME ჩანაწერები (გასადიდებლად დააჭირეთ სურათს)

ესეც ანალოგიურად ხდება, როგორც MX ჩანაწერების დამატება. შევიდეთ Cpanel-ში, ოღონდ ამჯერად DNS-ების მართვის განყოფილებაში, კერძოდ კი Simple DNS Zone Editor-ში.

Simple DNS Zone Editor-ში გადასვლა (გასადიდებლად დააჭირეთ სურათს)

აქაც ავირჩიოთ ჩვენი დომენი და Add an CNAME Record-ში, ჩავწეროთ ჩვენი ქვედომენი, რომელიც ჩემს შემთხვევაში არის “gmail” და CNAME მისამართი, რომელიც ყველას შემთხვევაში არის “ghs.google.com“.

CNAME ჩანაწერის დამატება (გასადიდებლად დააჭირეთ სურათს)

ვიცდით რამდენიმე წუთს, რათა გუგლმა განაახლოს თავისი ბაზები და ამის შემდეგ შევდივართ ჩვენი ქვედომენის მისამართზე. ვიყენებთ Gmail-ს საკუთარი დომენით სრულიად უფასოდ და ვართ ბედნიერნი. ანალოგიურად შესაძლებელია სხვა დანარჩენი 3 სერვისის გააქტიურება და ქვედომენებზე მიბმა.

მოკლედ ეს იყო დეტალურად ახსნილი გაკვეთილი, იმის შესახებ თუ როგორ მივაბათ საკუთარ დომენს Gmail და Google-ს სხვა პროდუქტები. თუ თქვენ კვალ და კვალ გაიარეთ ყველა პუნქტი ისე, როგორც საჭიროა, მაგრამ არაფერი გამოგივიდათ, ე.ი. კიდევ ერთხელ საჭიროა პოსტის გადაკითხვა და ზოგიერთ ხაზგასმულ ნაწილზე ყურადღების გამახვილება.

IWPR-ის ოფისში რამდენიმე ბლოგერი

მაგრამ, ჯერ მოდით სულ თავიდან დავიწყოთ, ჯერ კიდევ იმ დღიდან, როდესაც ოფისში მე, დოდკა და სხვა რამდენიმე ბლოგერი ვიყავით მისულნი. საქმიანი დიალოგის თემა „არჩევნების გაშუქება“ იყო. მათ სურდათ ქართველი ჟურნალისტებისა და ბლოგერების (თავისუფალი ჟურნალისტები) დახმარებით შეექმნათ ისეთი საინფორმაციო წყარო, რომელიც არჩევნების მოვლენებს მომენტალურად გააშუქებდა.

ამასთან დაკავშირებით შეიქმნა ბლოგი GeoElection.Ge, სადაც სიახლეებს დავდებდით მიმდინარე დღეებთან დაკავშირებით. ეს 3-დღიანი პროექტი იყო. ჟურნასლიტები რეგიონებში გადანაწილდნენ, ბლოგერები კი თბილისში. მე „ცესკოს“ მედიაცენტრი შემხვდა (ნუ მე ავირჩიე) და 3 დღის (24 საათიანი გრაფიკით) განმავლობაში ელვისებური სისწრაფით ვდებდით ექსკლიუზიურ ინფორმაციას. პიკოლინამ სოციალური მედიისთვის ალასანიას სთხოვა კომენტარი, თინიმ შეძლო და უგულავას ჩამოართვა ინტერვიუ, მარი კახა კუკავას ესტუმრა, ეკამ თავისი გარდაცვლილი მამის სახელი აღმოაჩინა ამომრჩეველთა სიაში და სხვ. ამ სიახლეებს სხვადასხვა news სააგენტოს საიტები აკოპირებდნენ თავიანთ ვებ-გვერდებზე, ასევე ბმულები ვრცელდებოდა ფეიბუქსა და ფორუმებზე, ვიზიტორების რაოდენობამ კი რეკორდულ მაჩვენებლებს მიაღწია.

თუმცა, ამაზე მეტი აღარ გვინდა, პროექტი (მომავალში თანამშრომლობის გაგრძელების პერსპექტივით) დიდი ხანია დასრულდა, ჩვენთვის კუთვნილი ჰონორარებიც უკვე დავხარჯე(თ). როდესაც შესაჯამებელ შეხვედრაზე მივედით, გაირკვა, რომ ყველაზე მეტი და საინტერესო საიხლე ეკას ჰქონდა დაწერილი, ამის გამო მან სპეციალური პრიზიც მიიღო, რომლის შესახებაც თავის პოსტში ისაუბრა. ჩემი სიახლეები კი მეორე ადგილზე გავიდა პოპულარობითა და რაოდენობით, ამიტომაც ბონუსის სახით კიდევ დამირიცხეს თანხის გარკვეული რაოდენობა. იგივე პრიზები ჩვენს კოლეგებს, ჟურნალისტებსაც გადასცეს.

GeoElection-ის ტორტი

ეს იყო ყველაზე საინტერესო, ყველაზე დატვირთული და ყველაზე საპასუხისმგებლო საქმე, რაც კი ოდესმე გამიკეთებია. შედარებით დადებითად შემეცვალა წარმოდგენა ჟურანლისტებზე და მედია სამსახურის წარმომადგენლების მუშაობაზე. მაშინ როდესაც ველოდი, რომ ყველა ტელეკომპანიის და ყველა გაზეთის ჟურნალისტები მოპოვებულ ინფორმაციას თავიანთ კოლეგებს არ გაუზიარებდნენ და მხოლოდ თავიანთი არხისთვის, თუ გაზეთისთვის შეინახავდნენ, როგორც ექსკლიუზიურ მასალას, მედიაცენტრში სულ სხვა სიტუაცია დამხვდა, ყველა ყველას იცნობდა, ყველა საუბრობდა მიმდინარე მოვლენებზე და „გარე წყაროებიდან“ მიღებულ ინფორმაციას ერთმანეთს უზიარებდნენ. უცხოელი დამკვირვებლების ინტერვიუებს ჯგუფურად თარმგნიდნენ. ბრიფინგებს შორის ინტერვალების დროს კი ხუმრობდნენ და ცდილობდნენ შემდეგი ჩართვისთვის მომზადებულიყვნენ.

ასე შემომაღამდა 30 მაისი „ცესკოს“ მედიაცენტრში. მეორე დღემ შედარებით მშვიდად ჩაიარა, ძირითადად შედეგების დათვლა და დარღვევების გასაჩივრებაზე იყო აქცენტი გაკეთებული. მესამე დღეს კი სოციალური მედიის ექსპერტებთან, მარკეტოლოგებთან და PR-მენეჯერებთან ინტერვიუების ჩასაწერად ვიარეთ. ყოველივე ეს არსებულ ბლოგზე შეგიძლიათ იხილოთ.

და ბოლოს,  IWPR-სთან თანამშრომლობის შემდეგ მივიღე რაღაც გამოცდილება არჩევნების გაშუქებასა და ზოგადად ჟურნალისტიკაში, ვისწავლე ჭკუა, რომ ინტერვიუს ჩაწერის დროს, ოპერატორის გვერდით, ან უკან, არ უნდა დადგე, წინააღმდეგ შემთხვევაში მიიღებ რაიმე დაზიანებას და რაც მთავარია, დავრწმუნდი იმაში, რომ ჟურნალისტები არც ისე ცუდი ხალხი ყოფილა და გაურკვევლობის შემთხვევაში მათთვის კითხვის დასმის აღარ შემეშინდება, რათა დახმარებაზე პასუხად ცივი უარი არ მივიღო.

აქცია "ყოველ 15 წუთში"

ამერიკის შეერთებულ შტატებში,  შერვუდის უმაღლეს სკოლაში ჩატარდა აქცია სახელწოდებით “ყოველ 15 წუთში”. დროის ამ შუალედით სტუდენტები სიმულირებულ კატასტროფაში “იღუპებოდნენ”. აქციის მიზანი საზოგადოების ყურადღების გამახვილება არაფხიზელ მდგომარეობაში საჭესთან ჯდომის საშიშროების შესახებ იყო.

სტეფინა სნოუდენს ერთ-ერთ “ცოცხალ მკვდრად” აქცევენ. მას შესაბამის მაკიაჟს უკეთებენ და დღის განმავლობაში ეკრძალება საუბარი და ხალხთან კონტაქტი.

სტეფინა სნოუდენი, აქციის მონაწილე, "ცოცხალ მკვდარი" სტუდენტი

ამავდროულად ბილი ოურენი, ამავე სკოლის სტუდენტი, სიკვდილს განასახიერებს. იგი კორიდორების გავლით საკლასო ოთახებში შედის და ახალ მსხვერპლს ეძებს, რომელსაც სისოცხლის მხოლოდ 15 წუთიღა დარჩა.

ბილი ოურენი კორიდორებში

“სიკვდილმა” მორიგი მსხვერპლიც შეარჩია.  მანამ, სანამ შერჩეულ მსხვერპლს საგრიმიოროში გააგზავნიან და აქციისთვის მოამზადებენ, საკლასო ოთახში პოლიციის ოფიცერი მომავალი გარდაცვლილის შესახებ მცირე ნეკროლოგს კითხულობს, რომელიც სტუდენტის მშობლებმა შეადგინეს.

მსხვერპლის შერჩევის პროცესი

მორიგი შერჩეული სტუდენტი/მსხვერპლი, ჯეკი მონრო უკვე შენიღბულია. მას შავი ფერის მაისური აცვია წარწერით “Every 15 Minutes” (ყოველ 15 წუთში).

შენიღბული ჯეკი მონრო

სკოლის ავტოსადგომზე კი ამ დროს ავტოავარიაა ინსცინირებული.

ინსცინირებული ავტოავარია

პროგრამაში მაშველებიც არიან ჩართულნი. ისინი სპეციალურ ჰიდრავლიკულ ხელსაწყოს იყენებენ, რომლის მეშვეობითაც შესაძლებელია დაზარალებულის ავტომობილიდან ამოყვანა.

მაშველების მუშაობის პროცესი

მას შემდეგ რაც, სტუდენტი “იღუპება”, პოლიციის თანამშრომლები მის ნათესავებს გარდაცვლილის შესახებ ატყობინებენ. აქციას ამავდროულად აკვირდებიან სკოლის სხვა მოსწავლეებიც.

აქციის მონაწილეები

რობერტ ოლსენმა კი ტესტი სიფხიზლეზე წარუმატებლად გაიარა, ამიტომაც მას ციხეში გაუშვებენ. ესეც პროგრამის ნაწილია.

წარუმატებელი ტესტი სიფხიზლეზე

ავტოკატასტროფის დროს დაზარალებული ლიზი ელჯინი კი რეანიმაციაში გადაჰყავთ.

რეანიმაციისკენ მიმავალი სამაშველო ბრიგადა

დღის ბოლოს კი ბრენდონ ელისონი და სხვა სტუდენტები დამკრძალავ ბიუროში მიჰყავთ. აქცია სახელწოდებით “ყოველ 15 წუთში” აჩვენებს სტუდენტებს, თუ რა შორს შეიძლება ნასვამ მდგომარეობაში ავტომობილით მოძრაობამ მიგიყვანოს.

ბრენდონ ელისონი დამკრძალავ ბიუროში

აქციის დასრულების შემდეგ “ცოცხალმა მკვდერბმა” ნეკროლოგები წაიკითხეს თავიანთ შესახებ. მათ ამ დროს უკვე მაისურები ეცვათ წარწერით “today it was me.” (დღეს ეს მე ვიყავი).

სტუდენტები ნეკროლოგების კითხვისას

იმავე ღამეს ისინი სახლში არ მიიყვანეს და სხვაგან დააძინეს, რათა ეგრძნოთ, თუ რას ნიშნავს, როდესაც ოჯახისა და მეგობრებისგან შორს იმყოფები.

აქციის დროს არავინ დაღუპულა და ციხეშიც არავინ გაუგზავნიათ. ეს ყველაფერი იყო დადგმული, რათა საზოგადოება კიდევ ერთხელ დაფიქრებულიყო, სანამ საჭესთან დასხდებოდნენ.

ძალიან კარგი იქნებოდა, თუ კი მსგავსი ტიპის აქციები ჩვენთანაც გაიმართებოდა. ავტოკატასტროფაში დაღუპულთა რიცხვი აქაც არანაკლებია. დროა საზოგადოება გონს მოეგოს და კიდევ ერთხელ დაფიქრდეს ამ საკითხზე. პირადად ჩემზე ამ აქციამ დადებითად იმოქმედა, კიდევ ერთხელ დამაფიქრა ამ პრობლემის შესახებ, რომელსაც ადამიანი სიკვდილამდე მიჰყავს. და მიუხედავად იმისა, რომ ჯერ-ჯერობით ფეხით მოსიარულეთა ნაწილს მივეკუთვნები, ვფიქრობ ეს ჩატარებული აქცია თავისი ორიგინალურობითა და შესრულების ხარისხით ყოველთვის მემახსოვრება.

თქვენ როგორ ფიქრობთ? რამდენად დიდია თბილისში და ზოგადად საქართველოში ავტოკატასტროფების რიცხვი? რამდენად დიდ საშიშროებას წარმოადგენს თქვენთვის არაფხიზელ მდგომარეობაში საჭესთან დაჯდომა? როგორ ფიქრობთ რა არის საჭირო იმისთვის რომ კატასტროფების რიცხვი შემცირდეს და მიგაჩნიათ თუ არა, რომ მსგავსი ტიპის აქციები საზოგადოებაზე მოქმედებს?

1.5 ვერსიაში დამატებულია ვიდეო ფლეიერის 100% გაწელვის საშუალება, ანუ პოსტში იგი გამოჩნდება კონტენტის სიგანეზე. ეს პარამეტრი შეგიძლიათ ხელით შეცვალოთ ზომის სურვილისამებრ.

გარდა ამისა ამ ვერსიაში დამატებულია Settings ლინკი პლაგინების ჩამონათვალში, საიდანაც მარტივად შეგიძლიათ პარამეტრების გვერდზე გადასვლა.

ახალი ვერსიის დაწერის აუცილობელობა საჭირო გახდა მას შემდეგ, რაც myvideo.ge-ს ადმინისტაციამ შეცვლა embed კოდი, სადაც ახლა ვიდეოების ID-ს ემატება .flv და .mp4 გაფართოებები.

პლაგინის განახლება შეგიძლია ჩაშენებული (built-in) პლაგინების ინსტალერით. შედით პლაგინების ჩამონათვალის გვერდზე, WP Admin – > Plugins და მოძებნეთ Myvideo.Ge Plugin

დააჭირეთ ბმულს upgrade automatically.

განახლების შემდეგ დაბრუნდით პლაგინების გვერდზე და იხილეთ პლაგინის განახლებული ვერსია.

თუ თქვენ, აქამდე არ გქონდათ დაყენებული ეს პლაგინი, მაშინ შედით პლაგინების დაყენების გვერდზე WP Admin -> Plugins -> Add New, დასერჩეთ Myvideo.Ge Plugin და დააყენეთ იგი.

ტექნიკური დახმარებისთვის მადლობას ვუხდი, ITDC-ს დეველოპერს, გურო ხუნდაძეს.

მოკლედ დატესტეთ და გამოიყენეთ ეს პლაგინი : ) თუ კი რაიმე შეცდომას აღმოაჩენთ, გთხოვთ დაუყონებლივ შემატყობინოთ კომენტარის სახით : )

ვიდეოს ბმული – http://www.youtube.com/watch?v=ehamNxhHKYc

ორიოდ დღის წინ კი „თბილისი ცენტრალში“ გახსნილი ბოულინგ კლუბს მე და ჩემმა ძმაკაცებმა მივაკითხეთ, რომლის შესახებაც თაასგან შევიტყვე – Tbilisi Central Opening. საღამოს 11 საათი იქნებოდა, ამ დროს კი ფასები ყველგან და ყველაფერში მატულობს ხოლმე, ამიტომაც მხოლოდ ერთი საათი შევძელით იქ გაჩერება.

თამაშის დაწყებამდე სპეციალური ფეხსაცმელები გადმოგვცეს, რომელიც იატაკს იცავს დაზიანებისა და ნაკაწრებისგან. მას საგულდაგულოდ რაღაც აეროზოლი “მიაშხურეს”, რომელიც ალბათ ფეხსაცმელს სუნისა და სოკოს გადადებისგან იცავს. ეს ფეხსაცემელები ასე გამოიყურება:

(ბანჯგვლიანი ფეხების ფოტოსთვის ბოდიში მომითხოვია )

მიუხედავად იმისა, რომ კეგლების „დამწყობი“ აპარატი (სამწუხაროდ ზუსტი სახელწოდება არ ვიცი) ხანდახან ჭედავდა და კეგლების დალაგებას აგვიანებდა ხოლმე, ხოლო ანგარიშის ტაბლო დრო და დრო რესტარტდებოდა და ქულები ხანდახან არ გვემატებოდა ხოლმე, თამაშისგან მაინც უდიდესი სიამოვნება მივიღე.

ძალიან მაგარი შეგრძნებაა, როდესაც დაახლოებით 30-40 მეტრიანი მანძილიდან ერთი გაგორებული შარით პირველად წააქცევ კეგლს, როდესაც პირველად აიღებ Strike-ს (1 გაგორებით ათივე კეგლის წაქცევა) და როდესაც პირველად მოიგებ ერთ გეიმს.

მე კი „უბედური შემთხვევის“ გამო ადგილზე სათვალეს გამოვემშვიდობე, ლინზებიც არ მქონდა გაკეთებული და ასე „ბრმად“ მომიწია თამაში. 4 გეიმის განმავლობაში 2 Strike გავაკეთე და რამდენიმე Spare (2 გაგორებით ათივე კეგლის წაქცევა) და თითქმის ყველა ხელი ჩემი გამარჯვებით დასრულდა.

თამამად შემიძლია ვთქვა, რომ პირველ თამაშს კრახი არ განუცდია და შესანიშნავად ჩაიარა. სავარაუდოდ სხვა ბოულინგ ცენტრებსაც მივაკითხავ უახლოეს მომავალში, რათა ამ უკანასკნელს არსებული სიტუაცია შევადარო, მანამდე კი ცოტას თამაშის წესებისა და რჩევების შესახებ გიამბობთ.

„თბილისი ცენტრალში“ არსებულ ბოულინგ კლუბში ფასები შემდეგნაირად არის გადანაწილებული:

• 1 სთ – 14 ლარი 03:00 სთ-დან 14:00 სთ-მდე
• 1 სთ – 24 ლარი 14 სთ-დან 20:00 სთ-მდე
• 1 სთ – 38 ლარი 20:00 სთ-დან 03:00 სთ-მდე

შაბათ-კვირას კი:

• 1 სთ – 24 ლარი 03:00 სთ-დან 20:00 სთ-მდე
• 1 სთ – 38 ლარი 20:00 სთ-დან 03:00 სთ-მდე

თუმცა 1 გეიმის ფასი 4 ლარს შეადგენს.

აქვე გეტყვით, რომ ჩვენ 4ნი ვიყავით და 1 საათის განმავლობაში მხოლოდ 4 გეიმის თამაში მოვასწარით, რაშიც 38 ლარი გადავიხადეთ, მაშინ როდესაც შეგვეძლო გვეთამაშა 4 გეიმის მიხედვით და გადაგვეხადა 16 ლარი. ასე რომ თქვენც გაითვალისწინეთ თუ რა ტარიფით გსურთ თამაში.

თამაშის წესები

ერთი გეიმი შედგება 10  ჩარჩოსაგან (Frame), სადაც იმ ქულების რაოდენობა იწერება, რამდენ კეგლსაც წააქცევ. თამაშის მთავარი პრინციპი მაქსიმალური ქულების დაგროვებაა. მოთამაშეები 2-2-ჯერ აგორებენ შარებს. სულ მათ 20-ჯერ (10 ჩარჩო გამრავლებული 2 გაგორებაზე) მოუწევთ შარის გაგორება.

თუ თქვენ 1 გაგორებით 10-ვე შარი წააქციეთ, მაშინ ეს Stike-ია და თქვენ გემატებათ 10 ქულა + იმ ქულის რაოდენობა, რამდენსაც შემდეგი 2 გაგორებით აიღებთ.

თუ თქვენ 2 გაგორებით წაქციეთ 10-ვე შარი, მაშინ ეს Spare-ია და თქვენ გემატებათ 10 ქულა + მომდევნო ერთი გაგორებით მოგროვილი ქულა.

Strike ანგარიშის ტაბლოზე აღინიშნება X-ით (იქსით), ხოლო Spare /-ით (დახრილი ხაზით).

მოკლედ თქვენ ზედმეტი ქულების თვლა არ დაგჭირდებათ, თქვენს მაგივრად კომპიუტერი დაითვლის და ეკრანიდან შეიტყობთ თქვენს ანგარიშს და სვლას.

განსხვავება არის შარების წონასა და ნომრებში. ძირითადად 6-დან 14 ნომრამდე (თუმცა 6 ნომერი 6 კილოგრამს არ უდრის) მერყეობს შარები. მიღებულია რომ შედარებით დაბალ ნომრიან შარებს ხმარობენ ბავშვები, საშუალო ზომის შარებს ქალები, ხოლო დიდებს – კაცები.

პირადი გამოცდილებიდან 10-11 ნომრის შარი საუკეთესოა, არც ზედმეტად მძიმე და არც მსუბუქი. სწორედ ამ ნომრების მქონე შარებით ვთამაშობდი და ვიღებდი სთრაიქებს, თუმცა თქვენთვის შესაძლოა სხვა ნომრის მქონე ბურთულა უფრო მოსახერხებელი აღმოჩნდეს. ყველაფერი გემოვნებაზეა დამოკიდებული.

გარდა ამისა მინდა ერთი რჩევაც მოგცეთ შარის გაგორებისას, ეცადეთ, რომ რაც შეიძლება მშვიდად იყოთ ამ დროს. არ არის საჭირო მთელი ძალ-ღონით ბურთის გაგორება, აქ მთავარი სიზუსტეა და არა სიძლიერე. რამდენჯერაც ძლიერად არ გავაგორე შარი, იმდენჯერვე ბილიკიდან გადაგორდა, ხოლო რამდენჯერაც მშვიდად და აუღელვებლად ვითამაშე, იმდენჯერვე მაქსიმალური შედეგი მივიღე.

მოკლედ გისურვებთ წარმატებებს ბოულინგის თამაშისას. და თქვენ თუ გითამაშიათ ბოულინგი, ან გაგჩენიათ სურვილი სამნახვრეტიანი შარით კეგლების წაქცევისა? რა გამოცდილებას გაგვიზიარებდით? : )

მისი მთავარი პლიუსი და სიმარტივე ისაა, რომ ვიდეოს გადმოსაწერად საჭიროა მხოლოდ და მხოლოდ “youtube.com/watch?v=VKMm4XBsqhk“-ის წინ სიტყვა “kiss“-ის დამატება, შემდეგ კონკრეტულ გვერდზე გადახვალთ და გადმოწერთ ვიდეოს.

დღეს კიდევ ერთი ვებ-გვერდი აღმოვაჩინე, რომელიც ქართულ ვიდეო-ჰოსტინგ საიტიდან, Myvideo.Ge-დან იწერს ვიდეოებს მსგავსად. ეს არის საიტი linkMYVIDEO.

ოღონდ ამ ჯერად, წინა მაგალითისგან განსხვავებით, საჭიროა სიტყვა “link“-ის დამატება “myvideo.ge/?video_id=980113“-ის წინ. 

მაგალითად, თუ გვსურს http://www.myvideo.ge/?video_id=980113 ამ ვიდეოს გადმოწერა, ამისათვის საჭიროა შევიდეთ მისამართზე http://www.linkmyvideo.ge/?video_id=980113 და დავაჭიროთ ღილაკს Download. : )

მოკლედ, საინტერესო საიტია, რომელიც ბევრს გამოადგება, ვისაც ხშირად უწევს ვიდეოების გადმოწერა, ასევე შეგიძლიათ ამავე საიტის მეშვეობით გადმოწეროთ ვიდეოები Rutube-დან, Metacafe-დან და Youtube-დან.

“რა საჭირო იყო სოციალური მედიის დღის ჩატარება?”, “რა არაშესაფერისად იყო შერჩეული თემები”, “სოციალური მედია მხოლოდ ბლოგინგს არ ნიშნავს” და მსგავსი პროვოკაციული შეძახილები არაერთ ქართულ ბლოგსა და მათ კომენტარებში ვიხილე.

დაინტერესების შემთხვევაში გთხოვთ ეს ბლოგები, პოსტები და კომენტარები თქვენ თვითონვე მოიძიოთ, რადგან გამოჩნდება ვინმე პროვოკატორი და იტყვის, შენგან რა მესწავლება, გუგლის გამოყენება შენზე უკეთ ვიცი და ა.შ.

თუმცა მოდით გასული დღის პრობლემას/საკითხს ცოტა სხვანაირად მივუდგეთ. სულ რომ ბლოგებზე და ბლოგერებზე არ ვისაუბროთ, ვეცდები სხვა მაგალითი მოგიყვანოთ.

წარმოიდგინეთ, რომ მიდიხართ რომელიმე კორპორატიულ ღონისძიებაზე, ან ეს შეიძლება საერთოდაც არ იყოს კორპორატიული ივენთი და იყოს სხვა სახის ღონისძიება, სადაც მოწვეულია რომელიმე ქართველი შემსრულებელი, მაგალითად ლელა წურწუმია და ბენდის მიერ დაკრული მუსიკის ფონზე ხალხისათვის კარგად ნაცნობ სიმღერებს მღერის. ეს სიმღერები და მისი ტექსტები ბევრისთვის ნაცნობია, ზოგს ეს მელოდია კი პირველად ესმის, ზოგს სულაც არ ადარდებს თუ რას მღერის ლელა და თავის კოლეგებთან ერთად მეტად საჭირბოროტო საკითხზე საუბრობს ან თუნდაც იმ ხუმრობებზე იცინის, რომელიც მხოლოდ მის გარშემო მყოფმა რამდენიმე ადამიანმა იცის.

საღამოზე გამართულ ფურშეტს არც სასმელი აკლია და არც საკვები. ყველა, მიუხედავად განსხვავებული მუსიკალური გემოვნებისა ცდილობს საღამოთი დატკბეს და სიამოვნება მიიღოს შეკრებილ სტუმრებთან ურთიერთობით. ლელასთან არავინ მირბის, მიკროფონს ხეიდან არავინ გლეჯს და რაც მთავარია, “დოლჩე გაბანას” კაბაზე იაფფასიან ღვინოს არავინ ასხამს. ამის გასაკეთებლად მათ დრო მოგვიანებითაც ექნებათ, თუმცა გულის მოფხანა მხოლოდ A4-ის ქაღალდის ფურცელზე შეუძლიათ, რომელსაც კომპანიის ფოიეში გააკრავენ და ანონიმურად თუ ღიად დაეთანხმებიან ან შეეწინააღმდეგებიან ამ ერთის უკმაყოფილებას.

ფურცელზე არაფრის მომცემი კრიტიკაა, რომელსაც ავტორის ქვეშემდომები ბრმად ენდობიან და მისი ნდობის მოსაპოვებლად მის აზრზს გონების გაუნძრევლადაც კი ეთანხმებიან. ავტორი კი ამ დროს არც ივენთ-მენეჯერია და არც ვოკალური მონაცემებით გამოირჩევა, თუმცა, რახან ლელას სიმღერის ტექსტებსა ბენდის დაკრულს აკრიტიკებს, სხვას ჰგონია და ალბათ საკუთარი თავიც დააჯერა, რომ იგი უკეთეს ღონისძიებას ჩაატარებს, უკეთეს მომღერლებსაც მოიწვევს, აი ისეთებს, როგორიც “მგზავრებია” და უკეთეს სიმღერებსაც შესთავაზებს, რომელსაც ყველა ყურისგდებით მოუსმენს.

რეალურად კი გამბედაობა არ ჰყოფნის ასეთი ნაბიჯის გადასადგმელად და ჩუმად, მაგრამ ყველას დასანახად ურჩევნია რომ ფურცელზე დაწერილი კრიტიკა საჯაროდ გამოჰკიდოს კედელზე, რათა ყველამ შეძლოს მისი წაკითხვა და გონების გაუნძრევლად ვირტუალური მხარდაჭერები მოიკრიბოს.

ხოლო მაშინ, როდესაც ახალი თანამშრომლები ამ ღონისძიებაზე პირველად არიან და მცირე შენიშვნების გარდა მთლიანობაში კმაყოფილნი რჩებიან, შეფასების ფურცელს 5-იანზე ავსებენ და მომავალში კიდევ უფრო უკეთესი ივენთის მოლოდინში რჩებიან. კიდევ უფრო მეტი და ახალი სიმღერის მოსმენაში, ახალი თანამშრომლების გაცნობაში, რომლებთანაც ურთიერთობა შემდგომში შესაძლოა “სლუჟებნიი რამანშიც” კი გადაიზარდოს  და რაც მთავარია დაწინაურებისა და სცენაზე, ერთხელ მაინც გამოსვლის სურვილით და იმედით რჩებიან.

ლელასთვის კი ასეთ ივენთზე პირველად სიმღერა, თუ მრავაწლის გამოცდილება იმ აზრს უმკვრივებს, რომ ყოველთვის იარსებებს მადლიერი მსმენელი, რომელიც მის კომპაქტ დისკებს სიამოვნებით იყიდის და მის სიმღერებსაც სიამოვნებით მოისმენს, იარსებებენ ადამიანები, რომელთა გემოვნებაში არცერთი მუსიკალური ჟანრი არ შევა და მისი რეპერტუარის მოსმენის შემდეგ უკმაყოფილონი კვლავინდებურად დაფაზე გამოაკრავენ თავიანთ მწუხარებასა და დარდს. ყოველთვის იარსებებს პოზიცია და ოპოზიცია, მთავარია ლელა კარგად დაფიქრდეს და მიხვდეს, რომელი მხარისთვის უნდა იმღეროს.

იმედი მაქვს ამ შედარებით მეტაფორულ პოსტს შესაბამისად გაიგებთ, სწორად აღიქვამთ და გადაწყვეტთ, არსებული ლელა გირჩევნიათ, თუ შორეული “მგზავრები”.

Justin Bieber Fail

მე ძალიან მიყვარს ჯასტინ ბიბერი, შენ? ♥ ♥ ♥

დრო და დრო ამ პიროვნების შესახებ საინტერესო სიახლეებს შემოგთავაზებთ ხოლმე : )

სად?

თითქმის ყველგან. ძირითადად ქალაქის ცენტრალურ ნაწილებში, ბარებსა და კაფეებში. განსაკუთრებით PUB-ებში “პეროვსკაიას” ქუჩაზე, “დონატებში” აბაშიძეზე და სხვ.

ლანდიშა - სათვალეების გარეშე

ასევე ტრანსპორტში, ამ ბოლო დროს განსაკუთრებით ავტობუსებში, უფრო ხშირად #14 ნომერში, რადგან ტაქსის ფული ნაკლებად მაქვს და ამიტომაც ბილეთსაც არასდროს არ ვიღებ. თუ კონტროლიორი გამაჩერებს და ბილეთის წარდგენას მთხოვს, მაშინ თავქუდმოგლეჯილი გავრბივარ ხოლმე და ჩემი დილის გავარჯიშებაც ეს არის

ზაფხულში და კარგ ამინდში ძალიან მიყვარს ბაღებში, სკვერებში და მსგავს ადგილებში ყოფნა, ასე რომ ძალიან ხშირად შესაძლოა მიხილოთ “მთაწმინდის პარკში”, “ვერის ბაღში”, კუს ტბაზე და სხვ. ძირითადად ლუდის ბოთლით ხელში : )

როგორ?

მუსიკას ყველა ბლოგერი უსმენს, გამონაკლისი არც მე ვარ, შესაბამისად როდესაც “ნაუშნიკები” მაქვს ხოლმე და შორი გზა გასავლელი (ტრანსპორტით თუ ფეხით), საყვარელ მუსიკას ჩავრთავ და ან ღიღინით, ან მხოლოდ ტუჩების მოძრაობით ვცდილობ გრძელი და უინტერესო გზის დაძლევას (მგზავრობას ვერ ვიტან).

თუ თეთრ პერანგში (ჩვენ ენაზე საროჩკაში) გამოწყობილი ახალგაზრდა ბიჭი დაინახეთ, რომელსაც ყურში “ნაუშნიკები” აქვს გაკეთებული, პირს ან ხელებს უცნაურად ამოძრავებს, ე.ი. იგი ცდილობს მუსიკის რითმსა და ტექსტს აჰყვეს და დიდი შანსია ეს ბიჭი მე ვიყო, ასე რომ მიდით ერთხელ მასთან, სთხოვეთ ყურებიდან “ნაუშნიკების” გამოძრობა და ჰკითხეთ “შენ ლანდიშა ხო არ ხარ?” : )

იმიჯი და ტიპაჟი რამდენიმე მაქვს, დღეს შესაძლოა სხვანაირად გამოვიყურებოდე, ხვალ კი სულ სხვანაირად. თუმცა ძირითადად, ზაფხულის პერიოდში, თეთრი საროჩკა ან მაისური, თეთრი ბოტასი ან კეტები, და ბრიჯები მაცვია ხოლმე.

ლანდიშა - სათვალეებით

არ მიყვარს კეპი და ქუდები, შესაბამისად ჩემს თავზე მათი არსებობის ალბათობა წელიწადის ნებისმიერ დროს ძალიან მცირეა. მიყვარს სათვალე, თუმცა ამ ბოლო დროს რატომღაც ყველა სათვალე მიტყდება. ამიტომაც შესაძლოა მხოლოდ ლინზებით (და 100%-იან გარანტიას გაძლევთ რო მანამ თვალებში არ ჩამხედავთ, ვერ შეამჩნევთ) ვიმოძრაო.

წვერი ოდნავ მაქვს მოშვებული, როცა ძალიან გრძელად და შემაწუხებლად მომეჩვენება იგი, ვიპარსავ ხოლმე, თუმცა ასეთი რამ დაახლოებით 2 თვეში ერთხელ ხდება, შესაბამისად ჩემი ნახვის შანსი წვერებით უფრო დიდია, ვიდრე მის გარეშე.

მოკლედ, ასე მარტივად შემიძლია აგიღწეროთ საკუთარი თავი, თუ რამე კითხვა გექნებათ, კომენტარის ფორმის საშუალებით შეგიძლიათ დამისვათ : )

თამაში კი ლეონსიომ, ეკატერინემ და ფსიქემ განაგრძონ.

გასულ შაბათ-კვირას კომპანია “ნატახტარმა” სასიამოვნო სიურპრიზი გაგვიკეთა ლუდის მოყვარულებს – საქართველოში პირველად ჩაატარა ლუდის ფესტივალი.

Tbilisi Beer Festival

ალბათ ჩვეულებად იქცა, რომ ყველაფერი პირველი საქართველოში პირველ საათზე უნდა დაიწყოს. ფესტივალიც სწორედ შაბათ დღეს, დღის პირველ საათზე დაიწყო.

ივნისის აუტანელ სიცხეს არც ორგანიზატორები შეუშინებია და არც იქ მისული სტუმრები. მზისაგან შეშინებული ალბათ მხოლოდ მე დავრჩი, რის გამოც მხოლოდ საღამოს გადავწყვიტე ვარდების მოედანზე მისვლა.

ხალხმაც სწორედ ამ დროს იმატა. ყოველ ნაბიჯზე ნახევრად შეზარხოშებული ახალგაზრდები კათხას კათხაზე ცლიდნენ, თივაში წამოწოლილიყვნენ და მწვადს მიირთმევდნენ. ბევრმა ამ დღის თავის მეხსიერებაში შენახვა გადაწყვიტა და ფოტოაპარატით შეიარაღებული მოვიდა.

დრო და დრო ფეხბურთის მატჩებს ქართველი შემსრულებლების სცენაზე გამოსვლა, შეჯიბრებები ლუდის სმაში და სხვადასხვა კონკურსები ენაცვლებოდა. დრო ხალისიანად გადიოდა, მოწყენილს ვერავის ნახავდით.

ასე მიილია ერთი და დაიწყო მეორე დღე, ზუსტად იგივე განრიგით, იგივე საზოგადოებით და რაც მთავარია იგივე განწყობით. რაღაც დაუჯერებელ ზღაპარს ჰგავს არა? რეალურად კი …

… ნახევარ-ლიტრიანი მუყაოს ქილები სავსე იყო რაღაც ამჟავებული ლუდით, რომლის გასინჯვაც მხოლოდ იმის გამო მომიწია, როდესაც ჩემს გვერდზე მყოფთ მისი გემო ძალიან ეუცნაურათ, ფასი კი ასეთი სასმელისათვის საკმაოდ ძვირი – 1,5 ლარი იყო.

რეპერტუარები, რომლებიც ქართველ მსმენელს უკვე ყელში აქვს ამოსული, განსაკუთრებით კი აქცენტის არ მქონე ვოკალისტების ღრიალი სცენაზე, რაც საერთოდ გაუგებარს ხდის ლირიკის გარჩევას, ხოლო დინამიკებიდან მუსიკალური “ხმაურის” გარდა ჩვენი ყურები რაიმეს გაგონების ლამობას იწყებს.

წამყვანის მაღალი ხმის ტემბრი კი საკმარისს ხდის ჩემნაირ ყრუსაც თავი აატკიოს, სხვა რომ არაფერი ვთქვათ მის შეძახილებსა და კონკურსანტების გასამხნევებლად გამოყენებულ ფრაზებზე.

ამ რეალობამ შემდეგ შეკითხვებამდე მიმიყვანა:

რატომ უნდა ტარდებოდეს ასეთი ტიპის ღონისძიებები ასეთ აუტანელ სიცხეში, მაშინ როდესაც იგივეს გაკეთება შესაძლებელი იყო რამდენიმე თვით ადრე, ან უკეთეს შემთხვევაში სექტემბერ-ოქტომბერში, როგორც ეს “ოქტობერფესტზე“?

რატომ ხდება საჭირო, რომ ყველაფერი ქალაქის ცენტრში გაკეთდეს, გადაიკეტოს გზები და შეფერხდეს მოძრაობა? მაშინ როდესაც ჯერ კიდევ არსებობს ისეთი ადგილები, როგორიცაა მზიური, იპოდრომი და სხვ.?

რატომ უნდა ყველა კომპანიას მსგავსი სახის აქციებისგან ფულის ამოღება და არა ჩადება (ვგულისხმობ ნორმაზე მეტ ფასს ადგილზე გასაყიდ პროდუქტებზე და ა.შ. თორემ ის ისედაც ნათელია, რომ ეს იგივე რეკლამაა და მათ სამომავლო რეპუტაციაზე იმოქმედებს და ა.შ.) ?

მაგრამ მიუხედავად ამ ყველაფრისა მომხმარებელიც კმაყოფილია, რადგან უკეთეს ადგილას ამ დღეებში ვერც წავიდოდა; მომწოდებელიც, რადგან ასეთი მომხმარებლების მიზიდვა მომგებიანად შეძლო და სხვ.

თუმცა ბოლოს, ერთ მეტად რიტორიკულ შეკითხვაზე გთხოვთ პასუხის გაცემას: როდისმე გაკეთდება ყველაფერი ისე, როგორც საჭიროა? : )

Google Docs Logo

ერთ-ერთი საინტერესო განახლება real-time რედაქტირებაა, რაც საშუალებას გაძლევთ რამდენიმე ადამიანს, იმუშაოთ ერთ ან რამდენიმე დოკუმენტზე ერთდროულად. თქვენ ასევე შეგიძლიათ თვალი ადევნოთ სხვა რედაქტორების მუშაობის პროცესსაც.

ამ რედაქტირებასთან ერთად დამატებულია ჩათის ფუნქციაც, რაც თქვენს კოლეგებთან სწრაფი და მარტივი კავშირის საშუალებას მოგცემთ. 

Google Docs (გასადიდებლად დააჭირეთ სურათს)

ამას გარდა, დოკუმენტებთან მუშაობისას გაადვილებულია სურათის ან რაიმე ტექსტური ნაწილის ერთი ადგილიდან მეორეში გადატანა drag and drop-ის საშუალებით. თქვენ ასევე შეგიძლიათ კომენტარების დამატებაც.

რაც შეეხება Google Spreadsheet-ს, აქ უკვე შესაძლებელია Exel-ის ფორმულების გამოყენება,  ველების გამარტივებული რედაქტირება და სვეტების ერთი ადგილიდან მეორეში (drag and drop-ით) გადატანა.

Google Docs Spreadsheet (გასადიდებლად დააჭირეთ სურათს)

გუგლს არც Google Drawing-ის შესახებ დავიწყებია. ახლა უკვე ძალიან მარტივად შეიძლება შექმნათ რუკები, სტატისტიკა და სხვ.

Google Docs Drawing (გასადიდებლად დააჭირეთ სურათს)

დეტალებში უკეთ გარკვევისთვის იხილეთ ეს ვიდეო და გადახედეთ Google Docs-ის დოკუმენტაციას.

ვფიქრობ, ეს ცვლილებები საკმაოდ დროული აღმოჩნდა, თუ გავითვალისწინებთ Microsoft-ის პროდუქტს Docs.Com-ის UI-ის (სამომხმარებლო ინტერფეისს) და ფუნქციების არსებობას. თქვენ რას ფიქრობთ? მოგწონთ ეს განახლებები? და საერთოდ იყენებთ თუ არა Google Docs-ს? და გამოიყენებთ თუ არა მას ამ ცვლილებების შემდეგ? : )

ბმული – http://www.youtube.com/watch?v=4wT7zM8XgXQ

შეკითხვები გაქვთ? : )

Deep Purple - Georgian Fans Sprinter

გათენდა, დილის 6 საათზე უკვე ფეხზე ვიდექი, მივიღე შხაპი და პატარაზე ვისაუზმე. ცოტა ხანში გზას გავუდექი, ტაქსით დანიშნულ ადგილას მივედი, სადაც უკვე Deep Purple-ს ფანები შეკრებილიყვნენ და გასამგზავრებლად ემზადებოდნენ.

გასვლა დილის 7 საათზე უნდა ყოფილიყო, ამიტომაც სწორედ ამ დროისთვის დაგვიბარეს ყველანი, თუმცა გასაკვირი არავისთვის იყო, რომ 8 საათისთვის ჯერ კიდევ არ დავძრულვართ ადგილიდან. ბოლოს როგორც იქნა, ყველანი შეიკრიბნენ, ავტობუსებში გადაგვანაწილეს და ერევნისკენ გავეშურეთ.

დაახლოებით საათ-ნახევარში საქართველო-სასომხეთის საზღვარსაც მივადექით, სადაც რამდენიმე ასეული პიროვნებისგან შემდგარ უზარმაზარ რიგში მოგვიწია დგომა. საქართველოდან შინ დაბრუნებას ჩვენს რიგში არსებული სომხები რიგის დარღვევით ცდილობდნენ. ზოგს გამოუვიდა და შინ მალე დაბრუნდა, ზოგს კი ჩვენზე დიდ ხანს მოუწია ლოდინი.

რიგში დგომისას ერთ საინტერესო პლაკატს წავაწყდით, რომელზეც ნახსენები იყო, რომ სომხეთიდან ხორცის პროდუქტების გადმოტანა იკრძალებოდა.

აკრძალული პროდუქტი (გასადიდებლად დააჭირეთ ფოტოს)

დაახლოებით 2 საათიანი ლოდინის შემდეგ ჩვენი ძმობილი ქვეყნის მიწაზე აღმოვჩნდით, სადაც მცირე დრო წასახემსებლად გამოვყავით, ხოლო ამის შემდეგ დაიწყო გრძელი და შეუწყვეტელი გზა სომხეთის დედაქალაქისკენ.

როდესაც ერევანში ჩავედით, “ელიტ-ტურის” წარმომადგენლებმა მცირე სიურპრიზი დაგვახვედრეს, კერძოდ კი სასტუმროებისა და ჰოსტელების ტაქსებით ძებნას შეუდგნენ. ამ ბოდიალის დროს გზაზე მოხდა ის, რასაც მხოლოდ ქართველი თუ გააკეთებდა. რუსთაველის გამზირის მაგვარ ადგილას ერთ-ერთი ავტობუსის მძღოლმა სრულიად მოულოდნელად გზის ერთი ნაწილიდან მეორე ნაწილში, საპირისპირო მიმართულებით მავალი ავტომობილების ხაზზე გადმოუხვია, (რის გამოც, რამდენიმე წამით მოძრაობაც კი შეფერხდა) რაც სრულიად გასაკვირი აღმოჩნდა, ჩვენთვის თუ არა, ადგილობრივი მოსახლეობისთვის მაინც.

მიუხედავად იმისა, რომ სასომხეთში ჯერ კიდევ საბჭოთა კავშირის დროინდელი ფორმებით იყვნენ იქაური პოლიციელები შემოსილნი, ჩვენი მძღოლისთვის ჯარიმის გამოწერა არ გასჭირვებიათ.

ქართველი მძროლის დაჯარიმება ერევანში (გასადიდებლად დააჭირეთ ფოტოს)

ბოლოს, როდესაც პატიოსანმა პოლიციელმა თავისი დავალება პირნათლად შეასრულა და ჩვენც გამოგვიშვა, თავისუფალი დრო აღარ გვქონდა, რათა სასტუმროსა და ჰოსტელში 1 საათით მაინც დაგვესვენა, ამიტომ პირდაპირ “კამერ დემირჩიანის სპორტისა და საკონცერტო კომპლექსს” მივადექით, სადაც ის უნდა მომხდარიყო, რისთვისაც მთელი ეს გზა ვიარეთ.

კამერ დემირჩიანის სპორტისა და საკონცერტო კომპლექსი (გასადიდებლად დააჭირეთ ფოტოს)

მე Deep Purple-ს უზარმაზარი პლაკატის ქვეშ (გასადიდებლად დააჭირეთ ფოტოს)

თურმე, არაპუნქტუალურობის უნარით ქართველებზე მეტად თუ არა, არანაკლებ სომხებიც არიან დაჯილდოებულნი. კონცერტი ერევნის დროით 19 საათზე უნდა დაწყებულიყო (ისინი ჩვენზე 1 საათით წინ არიან), თუმცა გრძელ რიგში დგომას არც აქ ავცდით და ამის გამო დაგეგმილი ღონისძიება 1 საათით გვიან დაიწყო.

სომხური მზის სხივებისგან დახუნებულნი ფოიეში შესვლისას ამოსუნთქვას ვცდილობდით და კონცერტისთვის ვემზადებოდით. ამასობაში თავს იქ შეყრილი ადგილობრივი მოსახლეობის ცქერით ვირთობდით. პირველი შთაბეჭდილება მათ შესახებ ისეთი იყო, თითქოს წარმოდგენა არ ჰქონოდათ, თუ სად იყვნენ. ამაში მათმა არაშესაფერისმა ჩაცმულობამ და სახის გამომეტყველებამ დაგვაეჭვა. ზოგიერთი მათგანი “ოპერის ბინოკლითაც” კი მოსულიყო. ამის შემდეგ ჩვენი ადგილები დავიკავეთ და დარბაზის შევსებას დაველოდეთ.

შესავსები დარბაზი (გასადიდებლად დააჭირეთ ფოტოს)

ერევნის დროით 8 საათის გახდომას სცენაზე ლეგენდარული ჯგუფის წევრების გამოსვლაც მოჰყვა. როდესაც პირველი შესრულებული სიმღერის, Highway Star-ის, მელოდია ვიცანით, ამ დროს ყველანაირი დაღლილობა და უძილობა გადაგვავიწყდა. ყველანი რაღაც დადებითი ემოციით დავიმუხტეთ და რაღაც უცნაური ძალით აღვივსეთ. ქვემოთა პარტერში მჯდარი ქართველი ახალგაზრდების უმეტესობამ სცენისკენ თვალის დახამხამებაში გადაინაცვლა და დროშის ქნევითა და ხტუნვით ცდილობდნენ ჯგუფის წევრების ყურადღების მიპყრობას.

Deep Purple on Stage (გასადიდებლა დააჭირეთ ფოტოს)

დაახლოებით ორ საათიანი კონცერტის მსვლელობისას ენით აუწერელი სიამოვნება მივიღე. ოდნავ მოშორებით ჯდომას (ან ფეხზე დგომას) ამ შემთხვევაში ერთი ძალიან კარგი პლიუსი ჰქონდა, ინსტრუმენტებისა და ვოკალის ხმა უკეთ გვესმოდა, წინ მდგარი ფანებისგან განსხვავებით. ხმის სისტემას სომხებს ნამდვილად ვერ დავიწუნებდით, პირიქით მსგავსის ქონას ჩვენს ქვეყანაშიც კი ვისურვებდი. ერთადერთი ხარვეზი, რაც კი შეიძლებოდა ყოფილიყო, ის იყო, რომ 2 არსებული  უზარმაზარი მონიტორიდან ერთ-ერთი რიგ-რიგობით ითიშებოდა ხოლმე, თუმცა ამას ვინღა ჩიოდა, ჩემს წინ ცოცხალი ლეგენდა, იან გილანი და ჯგუფის სხვა წევრები იდგნენ და ჩემთვის საყვარელ სიმღერებს უკრავდნენ. ასეთი რამ, მხოლოდ თუ დამესიზმრებოდა.

სომეხ გიტარისტს, სურენ არუსტამიანს, DP-ს ჯგუფის წევრებთან ერთად კონცერტზე დაკვრის საშუალებაც მიეცა. იხილეთ ვიდეო.

ვიდეოს ბმული – http://www.youtube.com/watch?v=3rqIzjT7jJc

მისმა გამოსვლამ და თანამემამულის სცენაზე დანახვამ გამოაცოცხლა სომეხი მსმენელი, თუ უბრალოდ მათთვის ნაცნობი სიმღერის გაგონებათ, არ ვიცი, მაგრამ, ფაქტი ერთია, მხოლოდ ამის შემდეგ წამოდგნენ ისინი ფეხზე და მოვიდნენ ენერგიაზე, რის შემდეგაც ტაშის დაკვრაც კი არ დაიშურეს ჩამოსული სტუმრებისთვის.

გასაოცარია, თუ კი როგორ ახერხებს 60 წელს გადაცილებული ადამიანი საკუთარი თავის ასეთ კარგ ფორმაში შენარჩუნებას, სცენაზე 2 საათის განმავლობაში აქეთ-იქით სირბილსა და ხტომას.

იან გილანი მზის სათვალეებში (გასადიდებლად დააჭირეთ ფოტოს)

თანაც შარშან, სტამბულში ჩატარებულ კონცერტზე მყოფი ქართველი ფანების თქმით, იგი წელს ბევრად უკეთეს ფორმაში ყოფილა, ვიდრე ერთი წლის წინ.

სტივ მორსის “ტანში ჟრუანტლის გამცემი” სოლოები კი ცალკე თემაა, რომლის ჩაღრმავებაც შორს წაგვიყვნს.

სტივ მორსი სოლოს შესრულების დროს (გასადიდებლად დააჭირეთ ფოტოს)

კონცერტის დასრულების შემდეგ სასტუმროსა და ჰოსტელებში გადანაწილების დროც დადგა, თუმცა ჰოსტელის ნაცვლად რატომღაც თავი Eurasia International University-ს საერთო საცხოვრებელში ამოვყავით, რომელიც ჩემდა გასაკვირად საკმაოდ “სუფთა” და კარგად მოწყობილი აღმოჩნდა რბილი საწოლებითა და აბაზანაში თბილი წყლით.

Eurasia International University (გასადიდებლად დააჭირეთ ფოტოს)

ოთახების გადანაწილების შემდეგ “ელიტ-ტურის” ერთ-ერთმა წარმომადგენელმა კიდევ ერთი მოულოდნელი სიურპრიზი გაგვიკეთა, გვახარა ამბით, რომ დილას საუზმე დაგვხვდებოდა, რომელიც თურმე აქამდე არ შედიოდა პაკეტში და შემდეგ მათი თხოვნით ჩაუმატებიათ .

საწოლის გაწყობისა და ვახშმის შემდეგ დასაძინებლად მოვემზადეთ, წინ კიდევ ერთი საინტერესო დღე გველოდა “ეჩმიაძინისა” (მე  კი რატომღაც HP1 გავიგონე ) და სევანის ტბის დათვალიერებით.

დილას დაპირებული საუზმე დაგვხვდა, რომელიც სხვათაშორის არც თუ ისე ურიგო აღმოჩნდა. განსაკუთრებით კი სომხური ყველი მომეწონა (თუ ვინმემ იცით თბილისში, რომ სადმე იყიდებოდეს, გთხოვთ კომენტარის სახით მაცნობოთ).

საუზმე უნივერსიტეტის სამზარეულოში (გასადიდებლად დააჭირეთ ფოტოს)

საუზმე უნივერსიტეტის სამზარეულოში vol.2 (გასადიდებლად დააჭირეთ ფოტოს)

საუზმის შემდეგ კი დადგა დრო ჰოსტელისა და სასტუმროს მცხოვრებნი ერთად დავრაზმულიყავით და მოგვენახულებინა ზემოხსენებული ადგილები. ამიტომაც გავედით ქალაქის ცენტრში და იქ შევიკრიბეთ. მანამ, სანამ ყველა მოვიდოდა, დრო გვქონდა იქაურობა დაგვეთვალიერებინა და რამდენიმე ფოტოც გადაგვეღო.

სასტუმრო Marriott ერევნის ცენტრში (გასადიდებლად დააჭირეთ ფოტოს)

სასომხეთის ეროვნული მუზეუმი ერევნის ცენტრში (გასადიდებლად დააჭირეთ ფოტოს)

მთავრობის სახლი ერევნის ცენტრში (გასადიდებლად დააჭირეთ ფოტოს)

ფოტოსესიის შემდეგ, როდესაც ჩვენ ჩვენს ტრანსპორტში განვთავსდით, “ელიტ-ტურის” წარმომადგენლებისგან კიდევ ერთი სიურპრიზი მივიღეთ (მოკლედ ამათმა მაგრად გაგვანებივრეს მსგავსი სიურპრიზებით რა ).

თურმე მძღოლები არანაირ ინფორმაციას არ ფლობდნენ დამატებითი მგზავრობის შესახებ, კერძოდ კი “ეჩმიაძინში” და სევანის ტბაზე გამგზავრებას. ისინი მხოლოდ ინფორმირებულნი იყვნენ თბილისი-ერევანი და ერევანი-თბილისის მარშრუტის გავლით. მოკლედ ამ გაუგებრობის შემდეგ, როგორც იქნა დავითანხმეთ მძღოლები და გავეშურეთ სამონასტრო კომპლექსისკენ.

"ეჩმიაძინის" სამონასტრო კომპლექსი (გასადიდებლად დააჭირეთ ფოტოს)

"ეჩმიაძინის" სამონასტრო კომპლექსი vol.2 (გასადიდებლად დააჭირეთ ფოტოს)

"ეჩმიაძინის" სამონასტრო კომპლექსი vol.3 (გასადიდებლად დააჭირეთ ფოტოს)

"ეჩმიაძინის" სამონასტრო კომპლექსი vol.4 (გასადიდებლად დააჭირეთ ფოტოს)

ამ კომპლექსით დიდად დაინტერესების სურვილი ბევრს არავის გასჩენია და ამიტომაც ვეცადეთ მალევე ტბისკენ გავმგზავრებულიყავით. აღსანიშნავია, რომ არც ორგანიზატორებმა და არც მძღოლებმა არ იცოდნენ, არც ამ კომპლექსის და არც სევანზე მისასვლელი გზა, რომ აღარაფერი ვთქვათ სასტუმროებსა და ჰოსტელებზე. ამიტომაც ერთ-ერთ მათგანს უწევდა ტაქსებით აქეთ-იქით სირბილი და ჩვენთვის გზის გაძღოლა. თუმცა ბოლოს, ჩვენი სამარშრუტო ტაქსი კოლონას გამოეყო და დამოუკიდებლად განაგრძო გზა.

ბოლოს როგორც იქნა, 70 კმ-ს გავლის შემდეგ “სომხების სიამაყეს”, სევანის ტბას მივადექით. პირველი შთაბეჭდილებები შემდეგნაირი იყო: “ახლა მესმის, რატომ ჩამოდის მთელი სასომხეთი აჭარაში დასასვენებლად” . ტბა იმ დროისთვის საკმაოდ სუფთა და წყნარი იყო. რომ არა ცივი ნიავი და საცურაო კოსტუმის არქონა, ალბათ შევცურავდი კიდეც : ) . თუმცა ცურვისთვის ვის ეცალა, მთელი გზა შიმშილით ლამის დავიხოცეთ. ამიტომაც ტბის პირას არსებულ ერთ-ერთ “ზაბეგალოვკაში” შევიარეთ და სუფრა გავაშლევინეთ.

სევანის ტბა (გასადიდებლად დააჭირეთ ფოტოს)

სევანის ტბა vol.2 (გასადიდებლად დააჭირეთ ფოტოს)

სევანის ტბა vol.3 (გასადიდებლად დააჭირეთ ფოტოს)

სევანის ტბა vol.4 (გასადიდებლად დააჭირეთ ფოტოს)

ნახევარ-საათიანი ლოდინის შემდეგ მაგიდას ნელ-ნელა შემწვარი თევზი, ქაბაბი, მწვადი და სალათა ავსებდა, ყოველ სადღეგრძელოზე დაცლილ ჭიქებს კი ხან კონიაკი, ხანაც არაყი ენაცვლებოდა. კერძები საკმაოდ გემრიელი აღმოჩნდა, ერთი-ორჯერ გავიფიქრეთ კიდეც: “სომხებს მწვადის შეწვაც კი სცოდნიათ” თქო.

თუმცა სანამ სუფრაზე პირველი კერძი გამოჩნდებოდა, აქა-იქ მოსალოდნელი (predictable) ხუმრობებით ვირთობდით თავს, როგორიცაა “ალბათ ახლა იჭერს თევზს ტბაში” და სხვ. .

როდესაც ყველანი დავნაყრდით, დადგა დრო, შინ დავბრუნებულიყავით. მოვითხოვეთ ანგარიში და გადაანგარიშებისას თანხაში ჩვენი მოტყუების მცდელობისას ისინი რამდენიმე ათას დრამს შეეწირნენ, თუმცა მემგონი მაინც მოტყუებულნი უფრო ჩვენ დავრჩით და აქეთ შევეწირეთ არსებულ თანხას .

ანგარიშსწორების შემდეგ სამარშრუტო ტაქსში ადგილები დავიკავეთ და სამშობლოსკენ გამოვემგზავრეთ. თბილისში დაახლოებით ღამის 11 საათისთვის ვიყავით. ასე დასრულდა ჩვენი ორ-დღიანი მგზავრობა ერევანში, Deep Purple-ს კონცერტზე.

ელიტ-ტურის შესახებ

ფასი და მომსახურების ხარისხი ამ 2 დღის განმავლობაში შესანიშნავად დაეტყო ამ კომპანიის იმიჯსა და რეპუტაციას და მომეცა საშუალება ჩემი აზრი შემქმნოდა ამ კომპანიის შესახებ. მათ მიერ სიურპრიზებით განებივრებულმა ახლა უკვე ვიცი, თუ რომელ ტურისტულ კომპანიას უნდა მივმართო და რომელს არა, თუ კი ქვეყნიდან გამგზავრების სურვილი გამიჩნდება.

ერევნისა და სომხების შესახებ

ქალაქი ძალიან ჰგავს თბილისს, რომელიც დაახლოებით 10-15 წლის წინ იყო; რუსული მარკის ავტომობილები, უსწორ-მასწორო გზები და სხვ. თუმცა თბილისთან შედარებით ქალაქი ბევრად სუფთაა, ვერსად ვერ ნახავთ დაყრილ ნაგავს, ყოველ შემთხვევაში ქალაქის ცენტრში მაინც.

ქალაქის ყველა შენობა ერთმანეთს აგურებით/ბლოკებით აშენების გამო ერთმანეთს ძალიან ჰგავს. ფერების გემოვნებაში ცოტას მოიკოჭლებენ, თითქმის ყველაფერი ნარინჯისფრად შეღებილი, თანაც ისეთი ნარინჯისფრით, მზეზე გახუნებულს, რომ ჰგავს.

მოზარდი გოგოების ნაწილი ცდილობს გამომწვევად ჩაიცვას, მიუხედავად იმისა უხდება თუ არა მას ესა თუ ის სამოსი. მამაკაცების ნაწილი კი გამოირჩევა თეთრი შარვლის ჩაცმულობით. მოკლედ ჩაცმულობის გემოვნებაშიც მოიკოჭლებენ.

2 epic შეკითხვა:

და ალბათ ერთ-ერთი მთავარი მიზეზი, რომელმაც ჩემი მოგზაურობა საკმაოდ ხალისიანი გახადა. კონცერტის დასრულების შემდეგ მძღოლს რატომღაც ასეთი ტიპის შეკითხვა დაებადა და დამისვა: “ცოცხლად დაუკრეს?” .

და მეორე შეკითხვა, რომელიც შარშან, სტამბულში მგზავრობისას დასმული იქნა ერთ-ერთი ჟურნალისტის მიერ: “გილანმა ინგლისური იცის?”.

თუ გავითვალისწინებთ მათ პროფესიებს და სამუშაო ადგილებს, მეორე შეკითხვა მეტად ეპიკურია, ვიდრე პირველი

რა დამრჩა ამ მოგზაურობის შემდეგ?

ამ მოგზაურობის შემდეგ დამრჩა:

• ძალიან კარგი და ტკბილი მოგონებები, რომელიც არასდროს დამავიწყდება
• რამდენიმე GB ფოტო და ვიდეო მასალა
• - (მინუს) რამდენიმე ასეული ლარი
• ახალი შეძენილი მეგობრები და ძველებთან გამყარებული ურთიერთობები
• და რაც მთავარია, ეს:

Deep Purple-ს კონცერტის ბილეთი (გასადიდებლად დააჭირეთ ფოტოს)

პ.ს. რაც ჩამოვედი, მას მერე ვცდილობ ამ ფოტოების შეგროვებას და პოსტის დამთავრებას, რომელიც საკმაოდ გრძელი გამომივიდა და ჩემი აღფრთოვანებები მას, ვისაც ეყოფა გამძლეობა და  ამას ბოლომდე წაიკითხავს : ).

მანამ მესიჯს გავხსნიდი, ჩანდა მხოლოდ შემდეგი ტექსტი: “momenatre, gelode” და მეთქი ვა, ვიღაც ნაშას მოვენატრე და სადღაც მელოდება თქო. თვალები გამიბრწყინდა და წინასწარ მოვემზადე გრანდიოზული დღისთვის .

ტაო პრივატ ბანკი

ხოლო როდესაც დროისა და ადგილის გასაგებად მთლიან მესიჯში შევედი მის წასაკითხად, დამხვდა შემდეგი სახის შეტყობინება: “momenatre, gelodebi TaoPrivatBankshi. Sheni sakredito barati ” და ვიფიქრე, მეთქი რაღაც მეშლება, თუმცა ჯერ არ ვიყავი ბოლომდე გამოფხიზლებული, მაგრამ არც წინა ღამეს დაიმლევია იმდენი, რომ მეორე დღეს ვეღარ მეაზროვნა .

ბოლოს გამახსენდა, რომ წინა პარასკევს განაცხადი შევიტანე ამ ბანკში საკრედიტო ბარათის აღებასთან დაკავშირებით, რომელიც მომდევნო დღეს უკვე მზად იყო, თუმცა მას შემდეგ მოყოლებული დღემდე, ვერა და ვერ მოვახერხე მისი გამოტანა. ამის შემდეგ გავიდა ერთი კვირა და როგორც ჩანს 7 დღის განმავლობაში გამოუცხადებლობის შემთხვევაში ასეთი ტიპის მესიჯები იგზავნება კლიენტებთან.

თქვენი არ ვიცი და მე მესიჯზე ცალკე და საკუთარ თავზე ცალკე მაგრად ვიხალისე .

მიმაჩნია, რომ ასეთი ტიპის “მეგობრული” მიდგომა კლიენტებთან ძალიან წაადგებათ მათ. თქვენ როგორ ფიქრობთ? და რას იფიქრებდით, ასეთი მესიჯი რომ დაგვეხდროდათ უცხო ნომრისგან?

Opera Vs. Potato Vs. Google Chrome

ამის საპასუხოდ Opera-მ მსგავსი ტიპის ვიდეო გადაიღო შინაარსით Opera უფრო სწრაფია თუ კარტოფილის მოხარშვა.

Opera Vs. Boiling Potato

ვიდეოს ბმული – http://www.youtube.com/watch?v=zaT7thTxyq8

Google Chrome Speed Tests

ვიდეოს ბმული – http://www.youtube.com/watch?v=nCgQDjiotG0

როგორც პირველი ვიდეოდან გაირკვა, ოპერა ბევრად სწრაფი ყოფილა, ვიდრე კარტოფილის მოხარშვა

პ.ს. ოპერას ეს საპასუხო ვიდეო გადაღებულია ხუმრობისთვის და თუ თქვენ მისი ნახვისას არ გაგეცინათ, ან იუმორის გრძნობა დაკარგეთ, ან Google-ს ერთ-ერთი თანამშრომელი ხართ .

Serv.ge - servers for you

გასული დღეების მანძილზე კი ბლოგი გათიშული იყო. ამ დღეებში ჰოსტს ვიცვლიდი, თუმცა ჰოსტის შეცვლა ასეთი რთული და შრომატევადი ნამდვილად არ არის. არც ამ პოსტს ვწერ მხოლოდ იმიტომ, რომ ახალ ჰოსტზე ვარ, არამედ იმიტომ, რომ მთელი ამ დროის მანძილზე serv.ge-ს ადმინისტრაცია და Cpanel-ის Support Team ჩართული იყო და ერთობლივად ცდილობნენ ჩემთვის, ერთი მოკვდავი ბლოგერისთვის, იმ პრობლემის გადაჭრას, რომელიც ჩემი კაპრიზებიდან გამომდინარე წარმოიშვა.

მაშინ როდესაც სხვა არსებულ ჰოსტებზე ყოფნისას ტექნიკური დახმარების მიღებისთვის მესაჭიროებოდა რაიმე სახის რიგში დგომა ან პასუხისთვის ლოდინი, აქ თითოეულ დასმულ შეკითხვაზე ვიღებდი დეტალურად ახსნილ და გასაგებ პასუხს, იმის თაობაზე, თუ რა პროცესში იყო ჩემს მიერ (კაპრიზნულად) მოთხოვნილი ცვლილებების შეტანაზე მუშაობა.

ამ მხარდაჭერისთვის უდიდეს მადლობას ვუხდი თითეულ იმ პიროვნებას, რომლის დრო და ენერგია დაიხარჯა ჩემი, როგორც ერთ-ერთი კლიენტის სურვილის დაკმაყოფილებისთვის.

ამის შემდეგ კიდევ ერთხელ დავრწმუნდი იმაში, რომ serv.ge-ში ნამდვილი პროფესიონალები მუშაობენ და აწი ჰოსტის შეცვლაც აღარ დამჭირდება.

პ.ს. ამჟამად კი ვცდილობ პოსტი დავწერო იმის თაობაზე, თუ როგორი იყო Deep Purple-ს კონცერტი ერევანში, ასე რომ მოითმინეთ ცოტაც და თქვენ საინტერესო სტატია გელით ფოტო და ვიდეო მასალით : ) .

imo.im - IM your friends online

IMO არის web-based ონლაინ მესენჯერი, რომელიც შემდეგ ჩატ კლიენტებს აერთიანებს:

• Skype
• MSN
• AIM
• ICQ
• Yahoo
• Google Talk
• Myspace
• Faceebok

პირადად ჩემთვის ყველაზე სასიხარულო და მოულოდნელი ფეისბუქისა და სკაიპის აღმოჩენა იყო ამ სიაში, რადგან ყველაზე მეტად ამ 2-ს ვიყენებ ადამიანებთან საკონტაქტოდ და მათი ანალოგიც ჯერ არ შემხვედრია.

ეს საიტი არ საჭიროებს არანაირ რეგისტრაციას. უბრალოდ შედით მოცემულ ვებ-გვერდზე, ჩაწერეთ თქვენი IM (Instant Messenger) მესენჯერი მომხმარებლის სახელი და პაროლი და ესაუბრეთ თქვენს მეგობრებს, კოლეგებს ან ოჯახის წევრებს ყოველგვარი დამატებითი პროგრამის დაყენების გარეშე.

ეს ძალიან კარგია იმ შემთხვევაში, როდესაც ხართ ვინმესთან სტუმრად და მას არ უყენია რომელიმე ზემოხსნებული IM კლიენტი თავის კომპიუტერზე (რაც დღეს-დღეობით რთული დასაჯერებელია, მაგრამ მაინც) და გაქვთ აუცილებელი სალაპარაკო ვინმესთან.

ამ საიტის კიდევ ერთი უპირატესობა იმაში მდგომარეობს, რომ შეგიძლიათ ყველა ექაუნთში ერთდროულად შესვლა, ანუ შეგიძლიათ იყოთ ფეისბუქის ჩატში და სკაიპში ერთდროულად და გქონდეთ მიმოწერა თქვენს ახლობლებთან, როგორც სკაიპის მეგობრების სიიდან, ასევე ფეისბუქის მეგობრების სიიდან.

გარდა ამისა, თქვენ შეგიძლია გქონდეთ ვიდეო და აუდიო ჩატები თქვენს მეგობრებთან ერთად, ანუ ესაუბროთ მათ და ხედავდეთ კიდეც. ეს სიახლე არაა, თუმცა ამ საიტისთვის დამატებითი ფუქნცია პლიუსად ითვლება.

პროექტი მართალია ჯერ ალფა ვერსიაშია და ბევრი რამ დასახვეწია, თუმცა დასაწყისისთვის არც ეს არის ურიგო,  მაშინ როცა ამ საიტს ანალოგი არ ჰყავს http://www.meebo.com/-ს გარდა, სადაც მთავარი პრობლემა  Skype-ს არ არსებობაა.

მოკლედ, მემგონი ცუდი არაა ალტერნატივების ქონა. თქვენ იცოდით ამ საიტის შესახებ? გამოგიყენებიათ როდისმე? თუ არადა, ახლა შესანიშნავი მომენტი გაქვთ გატესტოთ იგი და სამომვალოდ იცოდეთ მისი არსებობის შესახებ.

შედეგი საკმაოდ შთამბეჭდავი აღმოჩნდა, როგორც მიზნობრივი აუდიტორიის, ასევე შემთხვევითი მომხმარებლების თვალსაზრისით.

Google Search Terms

გამოცდილებამ გვაჩვენა, რომ საკმარისია გქონდეთ მაღალი ფეიჯრანკი და ბლოგზე მხოლოდ ერთხელ დაწეროთ სიტყვა „სექსი“ და ყოველი პორნოს მაძიებელი ახალგაზრდა თქვენთან შემოვა.

გასაკვირი არაა, რომ მაძიებლთა უმეტესი ნაწილი დაინტერესებული იყო „ოცნების ქალაქით“, ასოს გაზრდით, სექსით, მარიოს თამაშით და სხვ. თუმცა ერთობ საკვირველი მხოლოდ ის იყო, თუ როგორ ეძებდნენ ისინი ამ ყოველივეს.

წარმოგიდგენთ search term-ების სახალისო სიის პირველ ნაწილს, რომელსაც თან სდევს ჩემი კომენტარებიც.

оцнебис калаки – ქართულადაც ბევრმა მოიძია ეს ფილმი, და ლათინური შრიფტითაც, თუმცა კირილიკურად მემგონი არავის მოუძებნია ქართული სახელწოდების ფილმი.

asos gadideba  /  didi aso.com  / ასოს გადიდება - არაერთი ქეივორდი შემხვდა მსგავსი შინაარსით და უბრალოდ მათ ყველას ერთად ერთ ქვაბში მოვხარშავ.

სექსი სკაიპში – არ ვიცი ეს პიროვნება, გოგოს ეძებდა სკაიპში სასექსაოდ, თუ უბრალოდ ვიდეოს ნახვა სურდა, თუ როგორ კავდებიან ამით სკაიპში, თუმცა დანამადვილებით მხოლოდ ერთი ვიცი, რომ ეს ძებნა ჩემს ბლოგზე მოხვედრით უშედეგო აღმოჩნდა.

pornos gadageba – მას ალბათ back stage კადრების მოპოვების სურვილი ამოძრავებდა, ან მასში ფარული რეჟისორული ნიჭი იმალება, რომლის შესახებაც მისმა მშობლებმა არ იციან.

salaparako temebi – ეტყობა სალაპარაკო გამოელია და ახალ თემებს ინტერნეტში ეძებს.

კუნილინგუსი – რა დიდი ძალა აქვს კომენტარს. ერთმა დამიტოვა კომენტარებში ეს (უწმაწური ) სიტყვა და მისი დასერჩვისას ვიღაც ჩემს ბლოგზე აღმოჩნდა.

ქართველების პორნო – მე ბლოგერს არ ვიცნობ, ვისთანაც ამ ქეივორდით 1 კაცი მაინც არ მოხვედრილიყო.

სულ თამაშიც სად გაგონილა – მართალია, სულ დასერჩვას სად გაგონილა?

12 წლის ბავშვების სექსი /14 წლის გოგოს სექსი – ეს 13 წლის ღლაპების სექსი აღარავის ევასება.

aweuli traki – აწეული და დაწეული როგორია ვერავინ მეტყვით? მართლა მაინტერესებს.

guli matkine – შენც, რომ ჩემს ბლოგზე აღმოჩნდი.

kriminaluri saiti – ჩემი ბლოგი მემგონი ყველაფერია, გარდა კრიმინალური საიტისა.

mizezi ratom – ალბათ, თავის შეყვარებულს დაშორდა და მიზეზს გუგლში ეძებდა.

pirveli gamis shesaxeb – ნუ ესეც საკმაოდ ისეთი, რასაც ქალიშვილები ხშირად ეძებენ ხოლმე ინტერნეტში, თუმცა თუ მეხსიერება არ მღალატობს, ჯერ არც დაოჯახებული ვარ და არც პირველი ღამის შესახებ მიწერია აქ არაფერი.

pirdapir porno – ანუ, პირდაპირ საქმეზე გადავიდეთო რა.

pirveli chai – ა, უკაცრავად, მეგონა ყავა შეუკვეთეთ.

sexsi patara gogoebtan – პედოფილები მომრავლდნენ, სად არიამ მმკ-ს წარმოამდგენლები?

siyvarulis xrikebi – ეტყობა, შენთვის არავის უთქვას, გრძნობებს ნუ ეთამაშებიო.

tash tash tash taram taram – დიახ, მრავალჟამიერის მოყვარულებიც შემოდიან ხოლმე ჩემს ბლოგზე.

www. bandzoba.ge – შე კაცო, თუ ბანძობაა, რაღას ეძებ მაშინ?

zasaobis shesaxeb – ამის პირველი კოცნა უკვე წარმომიდგენია.

ასი ცნობილი გეი – ყველაზე მეტად მემგონი ამ საძიებო სიტყვამ გამაოცა, როდესაც აღმოვაჩინე.

აუცილებლად გიპასუხებთ – მოგვიანებით გადმორეკეთ, ახლა სტუმრები მყავს.

გათენების წინ – ნეტა ძიებისას რაზე ფიქრობდა? იპოვნიდა სტატიას, სადაც ეწერებოდა, თუ როგორ უნდა გავათენოთ ღამე ისე, რომ მეორე დღეს არ გვეძინებოდეს, თუ?

გველების სექსი – როგორც ჩანს, არა მხოლოდ პედოფილები, არამედ ზოოფილებიც შემოგვემატნენ. ადამიანო, რაში უნდა გაინტერესებ გველების სექსი?

დუტა სხირტლაძე როგორც წამყვანი – მალე ვინმე დასერჩავს, დუტა სხირტლაძე, როგორც პორნოვარსკვლავი.

ექსტრემალი ინვალიდები – ამან ან ექსტრემალის მნიშნელობა არ იცის, ან ინვალიდის, ან მე ჩამოვრჩი ცხოვრებას, სადაც ექსტრემალი ინვალიდებიც არსებობენ.

ვიდეოები ყველანაირი ძუძუებზე – ძუძუებზე, ძუძუს თავებზე, კარალევსკი ძუძუებზე …

ლაკონური მილოცვა – გილოცავ!

მე ათი წლის ვარ – აი, ამაზე პირველივე შედეგს ჩემს ბლოგს აგდებს და დარწმუნებული ვარ გადმოსვლისას და და ოთარ ჭილაძის ნაწარმოების წაკითხვისას ამ პატარა ბავშვს ერთხელ და სამუდამოდ აუცრუვდა გული საძიებო სისტემებზე.

მეც გავფრინდები – არადა გაფრენას სულ არ ვაპირებდი.

მოპარული ლეპტოპი – არ მომიპარავს, ჩეკი და პასპორტი შენახული მაქვს, დედაი გეფიცები.

პენისის გაზრდა უფასოდ – ასოს გაზრდაზე უამრავი სხვადასხვა ვარიანტი იყო, თუმცა ამან თავისი „ფასით“ მომხიბლა.

რა არის ღრუბლის ტირილი? – აი, ამაზე ახლაც გაკვირვებული ვარ, რას უნდა ნიშნავდეს ღრუბლის ტირილი.

რატომ სჯობს ლუდი ქალს – არ სჯობს, მერწმუნე.

როგორ ? – ძალზედ ზოგადი შეკითხვაა, თუმცა საკმაოდ კონკრეტულ პასუხებამდე/შედეგებამდე მიჰყავს ადამიანი.

როგორ გავიგოთ კაცი პიდარასტია თუ არა – საერთოდ ჯარში გაწვევის წინ სახაზავის მეთოდს ხმარობენ ხოლმე, შენც იხმარე, პრაქტიკაში არ ჩაჭრილა ეს მეთოდი არასდროს და…

როგორ შემიძლია მქონდეს სექსი – დიახ, მართალს ბრძანებთ, ამას საკუთარ თავს როგორ აკადრებთ?

სექს მოთხრობები ქართულად – სასურველია რაიმე ძილის წინ წასაკითხავი წიგნი.

ქართული სექს სოციალური ქსელი – გული უნდა გაგიტეხო, ასეთი არარსებობს.

ყველაფერი მინეტის შესახებ – სერიიდან A-Z to Blowjob.

ცნობილი ლესბოსელი ქართველი ქალები – ამაზე კომენტარი ჯერაც ვერ მომიფიქრებია.

მოკლედ, დღეისთვის სულ ეს იყო, დარჩით ტალღაზე FM Landish-ა და 69 და დაელოდეთ მორიგ search term-ების სიას. თქვენ კი ეცადეთ მაქსიმალრუად საინტერესო და სახალისო საკვანძო სიტყვები გამოიყენოთ ძიებისას და ვინ იცის, ეგებ ჩემს ბლოგზეც აღმოჩნდეთ, რის შემდეგადაც, აუცილებლად მოხვდებით ამ სიაში.